Morgunblaðið - 30.01.2013, Blaðsíða 20

20 FRÉTTIRErlent
MORGUNBLAÐIÐ MIÐVIKUDAGUR 30. JANÚAR 2013
Kristján Jónsson
kjon@mbl.is
Forseti egypska herráðsins og
jafnframt varnarmálaráðherra
landsins, Abdel Fattah al-Sissi
hershöfðingi, varaði í gær lands-
menn við og sagði að pólitísk átök
að undanförnu gætu valdið hruni
ríkisins. Fjölmenn mótmæli voru í
Egyptalandi í fyrrinótt enda þótt
Mohamed Morsi forseti hefði fyrir-
skipað útgöngubann og lýst yfir
neyðarástandi í þrem stórborgum,
Port Said, Ismailia og Súes.
„Haldi átökin milli pólitískra afla
um stjórnarstefnuna áfram gæti
það haft í för með sér hrun ríkisins
og ógnað komandi kynslóðum,“
sagði Sissi. Minnst 52 hafa fallið í
átökunum sem hófust þegar
tveggja ára afmælis byltingarinnar
gegn Hosni Mubarak var minnst í
liðinni viku.
Andstæðingar Morsis forseta
segja hann vera einræðissegg sem
beiti sams konar aðferðum og
Mubarak. Hann var fyrrverandi
hershöfðingi en herinn og flokkur
hans voru við völd í Egyptalandi
óslitið frá 1952 til 2011 þegar Mub-
arak var steypt.
Ummæli Sissis þykja sýna vax-
andi óþolinmæði hersins gagnvart
Morsi en þau féllu á fundi með
nemendum í herskóla og voru birt
á Facebook-síðu Sissis. Sagði hann
hlutverk hersins flókið. Hann vildi
ekki stöðva lögmæt mótmæli al-
mennings en yrði jafnframt að
vernda mikilvægar stofnanir.
Ljóst er að herinn, sem hefur nú
fengið heimild til að handtaka fólk,
nýtur enn mikils álits en hann hef-
ur auk þess geysimikil ítök í við-
skiptalífinu og á þar fjárhagslegra
hagsmuna að gæta. Í umdeildum
tillögum að breyttri stjórnarskrá
eru hernum áfram tryggð þessi
ítök en ljóst að staða hans er
ótryggari en áður eftir að lýðræði
var komið á.
Óttast algert hrun í Egyptalandi
 Forseti herráðsins varar við afleiðingum pólitískrar ólgu og átakanna síðustu daga
 Herinn segist munu koma í veg fyrir tjón á mikilvægum innviðum eins og Súesskurðinum
AFP
Reiði Stjórnarandstæðingar hrópa slagorð gegn Morsi forseta í Port Said.
Verja Súesskurðinn
» Herinn hefur heitið því að
koma í veg fyrir tjón á mik-
ilvægum innviðum eins og
Súesskurðinum. Hann er
mikil tekjulind fyrir Egypta
en efnahagur þeirra er nú á
heljarþröm.
» Einna mest hafa átökin
verið í borginni Port Said
við norðurenda Súesskurð-
arins.
» Þar hefur 21 stuðnings-
maður knattspyrnuliðs
staðarins verið dæmdur til
dauða fyrir þátttöku í blóð-
ugum óeirðum í fyrra.
Unglingar í Diafouke, einu af út-
hverfum Timbúktú í Afríkuríkinu
Malí, fagna komu stjórnarher-
manna undir stjórn franskra her-
manna í gær. Hersveitirnar vinna
nú að því að styrkja stöðu sína en
þeim tókst að ná borginni að mestu
úr höndum íslamskra uppreisnar-
manna á mánudag.
Mótstaðan var að sögn lítil enda
yfirburðir árásarliðsins miklir og
það naut aðstoðar úr lofti. Alls búa
liðlega 50 þúsund manns í borginni.
Skýrt var frá því í gær að hundruð
manna stunduðu rán og gripdeildir
í kjölfar ósigurs íslamistanna.
Frakkar hafa nú um 2.600 manna
lið í Malí. Gert er ráð fyrir að 240
Bretar og hermenn fleiri þjóða auk
um 6.000 manna liðs á vegum V-
Afríkulanda verði send til Malí. Er
nú verið að vinna að fjármögnun
verkefnisins. Ætlunin er að brjóta á
bak aftur sveitir íslamista í Malí.
Fagnað í
Timbúktú
AFP
Að minnsta kosti 150 þúsund manns hafa flúið
heimili sín og yfir 40 munu hafa látið lífið í mikl-
um flóðum í Afríkuríkinu Mósambík síðustu
daga. Verst er ástandið í Gaza-héraði í suður-
hluta landsins sem liggur lágt. Margir komast
hvorki lönd né strönd vegna hamfaranna og
hjálparsamtök eiga í erfiðleikum með að koma
neyðaraðstoð til verst settu svæðanna.
Vatnsyfirborð stærstu ánna í landinu er enn að
hækka og því búist við frekari hamförum á næstu dögum. Ýmis alþjóðleg
hjálparsamtök og stofnanir almannavarna í landinu hafa komið á fót
bráðabirgðabúðum á hærri svæðum þar sem hægt er að sinna hinum bág-
stöddu. Mikill skortur er á ýmsum nauðsynjum, að sögn talsmanns Alþjóða
Rauða krossins og systurstofnunarinnar Rauða hálfmánans.
„Það verður geysilega mikil þörf fyrir hreinlætisbúnað, moskítónet,
skýli, eldhúsbúnað og teppi þegar fólk fer að snúa aftur heim á næstu vik-
um,“ segir talsmaðurinn, Katherine Mueller. kjon@mbl.is
MÓSAMBÍK
Tugir manna farast í miklum flóðum
Land á floti.
Hollensk flugmálayfirvöld láta nú
rannsaka atvik sem varð í Boeing
737-800 þotu félagsins Transavia í
fyrra. Var þotan í leiguflugi frá
Amsterdam til Egyptalands. Flug-
stjórinn þurfti að bregða sér á sal-
ernið en aðstoðarflugmaður tók þá
við. Dyrnar læstust á eftir flugstjór-
anum og honum tókst ekki að vekja
athygli aðstoðarmannsins þótt beitt
væri háværri dyrabjöllu. Að lokum
tókst flugfreyjum að opna dyrnar,
aðstoðarflugmaðurinn svaf þá sem
fastast en sjálfstýringin sá um að
stjórna þotunni. kjon@mbl.is
FLUGFÉLAGIÐ TRANSAVIA
Flugstjórinn læstur
úti og aðstoðarmað-
ur svaf við stýrið! Talsmaður
skátahreyfing-
arinnar banda-
rísku segir í sam-
tali við USA
Today að sam-
tökin muni ef til
vill heimila innan
skamms að sam-
kynhneigðir
karlar megi ger-
ast liðsmenn og einnig stýra flokk-
um. Hæstiréttur í Washington
ákvað árið 2000 að hreyfingin hefði
mátt reka aðstoðarflokkstjóra sem
viðurkenndi að hann væri samkyn-
hneigður. kjon@mbl.is
BANDARÍSKIR SKÁTAR
Fá samkynhneigðir
að stjórna?
Ávallt reiðubúinn.
SÍÐUSTU DAGAR
ÚTSÖLUNNAR
Faxafeni 14 - 108 Reykjavík - Sími 551 6646
Opið virka daga frá 10-18 og laugardaga 11-15