Morgunblaðið - Sunnudagur - 21.04.2013, Blaðsíða 28

*Matur og drykkir Ef farið er til sjós er engin ástæða til að bíða með að elda aflann þar til komið er í land »32
O
ddrún Helga Símonardóttir er í langferð í leit
að kóríander þegar blaðamaður slær á þráðinn
til hennar. En kryddið er nauðsynlegt í tvo
rétti sem hún ætlar að bjóða þátttakendum á
námskeiði sem hún heldur síðar þann dag.
Oddrún heldur úti vefsíðunni www.heilsumamman.com
þar sem hún deilir með lesendum hollum uppskriftum en
áhugann á hollri matargerð úr hreinum hráefnum má rekja
til þess að dóttir Oddrúnar greindist með fæðuóþol. Upp úr
því fór hún smám saman að breyta mataræði fjölskyld-
unnar og hóf einnig fjarnám nú í vetur í heilsumarkþjálfun.
Í tengslum við námið heldur Oddrún námskeið þar sem
hún miðlar af sinni reynslu og ræðir stefnur og strauma í
mataræði við þátttakendur yfir góðum mat sem hún eldar.
„Í heilsumarkþjálfun er höfðað til þess hvað hentar
hverjum og einum og ég mæli með því við fólk að búa til
eitthvað gott sem því líður vel af. Mikilvægt er að mat-
urinn sé góður og fallegur og að við lifum engu meinlæta-
lífi,“ segir Oddrún og bætir við að eiginmaðurinn eigi enn
sitt pepperoni í ísskápnum. „Það er ekkert að því að leyfa
sér hluti inn á milli því annars springur maður á limminu
og ég reyni að hafa mataræðið öfgalaust. Við og við kaupi
ég t.d. eitthvað handa börnunum sem þau fá ekki alla jafn-
an. Enda vil ég nú ekki að þau fari í næsta hús til að fá
að borða,“ segir Oddrún í léttum dúr. Á morgnana gerir
hún oft þykka ávaxta- og grænmetisþeytinga sem hún not-
ar eins og jógúrt með heimagerðu múslíi út á. Spari gerir
hún gjarnan ýmiss konar hrákökur og nammi og gefur hér
lesendum uppskrift að hollri skyndiköku sem er sú vinsæl-
asta á heimilinu.
Morgunblaðið/Kristinn
HOLLT HRÁEFNI Í FYRIRRÚMI
Ekkert meinlætalíf
ODDRÚN HELGA SÍMONARDÓTTIR DEILIR HOLLUM UPPSKRIFTUM Á VEFSÍÐUNNI HEILSUMAMM-
AN.COM EN SEGIR MIKILVÆGT AÐ FÓLK LEYFI SÉR AÐ BREYTA ÚT AF VANANUM VIÐ OG VIÐ.
María Ólafsdóttir maria@mbl.is
Oddrún Helga Símonardóttir heldur ́úti hollu uppskriftabloggi.
HRÁ SÚKKULAÐIKAKA
1 bolli döðlur
1 bolli kókos
1 bolli pekanhnetur
4-5 msk kakó
smá skvetta af vanillu og
himalaja-salti
Aðferð Döðlurnar eru lagðar
í bleyti í smástund og svo
maukaðar með töfrasprota.
Pekanhneturnar malaðar og
öllu hrært saman. Kakan er
síðan mótuð með því að þrýsta
henni ofan í kökumót.
KREM
5 msk kókosolía við
stofuhita
5 msk hlynsýróp
5 msk kakó
örlítið af vanillu og smá
himalajasalt
Aðferð Blandið öllu saman,
smyrjið kreminu á kökuna og
kælið. Skreytið síðan með
kókosflögum og litríkum
berjum að eigin vali.
Holl skyndikaka
með döðlum,
pecan-hnetum
og kókos