Morgunblaðið - 30.01.2013, Blaðsíða 44

MIÐVIKUDAGUR 30. JANÚAR 30. DAGUR ÁRSINS 2013
VEÐUR » 8 www.mbl.is
5 6 9 1 1 0 0
Ritstjórn: ritstjorn@mbl.is
Auglýsingar: augl@mbl.is
Áskrift: askrift@mbl.is | sími 5691100
mbl.is: netfrett@mbl.is
Í LAUSASÖLU 399 ÁSKRIFT 4390 HELGARÁSKRIFT 2750 PDF Á MBL.IS 4190 I-PAD ÁSKRIFT 4190
1. Hvað varð um Ásdísi Maríu?
2. Margir ánægðir með dóminn
3. Fékk skilti í höfuðið og lést
4. Ungi reyndi að vekja dauða móður
»MEST LESIÐ Á mbl.is
FÓLK Í FRÉTTUM
 Sex þekktir kvikmyndaleikstjórar
frá Norðurlöndum, þ.á m. Dagur Kári
Pétursson, hafa stofnað félagið Crea-
tive Alliance og ætla sér að gera sex
kvikmyndir með framleiðendunum
Lars Knudsen og Jay Van Hoy hjá fyr-
irtækinu Parts and Labor Int-
ernational og dönsku framleiðend-
unum Nikolaj Vibe Michelsen og
Jacob Jørgensen, að því er fram kem-
ur á kvikmyndavefnum Variety. Hver
leikstjóri mun leikstýra kvikmynd
með ensku tali, sem ætluð er alþjóð-
legum markaði. Leikstjórarnir eru,
auk Dags Kára, þau Lone Scherfig,
Per Fly, Ole Christian Madsen, Thom-
as Vinterberg og Janus Metz. Kvik-
myndirnar verða gerðar í Bandaríkj-
unum, að því er fram kemur á Variety
og verða þær framleiddar í samstarfi
við dönsku kvikmyndastofnunina og
aðrar stofnanir í Evrópu og á Norð-
urlöndum.
Morgunblaðið/Árni Sæberg
Dagur í félagi með
þekktum leikstjórum
 Auglýsing fyrir íþróttavörufram-
leiðandann Asics sem tekin var upp
hér á landi verður frumsýnd á árinu,
að því er fram kemur á breska vefn-
um Daily Record. Skoska fyrirsætan
og fyrrverandi fimleikastjarnan As-
leigh Bradshaw dvaldi í viku hér á
landi við gerð auglýsingarinnar og
sést hér á hlaupum í ís-
lensku landslagi í prent-
auglýsingu. Bradshaw
vann keppni um að ger-
ast fyrirsæta Asics í
fyrirhugaðri auglýs-
ingaherferð og bar
sigurorð af
hundruðum
stúlkna sem sótt-
ust eftir því.
Skosk fyrirsæta á
hlaupum á Íslandi
Á fimmtudag Austan 5-10 m/s syðst, annars hægari vindur. Skýj-
að með köflum og úrkomulítið, en snjókoma við vesturströndina
síðdegis. Frost 0-14 stig, kaldast í innsveitum norðaustanlands.
SPÁ KL. 12.00 Í DAG Norðaustan 3-11 m/s, en austan 8-13 og
lítilsháttar slydda eða snjókoma suðvestantil síðdegis. Vægt frost
inn til landsins, en víða frostlaust við sjóinn.
VEÐUR
Bjarki Gíslason, úr Ung-
mennafélagi Akureyrar,
varð á dögunum fimmti Ís-
lendingurinn sem vippar sér
yfir fimm metra í stangar-
stökki. Afrek Bjarka er ekki
síst merkilegt fyrir þær sak-
ir að hann hafði verið frá
keppni vegna meiðsla í
rúmlega ár með brotinn
hryggjarlið þegar honum
tókst að fara yfir fimm
metrana í Laugardalshöll
fyrr í mánuðinum. »1
Yfir fimm metra
eftir brot í baki
Aron Jóhannsson er búinn að semja
við hollenska knattspyrnufélagið AZ
Alkmaar til ársins 2017 en
getur ekki byrjað að spila
með því strax. „Það er
virkilega pirrandi á þess-
ari stundu að geta
ekki byrjað strax
að æfa með lið-
inu,“ segir Aron
en er afar
ánægður með
þetta skref á
ferlinum. »4
Pirrandi að geta ekki
byrjað strax með liðinu
Á ársþingi Kraftlyftingasambands Ís-
lands var samþykkt tillaga um að gera
klassískum kraftlyftingum jafnhátt
undir höfði og kraftlyftingum með bún-
aði en ekki er notast við neinn styrktar-
eða hjálparbúnað í klassískum kraft-
lyftingum. Afreksstefna sambandsins
tekur nú mið af klassískum kraftlyft-
ingum með sama hætti og gert er með
kraftlyftingar með búnaði. »2-3
Klassískar kraftlyft-
ingar jafnréttháar
ÍÞRÓTTIR
Skannaðu
kóðann með
símanum þínum
og fylgstu með
veðrinu á
Steinþór Guðbjartsson
steinthor@mbl.is
Víða í Evrópu og ekki síst við Mið-
jarðarhafið má fá afbragðsgóðar
kryddpylsur, sannkallaðar sælkera-
pylsur af ýmsu tagi. Ítalski mat-
reiðslumaðurinn Roberto Tariello
vill kynna Íslendingum slíka fram-
leiðslu og er byrjaður að framleiða
þurrkuð matvæli úr íslensku
hrossakjöti og svínakjöti að ítalskri
fyrirmynd.
Roberto Tariello kom til Íslands
2007. „Ég ætlaði bara að kynnast
landinu, ferðast og vinna í nokkra
mánuði, en féll fyrir umhverfinu og
er hér enn,“ segir þessi ungi mað-
ur, sem verkar pylsurnar í sam-
vinnu við kjötvinnsluna á Hellu og
heimamenn í Þykkvabæ.
Tækifæri
Til að byrja með vann Roberto á
veitingastöðum hérlendis. Síðan
2008 hefur hann aðstoðað hóp
ítalskra ljósmyndara og landfræð-
inga á ferð um landið. Hann segir
að hann hafi stöðugt hugsað um
pylsugerðina sem hann hafi alist
upp við hjá fólki sínu í Limatola,
smábæ skammt frá Napólí. „Ég
tók fljótlega eftir því að ekkert
virtist vera unnið hérna úr hrossa-
kjöti nema bjúgu og saltkjöt og
vildi kanna hvort ekki væri mark-
aður fyrir sælkerapylsur. Ég byggi
á gömlum, ítölskum vinnsluaðferð-
um, framleiðslan hófst í sumar sem
leið og vörunum hefur verið mjög
vel tekið. Ég er með uppskriftir að
heiman en breyti aðeins út frá
þeim í þeirri von að gera þær
betri.“
Þykkvibær er elsta sveitaþorp
landsins og þó að svæðið sé eink-
um þekkt fyrir kartöflurækt byrj-
uðu menn þar snemma að borða
hrossakjöt. Þar er Roberto með
þurrkaðstöðu og þar pakkar hann
vörunum en frumvinnsla afurðanna
fer fram í kjötvinnslunni á Hellu.
„Mér er sagt að íbúar í Þykkvabæ
hafi fyrstir Íslendinga borðað
hrossakjöt og því fer vel á því að
lokavinnslan fari þar fram,“ segir
Roberto.
Vinna er seinvirk því hún er öll
handgerð. Roberto sér nánast al-
farið um verkunina en nýtur að-
stoðar Ástríðar Ástráðsdóttur.
„Hún er mín hægri hönd,“ segir
Roberto og bætir við að það taki
um einn og hálfan til þrjá mánuði
að meðaltali að vinna kjötið sam-
kvæmt kúnstarinnar reglum en
rétt handtök séu lykilatriði. „Ég
er að byrja að kynna Íslendingum
þessar afurðir og er bjartsýnn á
framhaldið,“ segir hann.
Sælkerapylsur að hætti Ítala
 Sameinar
íslenskt hráefni
og ítalska hefð
Morgunblaðið/Árni Sæberg
Framleiðandi Roberto Tariello með sýnishorn af framleiðslunni úr íslensku hrossakjöti og svínakjöti.
Til þessa hefur Roberto Tariello framleitt sex teg-
undir af pylsum úr svínakjöti og fjórar tegundir úr
hrossakjöti.
Roberto segir að þar sem fyrst og fremst sé um
tilraunaframleiðslu að ræða til að byrja með sé
framleiðslumagnið takmarkað, en vinnslan sé í
stöðugri þróun. Hann hugsi ekki um samkeppni
heldur það að framleiða góða vöru. Veitingastaðir
eins og Humarhúsið og Hótel Rangá hafi sýnt áhuga á pylsunum og þær
séu til sölu á nokkrum stöðum eins og í Ostabúðinni, hjá Frú Laugu, í
Búrinu og í Melabúðinni. „Ég vil nota tækifærið og þakka Íslendingum
fyrir áhugann á vörunum og góðar móttökur,“ segir hann.
Tíu mismunandi tegundir
FRAMLEIÐSLA ÍTALANS ROBERTO TARIELLO