Morgunblaðið - Sunnudagur - 21.04.2013, Blaðsíða 32

Ólafur steikir fiskinn á pönnu og prímus. Einfalt en gott.
Stærsti fiskurinn kominn um borð. Það tók rúmar níutíu mínútur að fylla tvo bala.
Einfaldleikinn
í fyrirrúmi.
Bara salt og pipar.
Þ
að var rjómablíða þegar mætt var í Snarfarahöfn til að halda út á sjó. Vél-
stjórinn, fiskifræðingurinn og skipstjórinn, Hinrik Árni var mættur í bátinn
Gný til að gera allt klárt en ásamt honum voru lögreglumaðurinn Hinrik
Geir og kokkurinn á Satt, Ólafur Helgi, með í för. Stefnan var sett út í
Faxaflóa þar sem svartfugl og fiskur yrði veiddur.
Ólafur kom með allar græjur til að elda aflann. Salt og pipar, pönnu og prímus
ásamt diskum og hnífapörum. Þá var einnig hvítvín og bjór með í för.
Haldið var út og fljótlega sást svartfuglshópur. Þrír af sjö lágu í valnum. Ekki
verður farið að telja upp skotin sem fóru í þessa þrjá fugla en þau voru fleiri en þrjú
og fleiri en fjögur. Eftir stutta stund gerði tækið um borð boð um að fiskur væri neð-
ansjávar. Var því línunni hent út og athugað. Var ekki að sökum að spyrja, það kom
einn lítill þorskur upp. Aðrir létu bíða eftir sér. Ákvað skipstjórinn að halda inn í
Hvalfjörð þar sem aftur yrði reynt.
Þegar komið var inn fyrir bauju við Brekkuboða í Hvalfirði var færinu hent aftur
og þar var mokfiskirí. Línan hafði varla lent í botninum þegar fiskur var kominn á.
Þorskur var það af öllum stærðum og gerðum. Ólafur virtist fá stóru fiskana en Hin-
rik Geir var í fjöldanum. Dró hann þrjá upp í einu hvað eftir annað. Eftir 90 mínútur
var komið nóg í balann og ákveðið að stíma inn í Kollafjörð og gert að aflanum um
leið.
Í Kollafirði var aflinn klár, Ólafur reif upp pönnu og prímus og byrjaði að elda.
Nýveiddur þorskur og salt og pipar. Það eina sem þurfti. Dró hann upp dýrindissósu
og nokkur afbrigði af salötum. Svartfuglinn var látinn vera enda vildu menn vinna
hann meira. Veislan í Kollafirði var ótrúleg. Kvöldsólinn, lognið, sjávarlyktin og
bragðið maður minn. Þetta er ferð sem verður seint toppuð ef einhvern tímann. Eftir
sex tíma ferð var haldið í land með stuttu stoppi í Viðey þar sem fjölmörg ár voru
liðin frá síðustu heimsókn drengjanna. Á meðan þreif skipstjórinn bátinn. Þegar kom-
ið var í land var restinni skipt á milli veiðimanna. Hver fékk hátt í 15 kíló af ferskum
þorski sem var þrifinn og skolaður þegar heim var komið. Tilbúinn í kvöldmatinn.
Nýveiddur
þorskur eldaður
í Kollafirði
MATARBOÐ ÚTI Á HAFI
SUNNUDAGSBLAÐ MORGUNBLAÐSINS SLÓST Í FÖR
MEÐ MIKLUM HÖFÐINGJUM Í SJÓFERÐ. ÞAR VAR VEIDDUR
SVARTFUGL OG ÞORSKUR OG AFLINN ELDAÐUR UM BORÐ.
Texti og myndir: Benedikt Bóas benedikt@mbl.is
32 MORGUNBLAÐIÐ SUNNUDAGUR 21.4. 2013
Matur og drykkir
Ólafur hellir nýveiddum
þorski á disk.