Morgunblaðið - Sunnudagur - 21.04.2013, Page 12
A
ndlitið á Adda birtist í glugganum. Hárið í
hnút, skeggið nýsnyrt. „Komdu upp stig-
ann,“ segir hann. Ég þakka leiðsögnina
enda getur verið erfitt að átta sig á því
hvar gengið er inn í þessi gömlu hús á
Grettisgötunni. Addi opnar útidyrnar, þó ekki nema í lið-
lega hálfa gátt. „Fyrirgefðu, við erum með tvo kettlinga
og viljum ekki að þeir sleppi út,“ afsakar hann sposkur á
svip. Ég smeygi mér inn.
Íbúðin er ekki stór en vistleg og ekki er um að villast:
Hér býr rokkari! Veggspjöld, gítarar, blöð og bækur.
Þetta er eins og lítið rokksafn. Thin Lizzy er á fóninum.
Vínyll. Nema hvað? „Þegar ég flutti til Glasgow fyrir
fimm árum skildi ég alla geisladiskana mína eftir í bíl-
skúrnum hjá föður mínum. Þeir eru þar enn,“ upplýsir
Addi. Ekki örlar á söknuði í röddinni enda tekur vín-
ylplötusafnið sig vel út í stofunni.
„Hlustarðu eitthvað á Thin Lizzy?“ spyr hann og bætir
við að þeir séu í mestu uppáhaldi hjá sér, ásamt Metallica
og Smashing Pumpkins. Merkileg blanda. Ég viðurkenni
að ég sé mest í þrassinu. Núna sé ég til dæmis að hlusta
mikið á Machine Head, gamalt drasl.
„Þeir eru á shit-listanum hjá mér,“ segir Addi og hnykl-
ar brýrnar. „Þeir og Anthrax.“
Nú?
„Við vorum að spila á sama festivali og þeir fyrir nokkr-
um árum og þegar við rákumst á þá sitjandi við borð
spurðum við hvort við mættum ekki fá ljósmynd af okkur
með þeim. Ekki að ræða það!“
Hann hristir höfuðið.
Rokk hefur
ekkert með
skynsemi að gera
HANN ER ROKKIÐ HOLDI KLÆTT. ÚTLITIÐ, LÍFSSTÍLLINN. ÍBÚÐIN
HANS ER EINS OG LÍTIÐ ROKKSAFN OG MEIRA AÐ SEGJA SÍMANÚM-
ERIÐ ANGAR AF BÁRUJÁRNI. EVRÓPUREISA ER AÐ BAKI OG NÚ
ÞARF AÐALBJÖRN TRYGGVASON, ADDI Í SÓLSTÖFUM, BARA AÐ
KOMA BÍLNUM SÍNUM Í GAGNIÐ TIL AÐ GETA GERT NÝJA PLÖTU.
Texti: Orri Páll Ormarsson orri@mbl.is
Myndir: Ragnar Axelsson rax@mbl.is
Addi í Sólstöfum á heimili sínu í miðborginni, þar sem andi rokksins svífur yfir vötnum. Það er ekki bara áhugamál, heldur lífsstíll.
Viðtal
12 MORGUNBLAÐIÐ SUNNUDAGUR 21.4. 2013