Morgunblaðið - 04.05.2013, Blaðsíða 20

Innlent
MORGUNBLAÐIÐ LAUGARDAGUR 4. MAÍ 2013
Sigtryggur Sigtryggsson
sisi@mbl.is
Aprílmánuður var kaldur á landinu
eftir fremur hlýjan vetur, einkum
sunnanlands og vestan. Kaldast var
inn til landsins á norðaustan- og
austanverðu landinu að því er fram
kemur í yfirliti Trausta Jónssonar
veðurfræðings. Fyrstu fjórir dag-
arnir í apríl voru hlýir en síðan ríkti
kuldatíð. Snjór var til ama víða norð-
an- og austanlands og norðantil á
Vestfjörðum. Úrkoma var víðast
hvar innan við meðallag. Sólskins-
stundir voru óvenjumargar suðvest-
anlands.
Meðalhiti í Reykjavík mældist 1,9
stig og er það 1,0 stigi undir með-
allagi áranna 1961 til 1990, en 2,4
stigum undir meðallagi síðustu tíu
aprílmánaða. Svona kalt hefur ekki
verið í apríl í Reykjavík síðan árið
2000, segir Trausti. Á Akureyri var
meðalhitinn -0,4 stig sem er 2 stigum
undir meðallagi áranna 1961 til 1990
og 3,8 stigum undir meðallagi síð-
ustu 10 aprílmánaða. Apríl hefur
ekki verið jafnkaldur á Akureyri síð-
an 1990. Meðalhiti á Höfn í Horna-
firði var 1,9 stig. Í Stykkishólmi var
meðalhitinn 1,0 stig og telst mán-
uðurinn aðeins sá 138. hlýjasti í þau
168 ár sem hiti hefur verið mældur
þar.
Hlýjast var í Surtsey
Hæstur var meðalhiti mánaðarins
í Surtsey, 3,4 stig, en lægstur á Brú-
arjökli, -7,8 stig. Í byggð var með-
alhitinn lægstur í Möðrudal, -5,5 stig.
Hæsti hiti mánaðarins mældist á
Kollaleiru þann 27., 12,7 stig. Á
mannaðri stöð mældist hiti hæstur í
Stafholtsey þann 1., 11,0 stig. Lægsti
hiti mánaðarins mældist -23,0 stig í
Svartárkoti þann 12. Lægsti hiti á
mannaðri veðurstöð mældist -20,5
stig á Grímsstöðum á Fjöllum þann
12. Sá 12. var mjög kaldur og hæsti
hiti sem mældist á landinu þann dag
var 1,9 stig í Önundarhorni undir
Eyjafjöllum.
Úrkoma í Reykjavík mældist 41,8
millimetrar og er það um 70 prósent
meðalúrkomu í apríl. Á Akureyri
mældist úrkoman 31,7 mm en það er
um 8 prósent umfram meðalúrkomu.
Í Stykkishólmi mældist úrkoman að-
eins 15,3 mm sem er tæpur þriðj-
ungur meðalúrkomu þar. Á Höfn í
Hornafirði mældist úrkoman 37,2
mm en 90,2 mm á Stórhöfða í Vest-
mannaeyjum.
Sólskinsstundir í Reykjavík mæld-
ust 229,1 og eru það 89 stundir um-
fram meðallag. Sólskinsstundir hafa
aðeins einu sinni mælst fleiri í
Reykjavík í apríl. Það var árið 2000
en þá mældust sólskinsstundirnar
242,3. Á Akureyri mældust sólskins-
stundirnar 126,8 og er það í rétt
tæpu meðallagi.
Snjólétt var á landinu sunnan- og
vestanverðu en töluverður snjór
norðaustanlands. Alhvítir dagar
voru aðeins tveir í Reykjavík. Það er
í tæpu meðallagi. Á Akureyri voru
alhvítu dagarnir aðeins 3 í mánuð-
inum og er það 8 dögum undir með-
allagi. Hins vegar var þar aðeins
einn alauður dagur og meðalsnjólag
því 53 prósent. Svo hátt hefur með-
alsnjólagið ekki verið í apríl á Akur-
eyri síðan árið 2001, segir Trausti.
Ljósmynd/Gísli Kristinsson
Snjóþungi Vetrarveður hefur verið á Tröllaskaga síðan í haust. Myndin er tekin í Ólafsfirði.
Kuldinn allsráðandi
 Fyrstu fjórir dagarnir í apríl voru hlýir en síðan ríkti
kuldatíð á öllu landinu  Kaldasti apríl á Akureyri í 23 ár
Þegar kuldakastið teygir sig inn í maí eykur það lík-
urnar á að kuldamet mánaðarins falli. Aðfaranótt 2.
maí fór hitinn á sjálfvirku stöðinni á Brúarjökli niður í
-21,7 stig. Þetta er minnsti hiti sem mælst hefur á Ís-
landi í maí, að því er fram kemur á bloggi Trausta
Jónssonar. Þetta gerðist milli klukkan 5 og 6 að
morgni. „Hafa ber í huga að stöðin var stofnuð 2005
og er ein kaldasta veðurstöð landsins. Kuldakastið nú
er þannig það mesta í maí á starfstíma stöðvarinnar.
Kuldinn að þessu sinni er líklega sá mesti sem komið
hefur hér á landi í maí allan þann tíma sem sjálfvirka
stöðvakerfið hefur verið rekið (15 til 17 ár). Meirihluti stöðvanna hefur nú
slegið eldri maímet sín. Stöðvamaímet hafa einnig fallið á nokkrum
stöðvum mannaða kerfisins – en fallstöðvarnar hafa flestar verið reknar í
innan við 25 ár,“ segir Trausti. „Met á eldri (og reyndari) stöðvum eru
eldri en þetta, allmörg úr miklu kuldakasti fyrstu dagana í maí 1982.
Kuldinn nú virðist því vera sá mesti í maí að minnsta kosti frá þeim tíma.
Hvað stöð á Brúarjökli hefði mælt í því kasti veit enginn,“ bætir Trausti
við.
Sjálfvirku mælarnir eru mjög vakrir og virðast fljótir að laga sig að um-
hverfishitanum. Hefðbundnir vínandamælar í mælaskýlum mannaðra
stöðva eru hins vegar seinni til. Því valda bæði mælarnir sjálfir sem og
skýlin. Sjálfvirku mælarnir virðast þannig geta náð snöggum hitasveifl-
um sem fara hjá stöðinni á fáeinum mínútum – en hefðbundin mælaskýli
ekki, segir Trausti.
Maímetið er þegar fallið
KULDAKASTIÐ TEYGIR SIG INN Í NÝJAN MÁNUÐ
Trausti Jónsson
Stærst
i
skemmt
istaður
í heimi!
Skiptu gamla
pungnum út
fyrir nýjan
ofurpung!
10 X hra
ðari
en 3G pu
ngur!
Þjónustusamningur í áskrift hjá Nova er til 6 mánaða, greitt með kreditkorti. Nánari upplýsingar á nova.is.
Fyrsti mánuðurinn á 0 kr. í áskrift, skv. þeirri leið sem er valin, en í frelsi 1 GB.
Kringlunni, Smáralind, Lágmúla, á Selfossi og á Glerártorgi Akureyri
Þjónustuver 519 1919 | www.nova.is | m.nova.is | Facebook | Twitter
d
a
g
u
r
&
s
t
e
in
i
4G pungur
6.990 kr.
með þjónustusamningi í áskrift.
Fullt verð í áskrift og frelsi: 12.990 kr.
4G pung er hægt að nota á 4G og 3G
þjónustusvæði Nova.
1 GB
1.190 kr.
15 GB
3.990 kr.
Fyrsti mánuðurinn á 0 kr.!
4G netþjónusta
Mörkinni 6 | 108 Reykjavík | S: 568 2533 | www.fi.is
FERÐAFÉLAG ÍSLANDS
Gönguferðir með barnavagna og kerrur alla daga vikunnar kl. 12.00
Hressileg ganga fyrir mömmur og pabba, afa og ömmur með léttum
æfingum, teygjum og slökun, hver gönguferð tekur ca. 60 - 75 mínútur.
Mætið í góðum gönguskóm og helst göngufatnaði.
Gengið er eftir göngustígum borgarinnar, sjá dagskrá hér neðar.
Þátttaka ókeypis og allir velkomnir.
Fararstjóri: Auður Kjartansdóttir. Brottför er kl 12:00 alla daga:
Mánudag: Mæting við Perluna Öskjuhlíð
Þiðjudagur: Mæting við Gerðasafn í Kópavogi
Miðvikudag: Mæting við Árbæjarlaug
Fimmtudag: Mæting við Nauthól
Föstudag Mæting við Húsdýragarðinn Laugardal
Barnavagnavika
FÍ og Ferðafélags barnanna 13. - 17. maí