Morgunblaðið - 04.05.2013, Blaðsíða 4

4 FRÉTTIRInnlent
MORGUNBLAÐIÐ LAUGARDAGUR 4. MAÍ 2013
Þórunn Kristjánsdóttir
thorunn@mbl.is
„Það er búið að fella fleiri tugi trjáa á
stóru svæði, unnar hafa verið
skemmdir á skóginum. Ég hef aldrei
séð neitt í líkingu við þetta. Vafa-
laust hefur þetta verið gert í góðum
hug íbúanna en þeir virðast vera
sjálfskipaðir útverðir borgarbúa og
stunda skógarhögg,“ segir Björn
Júlíusson, umsjónarmaður skógar-
svæða Reykjavíkurborgar.
1. maí síðastliðinn voru felldir
fleiri tugir trjáa við Rituhóla í Breið-
holti, sem liggja við Elliðaárdalinn.
Tekin var lögregluskýrsla og
svæðið myndað í gær. Björn reiknar
fastlega með að kæra verði lögð
fram, jafnframt segist hann vita
hverjir hafi verið að verki. Sam-
kvæmt hans heimildum er um að
ræða íbúa í Rituhólum sem réðust í
að fella trén.
Ábendingar um athæfið bárust
Birni frá íbúum fyrir ofan Rituhól-
ana sem nota skóginn í ríkum mæli.
Reyna að skapa sjónlínu
„Fólk er að reyna að skapa sér
einhverja sjónlínu og heldur því
fram að trén skyggi á því keypt hafi
verið tiltekið útsýni. Það er ekki
hægt að kaupa útsýni, það er breyti-
legt eftir því hvaða gróður er fyrir
sem vex,“ segir Björn.
Hann segir að alltaf komi upp eitt-
hvað af málum sem þessu á hverju
ári, þar sem unnar eru skemmdir á
skóglendinu. „Ég hef aldrei náð ger-
endunum þó svo að ég hafi vitað
hverjir voru að verki. Oft hefur stað-
ið til að gera eitthvað en við höfum
látið málin niður falla til að forðast
umtal sem gæti ýtt undir frekari
skemmdarverk,“ segir Björn.
„Það hafa borist reglulega sím-
hringingar af þessu svæði þar sem
óskað er eftir að trén yrðu felld því
þau eru sögð skyggja á útsýnið,“
segir Björn. Hann bendir á að ekki
hafi verið hægt að verða við því þar
sem ekki er búið að skapa neina
stefnu innan Reykjavíkurborgar í
þessum málum. „Ef fara ætti eftir
öllum tillögunum yrðu þær jafn-
margar og húsin eru mörg á brekku-
brúninni,“ segir Björn.
Skóginum var upphaflega plantað
í þágu íbúa svæðisins því áður var
þar örfoka melur en með uppgræðsl-
unni hafi trén veitt íbúunum skjól, að
sögn Björns.
Þórólfur Jónsson, garðyrkjustjóri
Reykjavíkurborgar, tekur undir orð
Björns. „Það hafa verið brögð að
þessu í Breiðholtinu, t.d. fyrir neðan
Vesturbergið og í Hólunum. Stund-
um fréttum við ekki af þessu fyrr en
þetta er afstaðið en núna voru menn
staðnir að verki,“ segir Þórólfur að-
spurður hvort skemmdir séu unnar á
skóglendinu í Reykjavíkurborg.
Hann segir að vissulega megi
setja spurningarmerki við að skógi
hafi verið plantað þarna á sínum
tíma en það sé búið og gert. Hægt sé
að velta upp spurningunni hvort
maður geti átt útsýni í borg en Þór-
ólfur segist ekki hafa svarið við því.
„Hins vegar held ég að í borg verði
fólk að átta sig á því að ekki sé hægt
að fara fram á að halda tilteknu út-
sýni þótt það hafi verið með einum
hætti í upphafi. Best er að finna leið
sem öllum líkar,“ segir Þórólfur og
áréttar að vissulega sé gott útsýni af
brúninni hjá Rituhólum yfir Elliða-
árdalinn en það gangi samt ekki að
fara fram með þessum hætti, líkt og
raun ber vitni.
Þórólfur ítrekar að þetta sé ekki
einfalt mál, ef fylgja ætti t.d. sjón-
armiði um rétt einstaklinga til útsýn-
is þyrfti að fella stóran hluta skógar-
ins. Þá er ekki víst að allir yrðu á eitt
sáttir með þá niðurstöðu.
Grisjuðu lítillega
Einn íbúanna við Rituhóla, sem
vildi ekki koma fram undir nafni,
sendi Morgunblaðinu samantekt þar
sem m.a. kom fram að íbúarnir hefðu
tekið skemmd tré í nágrenni
húsanna sem íbúum var farið að
blöskra að sjá að borgin hirti ekki
um „og grisjuðu lítillega í góðri trú
með leyfi borgarstarfsmanns“. Þeir
hefðu ekki átt von á því að lögregl-
unni yrði sigað á þá fyrir að leggja
borginni lið við hreinsun og fegrun
hennar.
Fleiri tugir trjáa felldir við Rituhóla
 Stórfelldar skemmdir unnar á stóru svæði  Kæra líklega lögð fram  Íbúarnir staðnir að verki
 Fjöldi kvartana borist um há tré sem skyggja á útsýni í Breiðholti  Ekki hægt að kaupa útsýni
Morgunblaðið/Ómar
Skógarhögg Fleiri tugir trjáa á stóru svæði fyrir framan Rituhóla í Breiðholti hafa verið felldir.
Þórólfur Jónsson Björn Júlíusson
Gunnar Dofri Ólafsson
gunnardofri@mbl.is
„Það sem verið er að gera þarna,
með breytingum á Mýrar- og Geirs-
götu, er að breyta þessum götum
þannig að þær verða ekki jafngóður
kostur fyrir Seltjarnarnes ef rýma
þyrfti sveitarfélagið,“ segir Þórður
Búason, skipulagsstjóri Seltjarn-
arnesbæjar.
„Þær aðstæður geta komið upp að
rýma þurfi vesturhluta höfuðborg-
arsvæðisins. Til þess eru bara tvær
leiðir, annars vegar Hringbraut-
Miklabraut og hins vegar Sæbrautin
um þessar götur. Seltjarnarnes
reynir að vaka yfir því að ekki séu
gerðar breytingar á stofnbrautum
og tengibrautum sem svona flótta-
leiðir liggja um sem gera þær erf-
iðar og ógreiðfærar.“
Mýrargatan „sæt vistgata“
Þórður segir það hafa legið í loft-
inu að Mýrargatan gæti orðið kyrr-
lát umferðargata sem ekki væri ætl-
uð fyrir mikla umferð. Öll áform um
breytingar á þessum leiðum þurfi að
skoða með það fyrir augum að í
gegnum borgina þurfa að fara menn
úr öðrum byggðum.
„Hótelstjórinn á Hótel Marina
hefur talað um að Mýrargatan gæti
orðið „sæt vistgata“. Þá er hún ekki
lengur rýmingarleið fyrir Seltjarn-
arnes og vesturbæ Reykjavíkur.
Samkvæmt skipulagslögum ber
að kynna lýsingu á því hvernig er
staðið að fyrirhuguðum breytingum
á aðalskipulagi. Hér er einvörðungu
verið að kynna verklýsingu. Mat á
áhrifum þessarar fyrirhuguðu
breytingar er ekki komið fram og
því kannski ekki tímabært að taka
endanlega afstöðu til áformaðra
breytinga svona fyrirfram,“ segir
Haraldur Sigurðsson, verkefn-
isstjóri á skipulagssviði Reykjavík-
urborgar. „Tillagan sjálf hefur ekki
enn verið sett fram og engar út-
færslur kynntar. Ályktun bæj-
arstjórnarinnar eru því viðbrögð við
þessari verklýsingu en við eigum
von á frekari viðbrögðum frá Sel-
tjarnarnesi þegar tillagan sjálf verð-
ur kynnt,“ segir Haraldur.
Morgunblaðið/Rósa Braga
Skipulagsdeilur Mýrargata og Geirsgata munu ekki þjóna tilgangi sínum sem rýmingarleiðir fyrir vesturhluta höf-
uðborgarsvæðisins verði umferð um þær þrengd. Bæjarstjórn Seltjarnarness lýsir áhyggjum af þeirri þróun.
Óttast um rýmingarleiðir
 Bæjarstjórn Seltjarnarness leggst gegn breytingum
Fundur bæjarstjórnar Seltjarnar-
ness þann 10. apríl síðastliðinn var um
margt sérstakur, ekki fyrir efnistök,
heldur fyrir þær sakir að á honum
voru sjö mál afgreidd á tveimur mín-
útum.
„Það lá nú ekki mikið fyrir á dag-
skrá þessa fundar og allar fundar-
gerðirnar sem lagðar voru fram
kröfðust ekki umræðu bæjarfull-
trúa,“ segir Lárus B. Lárusson, for-
seti bæjarstjórnar.
„Það kann að vera að fundurinn
hafi verið tvær mínútur og 59 sekúnd-
ur, en samkvæmt fundargerð er hann
vissulega tvær
mínútur. Ég veit
ekki hvort þetta
er Íslandsmet í
stuttfundi, en
þetta er algjör
undantekning,
bæjarstjórnar-
fundir eru yfirleitt
mun lengri hjá
okkur. Það er
mjög gott samstarf milli meiri- og
minnihluta þannig að við vinnum mál-
in mjög vel saman og af heilindum,“
segir Lárus. gunnardofri@mbl.is
Tveggja mínútna
bæjarstjórnarfundur
 Sjö mál voru afgreidd án umræðu
Lárus B. Lárusson
Smiðjuvegi 2, Kóp - S. 554 0400
www.grillbudin.isOpið kl. 11 - 18 virka dagaOpið kl. 11 - 16 laugardaga
GERIÐ GÆÐASAMANBURÐ!
Er frá Þýskalandi
69.900
VELD
U
GRIL
L
SEM
ENDI
ST
OG Þ
Ú
SPAR
AR
Frábært grill
fyrir íslenskar
aðstæður
16,5
KW
Þyngd 55 kg
Fjöldi gas og
kolagrilla á
frábæru verði
eru postulínsemaleraðar
Grilleining og grillgrindur
Skúffa undir öllu fyrir fitu