Morgunblaðið - 30.01.2013, Blaðsíða 4
4 FRÉTTIRInnlent
MORGUNBLAÐIÐ MIÐVIKUDAGUR 30. JANÚAR 2013
SVIÐSLJÓS
Þórunn Kristjánsdóttir
thorunn@mbl.is
„Vellíðunarferðaþjónusta felst í því
að njóta; taka sér tíma til að vera í
stundinni og njóta þess sem náttúr-
an hefur upp á að bjóða. Þetta er
grein bæði upplifunar, og heilsu-
tengdrar ferðaþjónustu. Í þessu
felst í raun allt sem lætur þér líða
vel; jóga, nudd, göngur, heilnæmt
mataræði o.s.frv,“ segir Erla Sig-
urðardóttir, verkefnisstjóri hjá Ný-
sköpunarmiðstöð Íslands.
Heimamenn í Mývatnssveit halda
í samstarfi við Nýsköpunarmiðstöð
Íslands málþing í Skjólbrekku á
fimmtudaginn um vellíðunarþjón-
ustu. Málþingið ber yfirskriftina
Mývatn – vetur og vellíðun.
Aðstæður á Íslandi þykja vel til
þess fallnar að stunda slíka ferða-
þjónustu.
„Það sem fólk sækir hingað er
kyrrð og ró og að komast í burtu úr
erli hversdagsins. Aðstæður á Ís-
landi þykja einstaklega góðar til
þess. Fyrir einstaklinga sem koma
úr stórum borgum felst heilmikil
heilun í því að komast í kyrrðina,“
segir Erla.
Hún bendir á að vellíðunarferða-
þjónustan sé að aukast á Íslandi.
„Hún er kannski komin ívið
lengra í Mývatnssveit en víða ann-
ars staðar. Mývatnssveit er ein af
fáum stöðum úti á landi sem nálg-
ast að vera heilsárs staður sem
býður upp á ferðaþjónustu. Vetr-
arferðaþjónustan er að eflast en
betur má ef duga skal,“ segir Erla.
Miðstöð heildrænna meðferða
„Við erum að byggja upp starf-
semi við hópa í tengslum við hið
andlega og heildræna eins og jóga,
jurtanámskeið og fleira í þeim dúr,“
segir Harpa Barkardóttir, jóga-
kennari og eigandi ferðaskrifstof-
unnar Alkemia í Mývatnssveit, og
einn fyrirlesara á málþinginu. Hún
hefur rekið ferðaþjónustu í Mý-
vatnssveit ásamt eiginmanni sínum,
Frakkanum Jean-Marc Plessy, frá
2010. Þau hafa fengið 12 til 15
frönskumælandi hópa yfir árið.
„Hér vantar sárlega góða aðstöðu
fyrir t.d. nudd og jóga. Við Berg-
þóra [Kristjánsdóttir] sjáum fyrir
okkur einhvers konar miðstöð fyrir
heildrænar meðferðir. Þar yrði að-
staða til að stunda þetta,“ segir
Harpa.
Þau hafa lagt mest upp úr mark-
aðssetningu fyrir vetrarhópa í Mý-
vatnssveit og starfa undir formerkj-
um „slow travel“. Hóparnir sem
koma eru viku í senn og dvelja úti í
náttúrunni, borða heilsufæði, fara í
heit böð, hvíla sig og láta sér líða
vel.
Þau hafa einnig fengið til sín er-
lenda kennara. Þeir koma með hópa
með sér til þess að upplifa sína
ástundun úti í íslenskri náttúru.
„Þessir hópar hafa verið að fást
við ýmislegt; hugleiða úti í nátt-
úrunni og vinna í ýmiskonar sjálfs-
vinnu. Fyrir stuttu kom hópur para
sem voru á tantra-námskeiði,“ segir
Harpa.
„Þetta er alveg nýr markhópur
sem við erum með. Þessi markhóp-
ur er til en hann hefur farið á aðra
staði hingað til. Við erum að koma
Íslandi á kortið hjá þessum hóp,“
segir Harpa. Svisslendingar eru
fjölmennir. „Hugarfar þeirra er op-
ið fyrir hinu óhefðbundna, fyrir ut-
an það virðast þeir hafa kaupmátt-
inn. Einnig koma Frakkar, Belgar
og Kandamenn,“ segir Harpa og
bætir við að eftirspurn sé eftir ferð-
um fyrir enskumælandi.
Bjóða upp á vellíðan í Mývatnssveit
Vellíðunarferðaþjónusta komin langt í Mývatnssveit Ferðamenn næra andann í náttúruperlunni
á veturna Fjáðir Svisslendingar eru fjölmennir og sækjast eftir óhefðbundnum námskeiðum
Morgunblaðið/Birkir Fanndal
Náttúruperla Aðstæður á Íslandi, einkum í dreifbýli, þykja hentugar til svokallaðrar vellíðunarferðaþjónustu.
„Ég held erindi um hvernig
hægt er að nota jurtir fyrir mis-
munandi hópa í ferðaþjónustu.
Þetta er hugleiðing um hvernig
hægt sé að koma gjöfum jarðar
inn í ferðaþjónustuna. Jurtirnar
er hægt að nota á fjölbreyttan
hátt,“ segir Bergþóra Kristjáns-
dóttir, nuddari og náttúrupati.
Hún sér mörg tækifæri á
þessu sviði en bendir á að
fyrsta skrefið sé að finna mark-
hópinn og hefjast handa þar.
„Það er samvinnan sem gildir í
þessu eins og svo mörgu öðru,“
segir Bergþóra.
Á meðal þeirra sem halda er-
indi eru Margrét Hólm Vals-
dóttir, sölu- og markaðsstjóri
hjá Hótel Reynihlíð. Erindi
hennar ber heitið Mývatnssveit
– heimili vellíðunar. Þá talar
Guðrún Brynleifsdóttir, fram-
kvæmdastjóri Mývatnsstofu,
um Vetrarparadísina Mývatn.
Í takt við umhverfið er yf-
irskrift erindi Ástu Price, sér-
fræðings í fyrirbyggjandi og
heilandi meðferðum.
Í lok málþingsins verður hug-
myndavinna með „þjóðfundar-
sniði“ eins og stendur í tilkynn-
ingu. Þar eru þátttakendur
virkjaðir í hugmyndavinnu sem
verður grundvöllur aðgerða-
áætlunar vegna heilsu-
ferðaþjónustu í Mývatnssveit.
Guðlaug Gísladóttir, við-
skiptastjóri hjá Íslandsbanka og
MPM í verkefnastjórnun, stýrir
vinnunni.
Jurtir, kyrrð,
orka, töfrar
FJÖLBREYTT ERINDI
Flugvél Landhelgisgæslunnar TF-
SIF flaug í gærmorgun sjúkraflug til
Malmö í Svíþjóð en þetta mun vera í
annað sinn í mánuðinum sem vélin
flýgur með sjúkling til borgarinnar.
Hrafnhildur Brynja Stefánsdóttir,
upplýsingafulltrúi Landhelgisgæsl-
unnar, segir að vélin þyki hentugri til
sjúkraflugs milli landa en aðrar
sjúkraflugvélar.
„Það þykir mjög góð aðstaða um borð til þess að sinna gjörgæslu-
sjúklingum og því mjög gott að athafna sig,“ sagði hún m.a. í samtali við
mbl.is í gær.
Hrafnhildur sagði sjúkraflug af þessu tagi ekki algengt en Landhelgis-
gæslan gerði sitt besta þegar til hennar væri leitað.
TF-SIF flaug með sjúkling til Malmö
TF-SIF í Malmö í gærmorgun.
Hólmfríður Gísladóttir
holmfridur@mbl.is
Katrín Jakobsdóttir, mennta- og
menningarmálaráðherra, segist opin
fyrir hugmyndum Garðbæinga um
að sveitarfélagið taki yfir rekstur
Fjölbrautaskólans í Garðabæ.
Fulltrúum sveitarfélagsins verði
boðið til fundar um málið í byrjun
febrúar. Katrín segist hafa verið
þeirrar skoðunar að framhaldsskól-
arnir muni færast yfir á forræði
sveitarfélagana en að mörgu sé að
hyggja áður en ráðist verði í svo
stórt verkefni.
„Það stendur yfir innleiðing á nýj-
um framhaldsskólalögum og nám-
skrá, sem lýkur 2015, og við höfum
svona horft til þess að það sé mikil-
vægt að henni ljúki áður en einhver
risaskref verða tekin. En við erum
auðvitað alveg opin fyrir því að
skoða einhver svona tilraunaverk-
efni,“ segir ráðherrann.
Katrín segir þróunina í nágranna-
ríkjunum hafa verið í þessa átt og þá
hnígi rök til þess að hafa skólastigin
á einni hendi vilji menn skapa meiri
samfellu í skólastarfinu.
„Það sem hins vegar á eftir að
svara er að við rekum núna fram-
haldsskólakerfi þar sem nemendur
hafa frjálst val um það hvernig þeir
velja sér skóla og það er auðvitað
spurning hvernig
við ætlum að þróa
það ef við færum
þetta til sveitar-
félaganna. Eru
þá nemendur
meira bundnir
sínum sveitar-
félögum?“ spyr
ráðherra.
Hún bendir
einnig á að sam-
kvæmt nýju námskránni sé skól-
unum frjálst að móta sér mikla sér-
stöðu og tryggja þurfi að nemendur
hafi aðgang að skólum í öðrum sveit-
arfélögum en sínu eigin.
Líkt og fram kom í Morgun-
blaðinu í gær stunda um þrjú þús-
und nemendur nám í skólum í
Garðabæ og þar starfa á sjötta
hundrað manns. Gunnar Einarsson,
bæjarstjóri Garðabæjar, segir
kostnaðinn við rekstur skólanna
nema um 3,2 milljörðum á ári en að
hægt væri að ná fram sparnaði með
því t.d. að stytta nám til stúdents-
prófs.
Í greinargerð sem unnin var fyrir
bæjarstjórn Garðabæjar er gert ráð
fyrir að gerður verði sérstakur
samningur við ráðuneytið um rekst-
ur FG, þar sem m.a. verði kveðið á
um fjölda ársnemenda og um fjár-
veitingar með hverjum nemanda.
Hyggjast funda með
fulltrúum Garðabæjar
Ráðherra tilbúinn að skoða að sveitarfélagið taki FG yfir
Katrín
Jakobsdóttir
Í fyrra komu fram hugmyndir um
að tekið yrði upp nýtt einkunna-
kerfi í 10. bekk þar sem gefið
yrði í bókstöfum: A, B, C og D.
Um væri að ræða hæfnisþrep þar
sem nemendur þyrftu að sýna
fram á ákveðna þekkingu til að
komast á næsta þrep en þannig
myndi einkunnin endurspegla
þekkingu nemenda.
Katrín segir hugmyndirnar
hafa sætt ákveðinni gagnrýni en
verið sé að rýna í þær. „Það er
verið að tala um að prófa þær í
einum eða tveimur skólum og
það á að kalla aftur til samráðs-
hóp um skil grunnskóla og fram-
haldsskóla og leita eftir sjónar-
miðum nemenda, kennara og
skólastjórnenda.“
Vonir stóðu til að hægt yrði að
taka upp einkunnakerfið nú í vet-
ur en ekki verður af því fyrr en í
fyrsta lagi 2015, að sögn ráð-
herra.
Leita álita
um kerfið
A, B, C OG D
Tunguhálsi 10,
110 Reyjavík