Morgunblaðið - Sunnudagur - 03.03.2013, Blaðsíða 36

36 MORGUNBLAÐIÐ SUNNUDAGUR 3.3. 2013
Græjur og tækni
Fartölvur í XPS-línu Dell eru ekki að keppa við ódýrar fartölvur
heldur við þær bestu og dýrustu og kosta líka sitt, enda er mikið lagt í
afl og hönnun (skammstöfuninni XPS má snara sem framúrskarandi
afköst), enda eru þær ætlaðar þeim sem spila leiki sem gera miklar
kröfur til vélbúnaðar, þurfa að sýsla með stórar myndaskrár eða
myndskeið svo dæmi séu tekin. Dell XPS 15 er einmitt sannkallaður
vinnuþjarkur, en að sama skapi einkar glæsileg. Útlitið minnir á vélar
annars ónefnds framleiðanda, en það
er sígilt á sitt hátt, stílhreint og
hæfilega naumhyggjulegt. Undir
vélinni er stamt gúmmí og álíka
húð er á flötum við lyklaborðið sem
er mjög þægileg. Músin er Multito-
uch TouchPad, sem virkar vel, en
eins og nafnið ber með sér er hægt
að nota fleiri en einn fingur í einu.
Í músarstillingum á vélinni er líka
hægt að bæta við virkni.
Þetta er hörkuvél, fullþung fyrir
kjöltuna og hitnar líka talsvert, en
framúrskarandi fartölva að öllu
leyti.
Alla jafna á fartölva að vera létt og lítil, nett og meðfærileg, eðaþað kann maður í það minnsta vel að meta á ferð og flugi.Stundum þarf þó fartölvu með stærri skjá og meira afli, nánast
borðtölvuafl, og þá koma til vélar eins og Dell XPS 15.
Eins og heiti vélarinnar ber með sér, XPS 15, þá er hún með 15
tommu skjá, en ummálið er annars 37 cm á
breidd, 25 á hæð og hálfur þriðji sentimetri á
þykkt þegar vélin er lokuð og hálft þriðja kíló
að þyngd. Hún er því óneitanlega nokkur
hlunkur, en boddíið, sem er úr áli, er
einkar traustvekjandi, manni finnst
sem hægt væri að reka niður tjald-
hæla með henni eða grafa skurði.
Saga Dell-tölvurisans er æv-
intýraleg, ekki síst á síðustu mán-
uðum, enda yfirtók stofnandi fyr-
irtækisins, Michael Dell, það fyrir
skemmstu og tók það af markaði í kjölfarið, að sögn til að
marka kúrsinn upp á nýtt, en Dell hefur verið heldur
stefnulaust á síðustu árum, ekki síst í glímunni við ódýran
tölvubúnað og eins í lófa- og
spjaldtölvuvæðingu heimsins.
SANNKALLAÐUR VINNUÞJARKUR
STUNDUM ERU FARTÖLVUR EKKI BARA FARTÖLVUR, HELDUR LÍKA BORÐTÖLVUR Í DULARGERVI. SÚ LÝSING Á TIL AÐ
MYNDA VEL VIÐ DELL XPS 15 SEM ER SANNKALLAÐUR VINNUÞJARKUR, EN AÐ SAMA SKAPI EINKAR GLÆSILEG.
Græja
vikunnar
* Í takt við tilganginn er geisla-drif í vélinni, átta hraða DVD
combo-drif. Það er líka nóg af
tengjum á henni, Ethernet-tengi
(Gigabit Ethernet), þrjú USB 3.0
tengi, minniskortalesari, skjátengi
(mDP) og HDMI tengi meðal ann-
ars.
* Í vélinni sem ég prófaði varIntel Core i7-3632QM 2,2 GHz
Quad Core örgjörvi, 8 GB minni,
2 GB skjáminni og 1 TB diskur,
en einnig er 32GB m-SATA SSD
drif til að vélin sé fljótari í gang.
ÁRNI
MATTHÍASSON
* Skjárinn er 15,6" FHD meðupplausnina 1920 x 1080. Hann
er með Gorilla Glass og því
nokkur glampi af honum, en gríð-
arbjartur og skýr. Ég hefði gjarnan
viljað hafa snertiskjá á vélinni, en
ekkert er útá skjáinn að setja -
hann er frábær. Skjákortið er
NVIDIA GeForce GT 640M.
heildarsölu tónlistar í heiminum. Hjá
frændum okkar í Noregi jókst sala tónlist-
ar um 7% á síðastliðnu ári, og má rekja
þá hækkun nær eingöngu til áskrifta að
veituþjónustum.
Ólöglegt niðurhal á undanhaldi
Þetta eru vissulega vísbendingar um að
bjartari tímar séu framundan fyrir tónlistar-
útgefendur. Í skýrslunni kemur fram að
hlustun á tónlist um netið hefur náð tals-
verðri fótfestu, en í viðamikilli könnun sem
rannsóknarfyrirtækið Ipsos MediaCT fram-
kvæmdi nýlega kom fram að 62% internet-
notenda hefðu streymt tónlist frá veitufyr-
S
ígandi lukka er best, segir gamalt ís-
lenskt máltæki. Það er heillaráð að
muna fyrir framámenn tónlistariðn-
aðarins, en í fyrsta skipti í 15 ár
sýna sölutölur fram á aukningu í sölu tón-
listar á milli ára. Batinn er hægur, því
aukningin nam einungis 0,3% samkvæmt
nýrri skýrslu sem Alþjóðasamtök hljóm-
plötuiðnaðarins (International Federation of
Phonographic Industry) tóku saman fyrir
síðastliðið ár. Heildarsala ársins nam 16,5
milljörðum Bandaríkjadala, sem er meira en
helmingi minna en þegar fór að halla undan
fæti í kringum síðustu aldamót þegar sala
tónlistar á heimsvísu nam 38 milljörðum
Bandaríkjadala. Eigi að síður ríkir bjartsýni
um að botninum sé náð og nú fari í hönd
betri tíð með blóm í haga og fleiri plötum
frá Adele og Carly Rae Jepsen. Þrátt fyrir
að heildarsalan hafi verið meiri árið 2012 en
árið á undan, þá dróst sala á geisladiskum
og hljómplötum saman um 5%. Sala staf-
rænnar tónlistar hefur hins vegar aukist sí-
fellt allar götur síðan 2003, og aukningin
síðastliðið ár var 9% sem er nægileg til að
yfirvinna samdrátt í sölu á geisladiskum.
Veiturnar skipta miklu
Alls nam sala á stafrænni tónlist 5,6 millj-
örðum Bandaríkjadala, og munar þar mest
um vaxandi útbreiðslu streymiveitna á borð
við Spotify, Rdio og Pandora sem hafa
notið töluverðra vinsælda beggja vegna
Atlantshafsins. Fyrir tveimur árum voru
stærstu veiturnar í boði í um 20 löndum,
en í dag nær þjónusta þeirra til meira en
100 landa. Fjöldi áskrifenda að slíkum veit-
um hefur jafnframt aukist um 44% und-
anfarið ár og er nú um 20 milljónir, og
nema áskriftartekjur nú fullum 10% af
irtæki á undanförnum sex mánuðum. Í ald-
ursflokknum 16-24 ára var sú tala 81%. Á
sama tíma benda aðrar rannsóknir sterklega
til að ólöglegt niðurhal á tónlist hafi dregist
verulega saman. Rannsóknarfyrirtækið NPD
birti nýlegar niðurstöður sem sýndu að
ólöglegt niðurhal í Bandaríkjunum hafði
dregist saman um 17% á milli ára í Banda-
ríkjunum, og hafi raunar verið á stöðugu
undanhaldi frá því 2005.
Tónlistarbransinn búinn að
læra á netið
Talsmaður IFPI að nafni Frances Moore
segir að öðru fremur sýni þessar tölur að
tónlistarbransinn hafi lært að nota netið og
mæta þörfum viðskiptavinarins. Það er margt
til í þessum orðum. Einn helsti kostur þess
að hala niður tónlist af netinu hefur einmitt
verið að það hefur fram til þessa verið ein-
faldara og þægilegra í notkun en aðrir val-
kostir. Í samanburði við streymiveiturnar er
það hins vegar hin mesta plága, og nær
öruggt að flestir munu kjósa að greiða
áskrift þegar fram í sækir, fremur en að
hala tónlist niður af netinu. Og því hefur nú
kviknað von í brjóstum tónlistarútgefenda
aftur. Það er nefnilega alls ekki víst að fólk
sé hætt að vilja borga fyrir að njóta tónlist-
ar.
Tónlistarbransinn snýr við plötunni
AFP
EFTIR STANSLAUSAN SAMDRÁTT Í
SÖLU Á TÓNLIST LÍTA FRAMÁ-
MENN Í TÓNLISTARBRANSANUM
NÚ BJARTARI AUGUM Á FRAMTÍÐ-
INA. ÁRIÐ 2012 JÓKST SALA Á
TÓNLIST Á MILLI ÁRA Í FYRSTA
SKIPTI SÍÐAN 1999.
Sveinn Birkir Björnsson
sveinnbirkir@gmail.com
Adele hafði ástæðu til að kætast þegar hún tók við Óskarnum á dögunum.
Hún var söluhæsti tónlistarmaður ársins 2012 samkvæmt tölum IFPI, en
plata hennar seldist í 8,3 milljónum eintökum. Það þykir sæmilegasta sala, en
hún er jafnvel enn tilkomumeiri í ljósi þess að þetta var einnig söluhæsta
plata ársins 2011, þegar hún seldi 15,3 milljónir eintaka.