Morgunblaðið - 30.01.2013, Blaðsíða 18

18 FRÉTTIRViðskipti | Atvinnulíf
MORGUNBLAÐIÐ MIÐVIKUDAGUR 30. JANÚAR 2013
Stuttar fréttir ...
● Vísitala neysluverðs miðuð við
verðlag í janúar 2013 hækkaði um
0,27% frá fyrra mánuði að sögn
Hagstofu Íslands. Vísitala neyslu-
verðs án húsnæðis hækkaði um
0,21% frá desember. Síðastliðna tólf
mánuði hefur vísitala neysluverðs
hækkað um 4,2% og vísitalan án
húsnæðis um 5,0%.
Hagstofan bendir á að víða séu
vetrarútsölur og að verð á fötum og
skóm hafi lækkað um 14,1% og eins
hafi verð á húsgögnum og heim-
ilisbúnaði lækkað um 2,4%.
Verðbólgan 4,2%
● Matsfyrirtækið Moody’s segir úr-
skurðinn í Icesave-málinu hafa jákvæð
áhrif á lánshæfismat Íslands. Í viðtali
við Bloomberg fréttaveituna segir
Kathrin Muehlbronner, sérfræðingur
hjá fyrirtækinu, að meginóvissan sé
þó eftir sem áður gjaldeyrishöftin.
Mikilvægt sé að Ísland stígi varlega til
jarðar við afnám þeirra. Haft var eftir
sérfræðingi hjá S&P að málið hefði
lítil áhrif vegna þess að gert hefði ver-
ið ráð fyrir að bú Landsbankans hefði
nægjanlega fjármuni til að greiða upp
í kröfur.
Moody’s segir EFTA-
dóminn jákvæðan
Hörður Ægisson
hordur@mbl.is
Það getur verið „erfitt og jafnvel
ómögulegt fyrir fjármálafyrirtæki
að birta lista yfir nöfn allra þeirra
sem eiga umfram 1% hlutafjár í
fyrirtækinu á hverjum tíma.“ Þetta
segir Fjármálaeftirlitið (FME) í
umsögn sinni til efnahags- og við-
skiptanefndar um frumvarp þess
efnis að skylda fjármálastofnanir
til að birta á vefsíðu sinni og í
reikningum upplýsingar um
eignarhald allra sem eiga yfir 1% í
fyrirtækinu.
Sé um lögaðila að ræða skal
koma fram hver sé raunverulegur
eigandi – og er þá átt við þá per-
sónu sem eigi eignarhlutinn eða
stjórni honum í gegnum lögaðilann.
Að mati FME liggur hins vegar
ekki fyrir nein skilgreining á hug-
takinu í lögum um fjármálafyrirtæki
og því gæti verið „mjög erfitt“ að
tilgreina raunverulega eigendur
þess lögaðila sem ætti meira en 1%
hlutafjár.
Seðlabanki Íslands er þeirrar
skoðunar að ekki sé nauðsynlegt að
birta svo ítarlegan lista um eignar-
hald í reikningum allra fjármála-
fyrirtækja. Fram kemur í umsögn
bankans til efnahags- og viðskipta-
nefndar að í sumum tilfellum sé að-
eins um að ræða fjárhæð sem nem-
ur rúmri milljón króna.
Seðlabankinn bendir á að í stað þess
að birta slíkan lista í reikningum
fjármálafyrirtækja þá mætti fremur
fara þá leið að tilkynna FME um
eignarhald allra sem eiga yfir 1%
hlut.
Hins vegar „mætti mögulega
réttlæta birtingu á eignarhlutum
undir 5% hjá kerfislega mikilvægum
stofnunum,“ útskýrir Seðlabankinn,
sem bætir þó við að nærtækast væri
að birta skuli eignarhald umfram
5% eða yfir tiltekinni fjárhæð, til að
mynda hundrað milljónum króna.
FME og Seðlabankinn telja
að of langt sé gengið
Morgunblaðið/Ómar
Eignarhald FME telur að skilgreina þurfi hver sé raunverulegur eigandi.
 Frumvarp um
gagnsætt eignar-
hald banka
Í desembermánuði voru skráð 147
ný einkahlutafélög, flest í fast-
eignaviðskiptum. Til samanburðar
voru 137 ný einkahlutafélög skráð í
desember 2011. Fjöldi nýskráninga
á árinu 2012 er 1.752, en það er
tæplega 3% aukning frá árinu 2011
þegar 1.700 fyrirtæki voru skráð.
Þetta kemur fram í frétt Hag-
stofunnar.
Þá voru 132 fyrirtæki tekin til
gjaldþrotaskipta í desembermán-
uði, flest í heild- og smásöluverslun
eða viðgerðum á vélknúnum öku-
tækjum. Fjöldi gjaldþrota á árinu
er því 1.109, sem er um 30% fækk-
un frá 2011 þegar 1.579 fyrirtæki
voru tekin til gjaldþrotaskipta.
Flest gjaldþrot voru í byggingar-
starfsemi og mannvirkjagerð, 227
talsins.
1.109 gjald-
þrot 2012
 147 ný einkahluta-
félög í desember
Flest gjaldþrot í byggingariðnaði.
Íbúðalán hafa hækkað um 21,6 millj-
arða á síðustu þremur árum vegna
skattahækkana.
Þetta kemur fram í svari fjár-
mála- og efnahagsráðherra við
fyrirspurn Guðlaugs Þórs Þórðar-
sonar um skattálögur og höfuðstól
íbúðalána. Í svarinu kemur fram að
á tímabilinu frá 2009 til 2012 hafi
vísitala neysluverðs farið upp um
20,1%. Sú hækkun hefur leitt til um
226 milljarða hækkunar lána á tíma-
bilinu, en um 21,6 milljarða má
rekja beint til skattahækkana.
Skuldir vegna íbúðakaupa námu
1.124 milljörðum í lok síðasta árs og
var stærstu hluti þeirra verð-
tryggður.
Í svarinu kemur einnig fram að
horfa þurfi til þess að hluti hækk-
ananna hefur skilað sér í auknum
greiðslum vaxtabóta sem hafa bætt
getu tekjulágra einstaklinga til að
bera þunga vaxtabyrði.
„Meðal þeirra aðgerða á gjalda-
hlið sem ríkisstjórnin hefur beitt sér
fyrir eru auknar greiðslur vaxta-
bóta sem hafa á þessu tímabili bætt
getu lántakenda til að greiða af
íbúðalánum sínum, einkum þeirra
sem eru með lágar tekjur og þunga
vaxtabyrði. Frá árinu 2008 og til
ársins 2011 hækkuðu vaxtabætur og
sérstök vaxtaniðurgreiðsla sam-
kvæmt álagningu um 4,6 milljarða.“
Lánin hafa
hækkað
 Upp um 21,6 millj-
arða á sl. 3 árum
Nýtt bankahneyksli sem nú skekur
Ítalíu gæti valdið Mario Draghi,
bankastjóra Evrópska seðlabank-
ans, erfiðleikum. Fram kemur í frétt
Financial Times að hann sé gagn-
rýndur af ráðamönnum í Ítalíu fyrir
að hafa ekki gripið til aðgerða, þegar
hann var bankastjóri Seðlabanka
Ítalíu fram til ársins 2011, sem hefðu
getað komið í veg fyrir að ítalska rík-
ið þurfti í síðustu viku að veita bank-
anum Monte dei Paschi dei Siena
(MPS) 3,9 milljarða evra neyðarlán.
Vandræði MPS, sem er þriðji
stærsti banki Ítalíu, má rekja allt
aftur til ársloka 2007 þegar hann
keypti ítalska bankann Antonveneta
af spænska bankanum Santander
fyrir 9 milljarða evra. Kaupverðið
var langtum hærra en sambærilegir
bankar voru seldir á á sama tíma, að
því er fram kemur í frétt Financial
Times.
Þremur árum síðar kom í ljós að
bankinn hafði gert þrjá áhættusama
afleiðusamninga, meðal annars með
aðild þýska stórbankans Deutsche
Bank, með það að markmiði að reyna
að leyna því hver væri raunveruleg
fjárhagsstaða bankans. Nú er talið
að tap bankans vegna þessara samn-
inga muni nema um 700 milljónum
Bandaríkjadala.
Í frétt Financial Times staðfestir
Vittorio Grilli, fjármálaráðherra
Ítalíu, að hann hafi fundað með
Draghi í fyrradag til að ræða þær
ásakanir að Seðlabanki Ítalíu, undir
stjórn Draghi, hafi ekki sinnt
nægjanlega vel eftirlitshlutverki
sínu með bankanum.
Bankahneyksli á Ítalíu
veldur Draghi erfiðleikum
MPS Bankinn á sér 500 ára sögu.
Skannaðu kóð-
ann til að sjá
gengið eins og
það er núna á
Miðvikudags-
PIZZA-TILBOÐ
Ögurhvarfi 2 • 203 Kópavogi • Sími 567 1770 • Opið alla daga kl. 10 -23
Þú hringir
Við bökum
Þú sækir
12“ PIZZA, 3 áleggstegundir
og 1l Coke
1.290 kr.