Morgunblaðið - 04.05.2013, Blaðsíða 19

FRÉTTIR 19Innlent
MORGUNBLAÐIÐ LAUGARDAGUR 4. MAÍ 2013
ÚTSAL
A
A ÚT
SALA
ÚTSAL
A ÚT
SALA
LA ÚT
SALA
ÚTSAL
A ÚT
SALA
ÚTSAL
A ÚT
SALA
ALA Ú
TSALA
ÚTSAL
A ÚT
SALA
ÚTSAL
A ÚT
SALA
SALA
ÚTSAL
A ÚT
SALA
ÚTSAL
A ÚT
SALA
ÚTSAL
ALA
ÚTSAL
A ÚT
SALA
ÚTSAL
A ÚT
SALA
ÚTSAL
A
Ú
SÚT
Ú
lÍs en ku
ALPARNIR
s
Faxafeni 8, 108 Reykjavík • sími 534 2727 • netfang alparnir@alparnir.is • www.alparnir.is
Helgarsprengja
30-70% afsl.
af völdum vörum
Opnun er:
10 til 17 laugardag og 13 til 17 sunnudag
ATH. eingöngu í Faxafeni 8, Reykjavík
Vortiltekt hjá okkur
Göngubuxur - Úlpur - Flís - Ull og margt fleira.
Takmarkað magn. Ekki missa af þessu...
„Við fögnum þessari úttekt því að þarna er
fjársjóður sem við getum nýtt til áframhald-
andi umbóta til framtíðar og jafnframt eru
fjölmargar ábendingar sem við þurfum að
fara yfir,“ segir Dagur B. Eggertsson, for-
maður borgarráðs, um skýrslu úttekt-
arnefndarinnar. Hann segir að skýrslan
styrki og hvetji sig áfram í þeim verkefnum
sem borgarstjórn hafi verið að sinna að und-
anförnu.
Starfið í borgarráði gengið vel
Í skýrslunni er sett fram gagnrýni á það
hvernig borgarstjórn sinnir eftirlitshlutverki
sínu. Dagur segir að þar megi áreiðanlega
gera betur og einnig hvernig eftirlitið er
skráð. „Ég held að það megi finna að því að
það sé ekki rekjanlegt hvernig eftirlitið á sér
stað, fundargerðir séu of stuttar og svo
framvegis,“ segir Dagur.
Aðspurður um gagnrýni sem finna megi í
skýrslunni um það hvernig hlutverk borgar-
ráðs hafi þróast út í að vera vettvangur póli-
tísks þrefs sem ætti frekar heima á fundum
borgarstjórnar segir Dagur að það sé mats-
atriði hvort svo sé. „Starfið í borgarráði hef-
ur hins vegar gengið mjög vel á þessu kjör-
tímabili. Mér þykir mjög vænt um það hrós
sem að nefndin veitir borgarráði fyrir styrka
fjármálastjórn og eftirlit með fjármálum á
seinni hluta tímabilsins. Mér finnst það eitt
af mikilvægari niðurstöðum skýrslunnar, en
það er alveg rétt að borgarkerfið er pólitískt
og það er því miður ákveðinn skylm-
ingakúltúr sem hefur fylgt borgarmálunum
lengi og ég vildi gjarnan vera án,“ segir Dag-
ur. Hann bendir á að nefndin birti töflu í
skýrslunni sem sýni lækkun miðlægs kostn-
aðar. „Fólk hefur haft áhyggjur af því að
kostnaður við stjórnsýsluna sé að hækka en
þarna sést að hann hefur lækkað markvisst
ár frá ári og ég er mjög stoltur af því.“
Dagur segist vera búinn að fara aðeins yfir
skýrsluna, sem er 252 blaðsíður að lengd, en
tekur fram að borgin og borgarráð sé aðeins
að hefja sína umfjöllun um efni skýrslunnar.
„Við munum hitta nefndina aftur þegar allir
hafa fengið tækifæri til að fara yfir ábend-
ingar nefndarinnar og ræða þær. Ég vonast
til þess að við munum ná breiðri samstöðu
um að fylgja þessari vinnu vel og faglega eft-
ir til að ná því markmiði sem ég tel að við
eigum öll sameiginlegt, að stjórnsýsla borg-
arinnar verði til fyrirmyndar.“
„Fjársjóður sem við
getum nýtt okkur“
 Borgarráði hrósað fyrir styrka fjármálastjórn
Morgunblaðið/Eggert
Dagur B. Eggertsson
„Mér þykir mjög vænt um það hrós sem
nefndin veitir borgarráði fyrir styrka fjár-
málastjórn og eftirlit með fjármálum á seinni
hluta tímabilsins.“
„Þessi skýrsla sýnir að það má gera ýmislegt
betur en gert er í dag, en það er líka bent á
ýmislegt gott sem gert er á vettvangi
Reykjavíkurborgar,“ segir Júlíus Vífill Ingv-
arsson, borgarfulltrúi Sjálfstæðisflokksins,
sem segir margar ágætar ábendingar í
skýrslunni um stjórnkerfi borgarinnar og
hlutverk borgarfulltrúa. „Mér sýnist alveg
ljóst að margt af þessu komi til með að vera
gagnlegt og hjálpa okkur til að gera frekari
breytingar.“
Borgarstjóri ekki sinnt hlutverki sínu
Júlíus Vífill segir að umfjöllun um hlutverk
borgarstjóra í skýrslunni veki athygli, og tek-
ur undir þá gagnrýni í skýrslunni um að það
sé talið valkvætt hvernig borgarstjórinn
gegni hlutverkum sínum. Það sé ekki eðlilegt
að borgarstjóri geti ákveðið að koma ekki að
framkvæmdastjórn borgarinnar. „Ég held að
það sjái allir við hvern er átt í þeim efnum.
Núverandi borgarstjóri hefur ekki sinnt
þessu hlutverki og það hefur haft ákveðnar
afleiðingar sem farið er yfir í skýrslunni,
meðal annars þær að sviðsstjórar sem heyra
beint undir borgarstjóra leita til formanna
ráða og annarra kjörinna fulltrúa eftir ráð-
leggingum og stefnumörkun í stað þess að
leita til borgarstjórans. Það gerist vegna þess
að hin miðlæga stjórnsýsla er veik,“ segir
Júlíus Vífill.
Hann bendir á að í skýrslunni komi fram
að tíðar breytingar á stjórnsýslu Reykjavík-
ur, sem voru meðal annars á núverandi kjör-
tímabili, hafi ekki skilað tilætluðum sparnaði
sem stefnt var að en hafi valdið óöryggi í
stjórnsýslunni og dregið úr forystuhlutverki
miðlægrar stjórnsýslu Reykjavíkur gagnvart
fagsviðunum. Júlíus Vífill segir að hann taki
undir gagnrýni nefndarinnar á tíð borgar-
stjóraskipti á síðasta kjörtímabili.
Júlíus Vífill segir að hann sé ánægður með
umfjöllun nefndarinnar um viðbrögð Reykja-
víkur við bankahruninu. „Það er mjög gott að
fá staðfestingu á því frá þeim að borgin brást
hárrétt við og varði sig. Bent er á það að leit-
að var samráðs og að borgarstjórnin stóð öll
saman að þeirri aðgerðaráætlun sem var
samþykkt. Þá var unnið með almennum
starfsmönnum og þeir virkjaðir til að koma
með hugmyndir sem gætu bætt starfsemi og
þjónustu borgarinnar og mætt þessum
óvæntu áföllum í kjölfar bankahrunsins.
Skýrslan sýnir að þetta verklag árið 2008
skilaði góðum árangri.“
„Sýnir að gera má
ýmislegt betur“
 Verklagið eftir hrunið skilaði góðum árangri
Morgunblaðið/hag
Júlíus Vífill Ingvarsson
„Mér sýnist alveg ljóst að margt af þessu komi
til með að vera mjög gagnlegt og hjálpa okkur
til að gera frekari breytingar.“