Morgunblaðið - 30.01.2013, Blaðsíða 13

Innlent
MORGUNBLAÐIÐ MIÐVIKUDAGUR 30. JANÚAR 2013
Mörkinni 6 | 108 Reykjavík | S: 568 2533 | www.fi.is
FERÐAFÉLAG ÍSLANDS
Ferðaáæ
tlun FÍ 2
013
er komi
n út
Námskeið í vetrarfjallamennsku
9. febrúar
Ferðafélag Íslands býður upp á námskeið í vetrarfjalla-
mennsku laugardaginn 9. febrúar nk.
Á námskeiðinu er farið yfir grundvallaratriði vetrar-
fjallamennsku, búnað til fjallamennsku, leiðaval og
snjóflóðahættu.
Leiðbeint er um göngu í snjó og notkun ísaxar og
ísaxarbremsu, göngu á mannbroddum og snjó- og
ístryggingar. Fjallað um hnúta, línumeðferð, sig
og létt snjó- og ísklifur.
Skyndihjálp og óhöpp í óbyggðum
19., 21. og 26. febrúar
Tími: Kl.18-22 í sal FÍ, Mörkinni 6.
Ferðafélag Íslands býður upp á námskeið í skyndihjálp
og óhöpp í óbyggðum.
Verklegt námskeið fyrir göngufólk í skyndihjálp og
viðbrögðum við óhöppum í óbyggðum. Eftir stutta
upprifjun á grunnatriðum skyndihjálpar er lögð aðal-
áhersla á raunhæf verkefni og fræðslu og frásagnir af
slysum á Íslandi og þannig reynt að æfa viðbrögð við
óhöppum. Námskeiðið endar á verklegri útiæfingu þar
sem björgunarfólkið þarf að fást við slasaða sjúklinga.
Ferðafélag Íslands
Skráning á námskeiðin eru í síma 568 2533 eða í
netpóst fi@fi.is
Skráðu þig inn – drífðu þig út
Námskeið í febrúar
Kjartan Kjartansson
kjartan@mbl.is
Árvakur, útgáfufélag Morgunblaðs-
ins, bauð þeim 113 blaðberum sem
unnu meira en 250 af 306 útgáfu-
dögum blaðsins á liðnu ári, og voru
með fjölda kvartana innan gæða-
marka, í Morgunblaðshúsið í Há-
degismóum í gær, í viðurkynning-
arskyni fyrir vel unnin störf.
Tíu þessara blaðbera dreifðu
blaðinu alla útgáfudagana 306 og af
þeim náðu fjórir þeim frábæra ár-
angri að bera út kvartanalaust allt
árið. Auk Morgunblaðsins bera
blaðberarnir út Fréttatímann, DV,
Viðskiptablaðið og ýmis auglýs-
ingablöð.
Óskar Magnússon, útgefandi
Morgunblaðsins, ræddi við hópinn
og þakkaði vel unnin störf.
Farin af stað klukkan
þrjú á næturnar
Borghildur Stephensen skýtur þó
flestum blaðberunum ref fyrir rass.
Hún hefur borið út hvern einasta
útgáfudag blaðsins í fimm ár, alls
1.602 daga. Það var í nóvember árið
2007 sem Borghildur byrjaði að
bera út blaðið í fullu starfi og síðan
þá hefur hún ekki misst úr dag.
„Mér finnst alveg dásamlegt að
vakna svona snemma á morgnana
og að vera komin út á undan öllum
öðrum í fríska loftið og róna. Ég er
svo vön því að vakna að meira að
segja þegar ég á frí á sunnudögum
vakna ég sjálfkrafa á þessum tíma,“
segir Borghildur en hún leggur
stundum af stað klukkan þrjú á
næturnar með blaðið.
Hún er með þrjú hverfi og ber út
í Skeiðarvog, hálfa Sólheimana og
bút af Langholtsvegi og Hlunna-
vog.
Borghildur lætur veðrið lítið á
sig fá þó að hún viðurkenni að það
komi fyrir að henni ói við veðrinu
áður en hún leggur af stað út með
blaðið. Frost og rok eru henni eng-
in fyrirstaða. „Það er hressandi og
fínt. Maður skellir á sig broddum
og kuldagalla, þá gengur þetta allt.
Leiðinlegast er þegar það er rign-
ing, hún fer í taugarnar á mér. Allt
annað er fínt,“ segir hún.
Spurð að því hvort hún vilji koma
einhverjum skilaboðum til áskrif-
enda til þess að létta störf blaðber-
anna segir Borghildur það alveg
dásamlegt þegar fólk mokar tröpp-
urnar og hefur kveikt á útiljós-
unum. „Þá er maður ánægður,“
segir hún og ætlar að halda ótrauð
áfram að bera út blaðið.
Morgunblaðið/Árni Sæberg
Blaðberarnir Hópurinn sem kom saman í Morgunblaðshúsinu í gær. Þar hittust blaðberar og starfsmenn dreifing-
ardeildar blaðsins, spjölluðu og nutu saman veitinga. Þá þakkaði útgefandi blaðsins þeim fyrir vel unnin störf.
Viðurkenning fyrir vel
unnin störf blaðbera
 Borghildur hefur borið út blaðið alla daga í fimm ár
Morgunblaðið/Árni Sæberg
Afkastamikil Borghildur Stephensen hefur borið blaðið út sleitulaust frá
haustinu 2007. Henni finnst gott að fara snemma út úr húsi á morgnana.
Helgi Bjarnason
helgi@mbl.is
Flugfélagið Air Atlanta er að undirbúa skráningu Air-
bus A340 breiðþotu á loftfaraskrá undir sínu nafni. Vél-
in yrði rekin fyrir Air Madagaskar og flogið á milli
Madagaskar í Indlandshafi og Parísar.
Mikil endurnýjun varð á flugflota Air Atlanta á síð-
asta ári. Sex eldri flugvélum var skipt út fyrir jafn
margar nýlegri Boeing 747-400 vélar. Í lok ársins rak
félagið þrettán 747-400 vélar og eina 747-200. Flestar
eru vélarnar nýlegar.
Hannes Hilmarsson, forstjóri Atlanta, segir að tak-
markaður markhópur sé fyrir Boeing 747-400 vélarnar
og rökrétt að líta í aðrar áttir til að opna nýja markaði.
Félagið hafi hug á því að bæta Airbus A330 breiðþotu
í flugflota sinn. Hins vegar hafi boðist tækifæri til að
taka yfir rekstur á A340 vél sem Air Madagaskar var
að kaupa og verið sé að vinna að því að taka hana inn á
loftfaraskrá. Segir Hannes að tiltölulega lítill munur sé
á A340 og A330 og lítur hann á rekstur á þessari vél
sem tækifæri til að nálgast A330 gerðina. A340 er fjög-
urra hreyfla vél sem rúmar um 300 farþega en A330 er
tveggja hreyfla. Atlanta hefur áður rekið Airbus-flutn-
ingaflugvélar. „Við þekkjum Airbus, þótt þetta sé önnur
vél, og því engin bylting fyrir okkur en spennandi
framþróun. Við tökum bara eitt skref í einu,“ segir
Hannes.
Tekur Hannes fram að mikill undirbúningur þurfi að
fara fram áður en leyfi fáist til að reka Airbus-vélina og
málið engan veginn í höfn.
Atlanta fær Airbus
 Air Atlanta undirbýr skráningu Airbus A340 breiðþotu
 Rekin fyrir Air Madagaskar og flogið til Parísar