Morgunblaðið - 04.05.2013, Blaðsíða 23

FRÉTTIR 23Innlent
MORGUNBLAÐIÐ LAUGARDAGUR 4. MAÍ 2013
við elskum skó
VELKOMINN Í BATA SMÁRALIND
Skoðið úrvalið á bata.is Vertu vinur á
14.690
11.752
tveir litir
18.990
15.192
Bata Air System
23.990
19.192
LEVI‘S
10.890
8.712
tveir litir
23.690
18.952
tveir litir
27.690
22.152
7.590
6.072
Flexible
5.990
4.792
38.890
31.112
leður
19.990
15.992
16.490
13.192
25.990
20.792
tveir litir
18.990
15.192
tveir litir
16.490
13.192
tveir litir
20% afsláttur af öllu fyrir herrann
Herradagar alla helgina
SVIÐSLJÓS
Björn Jóhann Björnsson
bjb@mbl.is
„Fyrirhugaður einokunarsamningur
um akstur með flugfarþega er ekkert
annað en ósvífið samsæri opinberra
aðila gegn hagsmunum neytenda og
ferðaþjónustunnar,“ segir Þórir
Garðarsson, markaðs- og sölustjóri
og annar aðaleigandi rútufyrirtækis-
ins Iceland Excursions – Allrahanda,
um útboð Vegagerðarinnar og Sam-
bands sveitarfélaga á Suðurnesjum
(SSS) á akstursleiðinni milli Leifs-
stöðvar og höfuðborgarsvæðisins.
Allrahanda var meðal fjölmargra
fyrirtækja sem tóku þátt í útboðinu
en það hefur verið í samkeppni við
Kynnisferðir á þessari leið. Þórir seg-
ir Allrahanda ætla að halda áfram
þessum akstri, þrátt fyrir útboðið, en
dótturfélag Kynnisferða, SBK, átti
lægsta tilboðið.
Þórir segir að það sé með ólíkind-
um að innanríkisráðherra, Vegagerð-
in og sveitarfélögin á Suðurnesjum
hafi tekið sig saman um að hunsa við-
varanir Samkeppniseftirlitsins um að
samningurinn hafi skaðleg áhrif á
samkeppni.
„Jafnframt skella þessar opinberu
stofnanir skollaeyrum við mótmælum
Samtaka ferðaþjónustunnar, Sam-
taka atvinnulífsins og fyrirtækjanna
sem hafa byggt upp öfluga þjónustu
við flugfarþega,“ segir Þórir, sem tel-
ur engin rök mæla með því að veita
SSS einkaleyfi til að flytja farþega í
millilandaflugi frá Leifsstöð til höfuð-
borgarsvæðisins. Öflug samkeppni
ríkir á þessari leið og fyrirtækin sem
veita þjónustuna standi í miklu
markaðsstarfi erlendis.
„Einkaleyfið er ekkert annað en
grímulaus heimild fyrir SSS til að
skattleggja fólk á leið til og frá út-
löndum á þeim forsendum að flugvöll-
urinn sé á svæði sveitarfélaganna.
SSS ætlar sér að hafa 360 milljónir
króna í skatttekjur af þessum flutn-
ingum, án þess að leggja krónu til
þjónustunnar. Helsta tekjuaukningin
er að fella niður unglingaafslætti og
að börn greiði fullt fargjald eins og
fullorðnir.“
Þórir bætir við að spyrja mætti
hvers vegna Ögmundur Jónasson
innanríkisráðherra gangi ekki alla
leið og veiti sveitarfélögunum heimild
til að leggja skatt á farþegaflug, sam-
anber ummæli hans í Morgunblaðinu
í gær um að Leifsstöð sé mikilvæg
auðlind Suðurnesja.
Lýsir vonbrigðum með SE
Eins og fram hefur komið í umfjöll-
un blaðsins hvetur Samkeppniseftir-
litið (SE) aðila málsins til að hætta af-
skiptum af akstri til og frá Leifsstöð.
Eftirlitið segist hins vegar ekki geta
gripið til aðgerða, vegna þess að
Vegagerðin sé hliðsett stjórnvald og
hafi heimild í lögum til að gera þenn-
an einokunarsamning. „Við lýsum yf-
ir miklum vonbrigðum með þessa af-
stöðu Samkeppniseftirlitsins. Að
sjálfsögðu á það að taka slaginn og
fara með málið fyrir dómstóla. Ef
Samkeppniseftirlitið treystir sér ekki
til að stöðva samkeppnislagabrot op-
inberra aðila, þá er fokið í flest skjól.“
Þórir segir Iceland Excursions
–Allrahanda hafa lagt mikla fjármuni
í uppbyggingu þjónustunnar við flug-
farþega. Ekki síst hafi fyrirtækið
stundað öflugt markaðsstarf erlend-
is, þar sem saman fari landkynning
og öflun viðskipta.
„Samkeppniseftirlitið segir í áliti
sínu að innkoma okkar á þennan
markað hafi aukið þjónustuna og
stuðlað að verðsamkeppni, neytend-
um til hagsbóta. Eftirlitið bendir
jafnframt á að með einkaleyfissamn-
ingi sé enginn hvati lengur til að
halda fargjöldum í skefjum eða veita
afburða þjónustu. Þrátt fyrir þetta
samsæri opinberra stofnana gegn
neytendum og ferðaþjónustufyrir-
tækjum ætlum við að halda okkar
striki í þjónustu við flugfarþega. Fyr-
irtækið hefur byggt upp víðtæka við-
bótarþjónustu við flugfarþega og
mun að sjálfsögðu halda henni áfram.
Jafnframt treystum við á að augu
manna opnist fyrir því að fyrirhuguð
einkaleyfisveiting brýtur gegn Evr-
ópureglum sem banna stjórnvöldum
að veita einkaleyfi á akstursleiðum
sem bera sig í samkeppni. Einnig
ítrekum við að slíkar aðgerðir fela í
sér opinberar samkeppnishömlur í
andstöðu við samkeppnislög og
brjóta í bága við atvinnufrelsisákvæði
stjórnarskrárinnar,“ segir Þórir.
Hann segir að Vegagerðin, sem
veitir einkaleyfið, eigi yfir höfði sér
háar skaðabótakröfur verði ekki
bakkað með „þessa vitleysu“ eins og
hann orðar það.
„Spyrja má hvort forráðamönnum
Vegagerðarinnar þyki eftirsóknar-
vert, þegar upp verður staðið, að hafa
hlaupið eftir duttlungum stjórnmála-
manns sem telur Leifsstöð auðlind
fyrir Suðurnesjamenn sem rétt sé að
skattleggja til að niðurgreiða aðra
þjónustu sveitarfélaganna,“ segir
Þórir að endingu.
„Ósvífið samsæri hins opinbera“
 Einn eigenda Allrahanda gagnrýnir einkaleyfisútboð á flugrútunni harðlega  Samkeppniseftirlitið á
að taka slaginn  Grímulaus heimild til skattlagningar  Vegagerðin á yfir höfði sér skaðabótakröfur
Morgunblaðið/Jakob Fannar
Samkeppni Þórir Garðarsson hjá Iceland Excursions – Allrahanda, en
fyrirtækið hefur verið í samkeppni við Kynnisferðir í akstri frá Leifsstöð.
Flugrútan
» Til stendur að skrifa undir
samninga í næstu viku við
SBK, dótturfélag Kynnisferða,
um einkaleyfi á akstri hóp-
ferðabíla milli Leifsstöðvar og
Reykjavíkur.
» Samband sveitarfélaga á
Suðurnesjum stendur að út-
boðinu, samkvæmt samningi
við Vegagerðina.
» Samtök atvinnulífsins og
Samtök ferðaþjónustunnar
hafa gagnrýnt þetta útboð
harðlega. Samkeppniseftirlitið
segir útboðið raska samkeppni
verulega.