Morgunblaðið - 04.05.2013, Blaðsíða 18

18 FRÉTTIRInnlent
MORGUNBLAÐIÐ LAUGARDAGUR 4. MAÍ 2013
Á FJALLATINDUM
- RAFBÓK!
www.holabok.is/holar@holabok.is
Hin vinsæla bók, Á fjallatindum,
er nú fáanleg sem rafbók.
Ómissandi bók fyrir allt
fjallgönguáhugafólk sem
getur nú haft hana í hendi
sér á göngunni.
Fæst á www.skinna.is
Verkefnasjóður sjávarútvegsins, deild
um sjávarrannsóknir á samkeppnissviði,
auglýsir eftir umsóknum um styrki til
framhaldsverkefna.
Sjóðurinn mun styrkja rannsóknir á sjávarlífverum sem nú eru
nytjaðar eða semmögulegt væri að nytja. Áhersla verður lögð á
verkefni sem efla rannsókna- og þróunarstarf á lífríki sjávar og
styrkja til lengri tíma litið sjálfbæra nýtingu auðlinda hafsins og
samkeppnishæfni sjávarútvegs.
Þar sem minna fjármagn en verið hefur er til ráðstöfunar í
sjóðnum verða í ár einungis veittir styrkir til framhaldsverkefna.
Þeir sem fengu styrk úr sjóðnum við síðustu úthlutun og
hyggjast sækja um framhaldsstyrk skulu skila skýrslu um stöðu
verkefnisins, ella koma viðkomandi umsóknir ekki til greina við
úthlutun.
Styrkur nemur að hámarki 50% af áætluðum heildarkostnaði
viðkomandi verkefnis og er veittur til eins árs í senn.
Umsóknarfrestur er til 31. maí 2013 og skulu umsóknir send-
ar til atvinnuvega- og nýsköpunarráðuneytisins, Skúlagötu 4,
150 Reykjavík. Umsóknir skulu einnig berast á rafrænu formi
á netfangið hulda@anr.is. Umsóknir sem berast eftir 31. maí
verða ekki teknar gildar nema póststimpill sýni að umsóknin
hafi verið póstlögð ekki síðar en þann dag.
Nánari upplýsingar um sjóðinn og leiðbeiningar um frágang
umsókna er að finna á heimasíðu atvinnuvega- og nýsköpunar-
ráðuneytisins anr.is
Umsóknir um framhaldsstyrki úr
Atvinnuvega- og
nýsköpunarráðuneytið
Verkefnasjóði
s j á v a r ú t v e g s i n s
Ím
yn
d
u
n
ar
af
l
/
A
N
R
SVIÐSLJÓS
Stefán Gunnar Sveinsson
sgs@mbl.is
Skýrsla nefndar sem falið var að gera
úttekt á stjórnskipan og stjórnsýslu
Reykjavíkurborgar í ársbyrjun 2012
kom út í fyrradag. Er það mat nefnd-
arinnar að þessum þáttum sé í meg-
inatriðum komið fyrir með ásættan-
legum hætti. Þó séu ýmsir hnökrar á
stjórnsýslunni en í skýrslunni er að
finna 124 ábendingar eða upplýsingar
um hluti sem betur mættu fara en í
skýrslunni var tímabilið frá 2002 til
2012 til skoðunar.
Á meðal þess sem bent er á í
skýrslunni er að borgarstjórn hafi
miklu eftirlitshlutverki að gegna sam-
kvæmt lögum en að ekki verði séð af
fundargerðum eða öðrum fyrirliggj-
andi gögnum að hún sinni því að ráði.
Þá fari ekki mikið fyrir eftirliti af
hálfu kjörinna fulltrúa með fyrirtækj-
um í B-hluta ársreiknings borgar-
innar.
Sigurður Þórðarson, formaður
nefndarinnar, segir að nefndin hafi
einkum bent á það að kjörnir fulltrúar
eigi að hafa tvö meginhlutverk, ann-
ars vegar stefnumótun og áætlana-
gerð og hins vegar eftirlit. „Þróunin
hefur hins vegar verið sú að þeir hafa
lagt mikla áherslu á að fara inn í fram-
kvæmdina sem hefur bitnað fyrst og
fremst á eftirlitinu,“ segir Sigurður.
Kjörnu fulltrúarnir hafi því farið inn á
svið sem að ráðnir embættismenn
ættu að sinna. Í niðurstöðum skýrsl-
unnar er því tekið fram að mikilvægt
sé að „staða og hlutverk kjörinna full-
trúa gagnvart embættismannakerf-
inu sé skýrð“.
Hlutverk borgarstjóra valkvætt
Í fjórða kafla skýrslunnar er
fjallað um miðlæga stjórnsýslu borg-
arinnar. Þar er vakin athygli á því að
þeir einstaklingar sem hafi gegnt
embætti borgarstjóra á þessum tíu
árum hafi lagt mismikið til þeirra
hlutverka sem þeir eigi að sinna.
„Borgarstjórinn gegnir þríþættu
hlutverki. Hann er framkvæmda-
stjóri borgarinnar, hann er opinber
fulltrúi borgarinnar og hann er póli-
tískur forystumaður. Síðan er sagt að
hann geti sinnt þessu með valkvæðum
hætti. Það sem við höfum bent á er að
það virtist vera að menn fari mismun-
andi mikið inn í stjórnsýsluna sem
borgarstjórar,“ segir Sigurður sem
bendir á að helsta hlutverk borgar-
stjóra eigi að vera æðsti yfirmaður
borgarkerfisins og allra starfsmanna
borgarinnar.
Tíðar breytingar hafa orðið á
stjórnkerfi borgarinnar á tímabilinu
sem fjallað var um í skýrslunni. Er
það mat nefndarinnar að þær tíðu
breytingar, ásamt tíðum skiptum á
borgarstjóra, hafi dregið úr skilvirkni
stjórnsýslu borgarinnar og valdið
óvissu hjá starfsmönnum. Þá sé ekki
hægt að sjá að stjórnkerfisbreytingar
sem slíkar hafi lækkað kostnað við
miðlæga stjórnsýslu hjá Reykjavík-
urborg en það var sagt eitt af megin-
markmiðum breytinganna.
Óaðgengilegir ársreikningar
Í skýrslunni er tekið fram að fjár-
málaskrifstofa borgarinnar hafi sinnt
því hlutverki sínu vel að birta fjár-
hagslegar stjórnunarupplýsingar til
stjórnenda og yfirstjórnar borgarinn-
ar og að gera skýrslur um fram-
kvæmd fjárhagsáætlunar innan árs-
ins. Að mati úttektarnefndarinnar
vantar hins vegar mikið upp á að upp-
lýsingar um fjármálin í heild séu
nægilega aðgengilegar og skýrar fyr-
ir almenning. Er bent á að skýringar
séu takmarkaðar í ársreikningi borg-
arinnar sem geri hann óaðgengilegan
fyrir almenna lesendur. Gagnrýnt er
að ekki sé í ársreikningi eða árs-
skýrslu gerð grein fyrir því hvernig
ráðstöfun fjármuna tengist umfangi
og gæðum þeirrar þjónustu sem veitt
er eða hvernig hún tengist þeim póli-
tísku markmiðum sem stefnt er að.
Í skýrslunni er fyrirkomulag
sveitarstjórnar á hinum Norðurlönd-
unum kannað og borgirnar Álaborg,
Björgin og Gautaborg bornar saman
við Reykjavík. Sigurður segir að sér
finnist sá samanburður athyglisverð-
ur en í viðaukanum kemur fram að
mikil gerjun hafi verið á fyrirkomu-
lagi sveitarstjórna í Noregi. Þar hafi
til dæmis verið reynt að kjósa for-
mann sveitarstjórna beinni kosningu.
Tíðar breytingar valdið óvissu
 124 ábendingar til ráðamanna Reykjavíkurborgar í skýrslu úttektarnefndar  Borgarstjórar leggja
mismikið til meginhlutverka  Ársskýrsla gefur ekki skýra mynd  Eftirlitshlutverki ekki sinnt að ráði
Morgunblaðið/Rósa Bragadóttir
Skýrslan kynnt Þau Henry Alexander Henrysson, Ásdís Hlökk Theodórsdóttir, Sigurður Þórðarson og Sesselja
Árnadóttir greina frá helstu niðurstöðum úttektar á stjórnskipan og stjórnsýslu Reykjavíkurborgar í fyrradag.
Stefán Gunnar Sveinsson
sgs@mbl.is
Í niðurstöðum úttektarnefndarinnar
er sagt að eðlilegt sé þegar horft sé
um öxl að spyrja hvort verðið sem
ríkið hafi greitt Reykjavíkurborg
fyrir eignarhlut sinn í Landsvirkjun
hafi verið rétt „í ljósi þróunar ytri og
innri aðstæðna eftir að samningar
voru gerðir og fyrirtækið býr nú
við“. Er jafnframt tekið fram að við
skoðun nefndarinnar hafi ekki verið
ætlað að leiða fram hvort vel eða illa
hefði verið staðið að sölunni en póli-
tísk samstaða hafi verið um tilgang
hennar.
Í samningi um kaup íslenska ríkis-
ins á eignarhluta Reykjavíkur-
borgar og Akureyrarbæjar í Lands-
virkjun, sem undirritaður var 1.
nóvember 2006, var miðað við að
verðmat Landsvirkjunar væri 60,5
milljarðar króna og því skyldu um 27
milljarðar koma í hlut Reykjavíkur-
borgar og þrír í hlut Akureyrar-
bæjar.
Í niðurstöðum nefndarinnar er
miðað við mat sem GAMMA
Management hf. vann fyrir Lands-
virkjun þar sem kemur fram að
verðmat fyrirtækisins gæti aukist á
árabilinu 2025-2035. Bendir nefndin
því á að einu endurskoðunarákvæði
samningsins séu í tengslum við
hugsanlega sölu ríkisins á Lands-
virkjun og spyr hvort ekki hefðu
fleiri atriði átt að gefa tilefni til end-
urmats. Þá hefðu skilmálar skulda-
bréfs sem Landsvirkjun gaf út til
Lífeyrissjóðs starfsmanna Reykja-
víkurborgar leitt til þess að ófyrir-
séð afföll hefðu orðið af bréfinu sem
eign í eignasafni sjóðsins, vegna
breytilegra vaxta sem væru á því.
Verðið á Landsvirkjun of lágt?
Morgunblaið/RAX
Landsvirkjun Í skýrslunni er spurt
hvort söluverðið hafi verið rétt.
 Nefndin telur eðlilegt að spurt sé
hvort umsamið verð hafi verið rétt
Eitt af því sem kemur fram í niður-
stöðum úttektarnefndarinnar er að
74 einstaklingar hjá Reykjavíkur-
borg, bæði starfsmenn og makar
þeirra, höfðu tengsl við aðila sem
Reykjavíkurborg hafði átt viðskipti
við á tímabilinu frá 2002 til 2012. Vildi
nefndin vekja athygli á að þar sem
könnunin hafi náð til margra ára sé
mögulegt að viðkomandi aðilar hafi
hætt störfum hjá borginni áður en
þeir hófu fyrirtækjarekstur eða eign-
uðust hlut í fyrirtækjum sem eiga við-
skipti við Reykjavík. Úttektarnefndin
taldi því rétt að afhenda innri endur-
skoðun Reykjavíkurborgar listann
með þeim 74 einstaklingum til „þókn-
anlegrar meðferðar“ þar sem innri
endurskoðun vinni nú að úttekt á
hugsanlegum hagsmunatengslum hjá
lykilstarfsmönnum Reykjavíkur-
borgar og kjörnum fulltrúum.
sgs@mbl.is
74 tengdir í
viðskiptum