Morgunblaðið - Sunnudagur - 03.03.2013, Blaðsíða 30

30 MORGUNBLAÐIÐ SUNNUDAGUR 3.3. 2013
Matur og drykkir
Ólafur Ágústsson, veitingastjóri á Kex hos-
teli, segir það mjög hafa færst í vöxt, og sé
nú beinlínis í tísku víða um heim, að drekka
bjór með mat frekar en vín.
* „Veitingastaðir víða leggja orðið mikiðupp úr því að bjóða góðan bjór með mat, og
einn af mínum uppáhalds hefur hreinlega
það markmið að skipta út léttvíni fyrir bjór.“
* Ólafur segir fjölbreytni og sveigj-anleika bjórs meiri en víns. „Það er hægt að
finna bjór sem hentar hvaða mat sem er, en
stundum getur verið erfitt að finna vín sem
hentar ákveðnum mat.“
* Stout bjór (dökkur og kraftmikill) pass-ar vel með dessertum, til dæmis dökku
súkkulaði að sögn Ólafs.
* Margir drekka hvítvín eða dessertavínmeð hvítu súkkulaði og ávöxtum. Ólafur seg-
ir henta mjög vel að drekka léttan hveitibjór
með slíku góðgæti.
* Sérbrennt og malað kaffi er sums stað-ar notað í bjór við bruggun og sá mjöður fer
mjög vel með ákveðnum eftirréttum, að
sögn Ólafs.
* „Einn kaldur“ er í uppáhaldi hjá mörg-um en bjór er borinn fram við mismunandi
hitastig. Stout á t.d. aldrei að vera ískaldur.
„Hann er ríkur af humlum og best að hafa
hann 5 til 8 gráður. Það er vegna þess að
hluti af því að drekka bjórinn er að finna
lyktina og ef Stout er of kaldur minnkar hún
mikið.“
* 45 gráðu reglan er góð, þegar bjór erhellt í glas. „Með því að halla glasinu í 45
gráður og rétta það af hægt og rólega eiga
menn að fá fallega froðukollu á bjórinn.
Munið að glasið þarf að vera vel hreint og
kalt. En ekki þvo glasið með sápu!“
M
eðal gesta á árlegri bjórhátíð á Kex, sem lýkur um
helgina, eru eigendur bandaríska brugghússins Migra-
tion. Það er starfrækt í borginni Portland í Oregon-
ríki; félagarnir byrjuðu að brugga í smáum stíl fyrir
nokkrum misserum en eru nú orðnir „alvöru“ – reka bæði brugg-
hús og vinsælan bar.
„Við hófum starfsemi fyrir þremur árum; komumst þá yfir
gamlan bílskúr sem við breyttum. Rýmið er alls um 300 fermetr-
ar, þar af notum við þriðjung undir bjórgerðina en pöbbinn er um
200 fermetrar,“ segir Eric Banzer-Lausberg, einn gestanna frá
Portland, í samtali við Sunnudagsblað Morgunblaðsins.
Þeir hafa enn ekki selt vöru sína út fyrir Portland en þar er
hann í boði á um það bil 100 stöðum. „Þetta er í fyrsta skipti sem
bjórinn er í boði utan borgarmarkanna og þá munaði ekkert um
það!“ segir Eric og hlær. Ástæðuna fyrir þátttöku í bjórhátíð Kex
má rekja til þess að vinir eigenda Migration eiga vini hér uppi á
Íslandi. „Eigendur Kex buðu okkur þess vegna að koma og þetta
hefur verið mikið ævintýri. Þetta er fyrsta ferðin mín til Íslands,
en örugglega ekki sú síðasta!“ segir bruggarinn, bersýnilega kom-
inn í hóp Íslandsvina, sem svo eru kallaðir. „Það hittist svo
skemmtilega á að ég var nýbúinn að endurnýja vegabréfið mitt en
hafði ekki hugmynd um hvað væri framundan.“
Hann segir bjórhátíðir sem þessar mjög algengar ytra og Ore-
gon sé mikið bjór-ríki. „Á svæðinu eru bestu brugghús í heiminum
að mínu mati enda hráefni einstaklega gott. Þarna í norðvestrinu
eru kjöraðstæður til humlaræktunar, hvergi er meira ræktað en í
Oregon og nágrannaríkinu Washington og humlar þaðan notaðir til
bjórgerðar um allan heim. Við búum að því að fá vöruna ferska
enda bændurnir aðeins steinsnar frá okkur og bjórinn verður því
gríðarlega góður.“
Færst hefur í vöxt að haldnar séu matarhátíðir þar sem bjór er
í öndvegi; á sama stalli og vín hefur verið áratugum saman. „Bjór-
kvöldverðir eru mjög vinsælir á Portland-svæðinu. Fólk borðar
góðan mat og drekkur ákveðinn bjór með steikinni, annan með
pastaréttum og þar fram eftir götunum. Bjór hentar allt árið um
kring; það er ljúft að drekka bjór í hitanum á sumrin en hann
passar líka vel að vetrarlagi.“
Bandaríska bruggaranum líst afar vel á bjórmenningu Íslend-
inga. „Fólk er mjög áhugasamt um okkar bjór og er vel að sér
varðandi humla og annað sem skiptir máli við bjórgerð. Maður er
vanari því að karlar hafi meiri áhuga á bjór en íslenskar konur
eru engir eftirbátar karlanna í þeim efnum.“
Eric Banzer-Lausberg byrjaði sem unglingur að vinna við bjór-
dreifingu og segist hafa hrifist af miðinum löngu áður en hann
náði aldri til að mega smakka á honum. „Ég vann við að dreifa
ýmsum tegundum, þannig fór ég að því að borga reikningana en
það var ekki mikil ástríða sem fylgdi starfinu. Nú er annað upp á
teningnum; því fylgir mikil ástríða að brugga bjór og selja sinn
eigin.“
Morgunblaðið/Kristinn
BANDARÍSKIR GESTIR Á BJÓRHÁTÍÐ KEX
Bjór hentar allt árið
HALDIÐ ER UPP Á BJÓRDAGINN MEÐ ÁRLEGRI BJÓRHÁTÍÐ Á KEX HOSTELI Í REYKJAVÍK EN 24 ÁR VORU Á
FÖSTUDAGINN, 1. MARS, FRÁ ÞVÍ SALA ÁFENGS ÖLS VAR LEYFÐ HÉR Á LANDI Á NÝ EFTIR ÁRATUGA BANN.
Skapti Hallgrímsson skapti@mbl.is
Bjórhátíðin á Kex hefur verið vel sótt og stemningin góð alla vikuna.
Morgunblaðið/Kristinn
Bruggararnir frá Portland
sem þáðu boð eigenda Kex
um að koma á bjórhátíðina.
Mckean Banzer-Lausberg,
Eric Banzer-Lausberg og
Colin Rath.
Góð ráð ódýr