Morgunblaðið - Sunnudagur - 16.12.2012, Qupperneq 28

*Matur og drykkir Einfaldleiki virkar best í eldhúsinu að mati húsfreyjunnar á Rauðalæk sem bauð heim í vikunni »32
Þ
essi eftirréttur er í miklu uppáhaldi hjá mér,
rosalega bragðgóður og gott að útbúa hann dag-
inn áður en gesti ber að garði og eiga inni í ís-
skáp,“ segir Heiðdís Lilja Magnúsdóttir, rit-
stjóri nýrrar matreiðslubókar, Eldað undir bláhimni -
Sælkeraferð um Skagafjörð. Rétturinn er á matseðli
Hótels Varmahlíðar en í nýju bókinni eiga Skagfirðingar
og skagfirsk veitingahús uppskriftir en bókin er til-
einkuð skagfirskri matarmenningu.
„Ég fékk til liðs við mig veitingahús og áhuga- og at-
vinnumatreiðslumenn en hugmyndin er að nýta það hrá-
efni sem finna má í skagfirsku matarkistunni og í þess-
ari uppskrift er það karamellujógúrt frá Mjólkursamlagi
Kaupfélags Skagfirðinga. Frumkvæðið að bókarskrif-
unum kom upphaflega frá þáverandi sviðsstjóra mark-
aðs- og þróunarsviðs sveitarfélagsins Skagafjarðar, Ás-
keli Heiðari Ásgeirssyni, en forsagan nær allt aftur til
ársins 2004 þegar verkefninu Matarkista Skagafjarðar
var hleypt af stokkunum. Hugmyndin að því verkefni
hófst með samstarfi Hólaskóla og háskólans í Guelph í
Kanada en markmið verkefnisins var að leita leiða til að
þróa matarferðaþjónustu í dreifbýli á Íslandi og Skaga-
fjörður varð tilraunastaður til að byrja á.“
Meðal þeirra sem eiga uppskriftir í bókinni er Nanna
Rögnvaldardóttir sem ættuð er úr Skagafirði en hún út-
býr creme brulee úr ábrystum og Ásta Búadóttir sem
matreiðir Drangeyjarlunda. „Bókinni er skipt í kafla eft-
ir árstíðum og þá er líka sérkafli með þjóðlegri matar-
hefð sem tengist Skagafirði.“
Ljósmyndarar bókarinnar eru þeir Pétur Ingi Björns-
son og Óli Arnar Brynjarsson og að sjálfsögðu var út-
gefandinn líka skagfirskur; Nýprent á Sauðárkróki. Morgunblaðið/Golli
AF MATSEÐLI HÓTEL VARMAHLÍÐAR
Hráefni
Skaga-
fjarðar
HEIÐDÍS LILJA SAMEINAÐI SKAGFIRSKA
KOKKA OG VEITINGASTAÐI Í BÓK SEM HÚN
TILEINKAR SKAGFIRSKRI MATARMENNINGU.
Júlía Margrét Alexandersdóttir julia@mbl.is
Heiðdís Lilja Magnúsdóttir, laganemi, blaðamaður og rit-
stjóri matreiðslubókar sem tileinkuð er heimahögunum.
600 ml rjómi
600 ml mjólk
10 msk. sykur
1 vanillustöng
600 g karamellusúrmjólk
frá Mjólkursamlagi KS
9 blöð matarlím (gelatín)
Hitið rjóma, mjólk, sykur og
vanillustöng saman að suðu.
Kælið. Fjarlægið vanillu-
stöngina. Leggið matarlímið í
kalt vatn og leysið svo upp í
einni ausu
af volgu rjómablandinu.
Hrærið uppleysta matarlímið
saman við afganginn af rjóma-
blandinu.
Hrærið hluta af rjóma-
blandinu saman við kara-
mellusúrmjólkina og blandið
loks öllu saman. Hellið þessu
í vínglös eða fallegar skálar á
fæti og skreytið með bökuðu
mangói og pistasíum. Upp-
skriftin nægir í 12 skálar.
Bakað mangó
1 mangó
3 msk. hrásykur
Skerið mangó í miðlungs-
stóra teninga og stráið hrá-
sykri yfir. Bakið við 180° í 12
mínútur.
Karamellusúrmjólkur-
pannacotta með bökuðu
mangói og pistasíum