Morgunblaðið - 30.01.2013, Blaðsíða 16
16 FRÉTTIRInnlent
MORGUNBLAÐIÐ MIÐVIKUDAGUR 30. JANÚAR 2013
Rauðagerði 25 · 108 Reykjavík · Sími 440 1800 · www.kaelitaekni.is
Okkar þekking nýtist þér
Kæli- & frystiskápar
fyrir veitingastaði
& mötuneyti
15% afsláttur
Tefcold RK710
700 l. kælir
Verð nú kr. 277.936
Áður kr. 326.984
Tefcold RF710
700 l. frystir
Verð nú kr. 316.087
Áður kr. 371.867
Tefcold UR600S
600 l. kælir
Verð nú kr. 199.163
Áður kr. 234.311
Tefcold UF600S
600 l. frystir
Verð nú kr. 232.142
Áður kr. 273.108
Tefcold UR600
600 l. kælir
Verð nú kr. 176.520
Áður kr. 207.671
Tefcold UF600
600 l. frystir
Verð nú kr. 216.034
Áður kr. 254.158
Tefcold UR200S
130 l. kælir
Verð nú kr. 93.243
Áður kr. 109.698
Tefcold UF200S
130 l. frystir
Verð nú kr. 126.027
Áður kr. 148.267
Öll verð eru m. vsk.
Tilboð gildir meðan birgðir
endast.
Erum einnig með
gott úrval af
kæli- & frysti-
borðum sem og
tvöfalda skápa.
Góð gæði og gott
verð.
Ólafur Ragnar Gríms-
son, forseti Íslands,
fundaði á mánudag með
Tim Ward og Kristjáni
Andra Stefánssyni úr
málflutningshópi Ís-
lands í Icesave-deilunni,
í tilefni af fullnaðarsigri
Íslands fyrir EFTA-
dómstólnum.
Meðal fundarefna var
hinn sterki málstaður Ís-
lands, afleiðingar dóms-
ins fyrir umræður og
stefnumótun innan
Evrópusambandsins og
á vettvangi alþjóðlegs
fjármálasamstarfs.
Þá var rætt um mikil-
vægi hinnar lýðræðis-
legu samstöðu, bar-
áttuhreyfingarnar sem
kröfðust þjóðaratkvæða-
greiðslu og hvernig Ice-
save hafi í hugum fólks víða í Evr-
ópu og annars staðar í veröldinni
orðið brennidepill glímunnar milli
hagsmuna fjármálamarkaðar ann-
ars vegar og lýðræðislegs vilja og
réttar fólksins hins vegar. Niður-
staðan væri sigur fyrir íslensku
þjóðina og lýðræðið í landinu, að
því er fram kemur á forsetavefnum.
Forsetinn fylgdi þar með eftir
þeim málflutningi sínum á alþjóð-
legum vettvangi síðustu misseri að
þar sem hagsmunir peningaafla og
almennings takist á skuli hinn
lýðræðislegi vilji ráða för.
Daginn áður lofaði Össur Skarp-
héðinsson utanríkisráðherra fram-
göngu málflutningsteymisins.
Fullnaðarsigri fagnað Forseti tók á móti Ward
og Kristjáni Andra á Bessastöðum.
Sigur lýðræðis
yfir peningaöflum
Forseti fundaði um þýðingu Icesave
Ljósmynd/Forsetavefurinn
Kjartan Kjartansson
Egill Ólafsson
Snúa þurfti við flugvél Eyjaflugs til
Reykjavíkurflugvallar í jómfrúar-
ferð flugfélagsins til Sauðárkróks í
gærmorgun, eftir að bilun kom upp í
ljósabúnaði hennar. Í fyrstu var talið
að lendingarbúnaður vélarinnar
hefði bilað en svo reyndist ekki vera.
Bilunin leiddi hins vegar til þess að
ekki kviknaði ljós sem sýnir að lend-
ingarhjól vélarinnar séu niðri þegar
hún var í aðflugi að Sauðárkróki.
„Þetta var nemi sem var bilaður
en hjólin komu alveg niður,“ segir
Ingólfur Arnarson, flugmaður vél-
arinnar.
Þegar flugvélin kom til Reykja-
víkur flaug hún upp að flugturninum
og flugumferðarstjórar gátu stað-
fest að bæði hjól vélarinnar væru
niðri. Vélin lenti síðan á vellinum, en
slökkvibíll fylgdi henni eftir út á
flugbrautina.
Fyrsta flugið í ár
Sex farþegar voru um borð í vél-
inni sem lagði af stað fyrir klukkan
átta í gærmorgun til Sauðárkróks.
Fór hún aftur í loftið um klukkan
eitt eftir að búið var að ganga úr
skugga um að allt væri með feldu.
„Þetta var bara allt í góðu um
borð. Þetta var fyrsta flugið okkar
og það er sagt að fall sé fararheill!“
segir Ingólfur.
Í janúar var skrifað undir samn-
ing milli Isavia og Air Arctic (Eyja-
flugs) um áætlunarflug milli Sauð-
árkróks og Reykjavíkur. Rúmt ár er
síðan Ernir hætti flugi á þessari leið
og síðan þá hafa heimamenn unnið
að því að koma áætlunarflugi á aftur,
með aðstoð innanríkisráðuneytisins
og Sveitarfélagsins Skagafjarðar.
Ljósmynd/Feykir
Móttaka Stefán Vagn Stefánsson, formaður byggðaráðs Skagafjarðar, og Ásta B. Pálmadóttir sveitarstjóri taka á
móti þeim Ingólfi Arnarsyni og Brynjari Á. Sigurðsson frá Eyjaflugi á Sauðárkróki í tilefni fyrsta áætlunarflugsins.
Snúið við í fyrstu ferð
Ljósbúnaður vélar Eyjaflugs bilaði í fyrsta áætlunarflugi
þess til Sauðárkróks Vélinni snúið aftur til Reykjavíkur
Ljósmynd/Feykir
Lent Farþegi stígur frá borði úr vélinni á Alexandersflugvelli á Sauð-
árkróki í gær. Seinkun varð á komunni þangað um fimm tíma.
Baldur Arnarson
baldura@mbl.is
„Það kom fram í upphafi síðasta
íbúaþings að íbúum Raufarhafnar
hefur fækkað um helming á síðustu
átján árum. Tilfinning manna er sú
að það vanti ungt og kraftmikið fólk
á svæðið. Hér eru ótal möguleikar til
góðrar afkomu,“ segir Haraldur Sig-
urðsson, vélfræðingur og fulltrúi í
starfshópi framfarafélags Öxarfjarð-
ar, um brottflutning frá svæðinu.
Tölur Hagstofu Íslands yfir
búferlaflutninga leiða í ljós að 207
fleiri fluttu frá Norðausturlandi en
til landshlutans í fyrra. Fluttu þar af
206 til höfuðborgarsvæðisins en að-
eins einn til útlanda.
Skortur á fólki í vissum störfum
Haraldur segir mikil tækifæri fyr-
ir vinnufúsar hendur fyrir austan.
„Hér á Kópaskeri vantar til dæmis
bifvélavirkja og hjúkrunarfræðing.
Þá stórvantar fólk á Raufarhöfn í
fiskvinnslu. Það vantar barnafólk
enda hefur orðið svo mikil fækkun í
skólunum. Ég veit til þess að barna-
fólk hefur flutt í burtu vegna þess að
börnin skorti leikfélaga í skólunum.“
Svo vikið sé aftur að tölum Hag-
stofunnar sýna þær að fólki hefur
fækkað í öllum landshlutum nema á
höfuðborgarsvæðinu og á Vestfjörð-
um. Íbúum á höfuðborgarsvæðinu
fjölgaði um 313 og um 38 á Vestfjörð-
um en fækkaði á Suðurnesjum um
238, um 113 á Vesturlandi, um 62 á
Norðurlandi vestra, um 207 á
Norðurlandi eystra, um 12 á Austur-
landi og um 38 á Suðurlandi.
Eins og komið hefur fram hægði á
brottflutningi í fyrra en þá fluttust
319 fleiri frá landinu en til þess, borið
saman við 1.404 árið 2011.
Fækkun í heilbrigðiskerfinu
Halldór Halldórsson, formaður
Sambands ísl. sveitarfélaga, segir
niðurskurð bitna á landsbyggðinni.
„Íbúar á Norðurlandi vestra hafa
kvartað undan skorti á samráði.
Fólki þar finnst að það hafi verið
skorið mjög mikið niður. Það sama
gildir um Heilbrigðisstofnun Þing-
eyinga á Norðurlandi eystra. Fólk
hefur rætt um að fækkun opinberra
starfa sé hlutfallslega mun meiri í
þessum tilvikum en annars staðar.“
Brottflutningur veikir
byggð á Norðausturlandi
207 fleiri fluttust frá landshlutanum en til hans í fyrra
116.150
Íbúar á landsbyggðinni á 4. ársfjórð-
ungi í fyrra, skv. Hagstofu Íslands.
570
Fólksfækkun á landsbyggðinni síðan
á 4. ársfjórðungi á árinu 2009.
‹ FÆKKUN ›
»