Morgunblaðið - Sunnudagur - 03.03.2013, Blaðsíða 23

3.3. 2013 MORGUNBLAÐIÐ SUNNUDAGUR 23
Heilsa og hreyfing
Þetta byrjaði allt á því að ég vaknaði einn morguninn með hárautthálsbindi um mittið. Í undrun minni strauk ég niður eftir þessarigersemi og hugði mér gott til glóðar, ég gæti skartað bindi í mín-
um uppáhaldslit næst þegar ég færi í jakkaföt. En þetta er ekkert
venjulegt hálsbindi, því frá því bringuskartið læddi sér milli fóta mér,
þá hefur rauður litur skotið upp kolli í hvers-
deginum í ólíklegasta samhengi. Vinkona mín
sem aldrei kemur í heimsókn til mín í vinn-
una, birtist óvænt, í eldrauðri kápu. Önnur
vinkona mín bauð í kokteil, hann var fagur-
rauður. Frændi minn sendi mér mynd af nýja
bílnum sínum, sá var rúbínrauður. Ég heim-
sótti kæran vin og litla stelpan hans kom til
mín og bauðst til að lakka á mér neglurnar,
með blóðrauðu lakki. Trylltir tuddar sem ég
kannast við hafa sent út boð um samkundu
þar sem þeir ætla að vera rauðir í gegn. Og
einn daginn fóru þeir um mig rauðum hrafnsfjöðrum, nokkrir meðlimir
lestrarfélagsins Krumma og vinnufélagar mínir, þegar þeir lásu upp til-
nefningar um forvitnilegustu kynlífslýsingu í íslenskum skáldverkum
frá síðasta ári. Þar kom meðal annars fyrir smurolíulykt og grjóthart
stál við beran kvið. Sló þá léttum roða á vanga þeirra sem sátu undir
lestrinum.
Sumir voru tæplega vinnufærir lengi eftir að gustur rauðu hrafns-
fjaðrarinnar fór um starfsstöðina.
Þetta eru aðeins örfá dæmi um innkomu rauða litarins undanfarna
daga, en mér var allri lokið þegar ég kveikti á útvarpinu þar sem ég var
að keyra heim eftir einn vinnudaginn og á eyrunum skall þessi líka ólík-
indafrétt um að páfinn í Róm fengi ekki við brotthvarf sitt úr
Vatíkaninu að halda sérgerðum rauðum leðurskóm.
Ég gapti ógurlega í undrun minni og hló upphátt svo við blasti föl-
rauður úfurinn í kokinu.
En í stað þess að hendast heim og grafa bindið í jörðu niður og standa
þar yfir rauðþrútin af reiði, þyljandi særingarorð til að kveða niður
magt hins görótta slifsis, þá ákvað ég að fagna þessum óvæntu örlaga-
glettum.
Takk, kæra hálsbindi, fyrir að prjóna rauðan þráð í gegnum dagana.
Mér finnst ólíkt skemmtilegra að lifa litríka daga en grámóskulega.
Samt er ég mikill aðdáandi sauðalitanna, bara svo því sé haldið til haga.
ÆRANDI
RAUÐUR
KRISTÍN HEIÐA
Stigið í
vænginn
Tvær rannsóknarstofur sjá um að upprunagreina kjötsýni fyrir
Matvælastofnun. Þetta er gert með DNA-rannsókn.
Matís sér um að upprunagreina unna kjötvöru en rannsókn-
arstofan á Keldum DNA-greinir hrátt kjöt. Anna Kristín Daníels-
dóttir, sviðsstjóri hjá Matís, segir eftirspurnina hafa aukist mikið.
„Það hefur verið mun meira um þetta en áður. Ég veit ekki hvort
áhuginn er kominn til að vera,“ segir hún og bætir við að Matís
muni þá leggja meiri áherslu á þjónustuna og lækka verðið. Matís
tekur í dag 20 þúsund krónur fyrir að greina eitt sýni. Anna seg-
ist þó ráðleggja viðskiptavinum að taka fleiri sýni til að fá sem
raunhæfasta niðurstöðu. „Það er mikilvægt að sýni séu ekki tekin
úr sömu pakkningu eða sömu framleiðslulotu,“ segir hún.
Kjartan Hreinsson, sérgreinadýralæknir hjá Matvælastofnun,
staðfestir að ekki hafi verið mikið um þessar rannsóknir fram til
þessa. „Þeir framleiðendur sem hafa leyfi til að flytja út lamba-
kjöt til Bandaríkjanna þurfa þó að láta rannsaka kjötið mán-
aðarlega,“ segir hann. Árlega lætur stofnunin rannsaka mörg
hundruð sýni úr landbúnaðarvörum. „Aðallega er þá kannað
hvort vörurnar innihaldi lyfjaleifar, þungmálma eða skor-
dýraeitur. Svo hefur ekki verið,“ segir Kjartan. arh31@hi.is
Kostar 20 þúsund að greina kjöt
FÆRST HEFUR Í AUKANA AÐ KJÖT SÉ UPPRUNAGREINT. TVÖ FYRIRTÆKI SINNA GREIN-
INGUNNI FYRIR MATVÆLASTOFNUN. HJÁ MATÍS KOSTAR GREININGIN UM 20 ÞÚSUND.
Upprunagreining kostar sitt, en í vikunni komust
nautakjötslausar nautabökur í fréttirnar eftir að
slík greining var framkvæmd á völdum vörum.
Morgunblaðið/Sverrir
Talsverða athygli vakti þegar January Jones, leikkonan
góðkunna úr Mad Men, sagði frá því á síðasta ári að
hún hefði borðað eigin fylgju en sonur hennar er 16
mánaða í dag.
Jones lýsir fylgjuátinu nánar í viðtali sem birtist í
tímaritinu Glamour sem kemur út eftir helgi.
Jones telur að þetta uppátæki hafi hjálpað andlegri
heilsu hennar auk þess sem hún telur að hún hafi fyrr
náð sér líkamlega eftir barnsburð.
Sérfræðingar segja flestir að fylgjuát sé gagnslaust og
engin næringarefni sé að finna í henni. „Út frá næring-
arfræðinni er ekkert upp úr fylgjuáti að hafa,“ lét sér-
fræðingur hjá St. George-sjúkrahúsinu í London hafa
eftir sér í viðtali við Telegraph í gær.
January Jones segist þess fullviss að það að leggja eigin
fylgju sér til munns hjálpi heilsunni.
AFP
LEIKKONAN ÚR MAD MEN HNEYKSLAR
Telur fylgjuát
borga sig
Síðustu misserin hefur mikil seta Vesturlandabúa í
vinnu verið til umfjöllunar en langtímaseta er talin
skaðleg bæði andlegri og líkamlegri heilsu.
Niðurstöður rannsóknar á vegum Háskólans í Leic-
ester er enn ein staðfesting á því hve mikilvægt það er
að standa upp frá skrifborðinu.
Samkvæmt henni er árangursríkara að stytta þann
tíma sem vinnandi fólk, með hefðbundinn átta tíma
vinnudag, situr við skrifborðið en að hendast í ræktina
fyrir eða eftir vinnu. Að minnsta kosti ef horft er til
eins algengasta lífsstílstengda sjúkdóms Vesturlanda;
sykursýki af gerð 2. Fjallað var um rannsóknina á vef-
miðli breska dagblaðsins The Telegraph í gær.Það hefur aldrei verið mikilvægara en nú að standa upp.
© NBC Universal, Inc.
MIKILVÆGT AÐ STANDA UPP
Sjúkdómur skrifstofufólks