Morgunblaðið - Sunnudagur - 14.07.2013, Side 4

4 MORGUNBLAÐIÐ SUNNUDAGUR 14.7. 2013
Ólafur Þór Jóhannesson
framkvæmdastjóri ökkla-
brotnaði fyrir nokkrum vik-
um. Slysið átti sér stað á
föstudegi en hann fékk ekki
aðgerð fyrr en á sunnudegi.
„Auðvitað fann maður fyrir
því að það var gríðarlega
mikið álag á spítalanum, sér-
staklega á skurðstofunni,“
segir Ólafur. Aðspurður
hvort hann hafi ekki orðið
fyrir töluverðum óþæg-
indum vegna þessa segir
hann það lítið þýða og virt-
ist tillitssamur í garð mann-
eklunnar yfir sumartímann.
„Nei, nei, í sjálfu sér ekki.
Maður gat ekkert kvartað.
Ég var alveg
sáttur þó ég
þurfti að
bíða aðeins.
Maður hefur
ekki við
neinn að sak-
ast.“
H
ápunktur sumarlok-
unar á Landspít-
alanum er við það
að skella á, eða nú
um miðjan júlí og
fram í ágúst. Yfir þennan tíma er
dregið verulega úr aðgerðum og
annarri valkvæðri starfsemi og
áherslan fyrst og fremst lögð á
bráðaþjónustuna. Nokkrum deild-
um verður lokað, aðrar sameinast
öðrum og sjúklingar þurfa gjarnan
að bíða frekar eftir þjónustu held-
ur en á veturna.
Starfsfólk leggur sig fram um
að láta hlutina ganga en spítalinn
stendur þó frammi fyrir ákveðnum
vanda sem hefur verið viðvarandi
undanfarið. Í þessum vanda felst
að á spítalanum er fjöldi sjúklinga
sem fær ekki inni á hjúkrunar-
heimilum eftir að meðferð hefur
verið lokið á spítalanum. „Á spít-
alanum eru mjög margir sjúkling-
ar með færni- og heilsumat. Þessir
sjúklingar hafa lokið meðferð á
spítalanum en eru að bíða eftir því
að fá búsetu á hjúkrunarheimili.
Við sáum fram á að þeim myndi
ekki fækka hjá okkur í sumar svo
að við gripum til þeirra aðgerða
að hafa minni lokanir nú en í
fyrra,“ segir Sigríður Gunn-
arsdóttir, framkvæmdastjóri hjúkr-
unar á Landspítalanum. „Það er
óhætt að segja að þetta sé heil-
mikill vandi.“
Slæm nýting á fjármunum
Nú eru yfir 50 slíkir sjúklingar á
spítalanum og getur Sigríður stað-
fest að þeir séu fleiri en í fyrra.
Að sögn Sigríðar eru þetta aldr-
aðir einstaklingar sem bíða eftir
því að komast inn á hjúkr-
unarheimili. Ákveðin stífla mynd-
ast í kerfinu því erfitt er að taka
við nýjum sjúklingum í endurhæf-
ingu þegar þeir sem hafa lokið
meðferð komast ekki að á hjúkr-
unarheimilum og þurfa því að bíða
á endurhæfingardeildinni.
„Þegar þessi umræða fer af stað
taka margir því gjarnan illa og
taka því eins og við séum að segja
að aldraðir séu fyrir okkur. Það er
alls ekki málið. Spítalinn er hrein-
lega ekki besti staðurinn fyrir þá
að meðferð lokinni. Þetta er eril-
samt umhverfi og við veitum þeim
ekki þá þjónustu sem þeir þurfa á
að halda, ekki þann stuðning sem
fengist á hjúkrunarheimilum,“ seg-
ir Sigríður.
„Þetta er ekki mismunun gagn-
vart öldruðum. Við erum að reyna
að vera í stakk búin til þess að
taka á móti okkar sjúklingum,
sem eru einmitt að lang-
stærstum hluta aldraðir.“
Ennfremur segir Sigríð-
ur að lega á sjúkrahúsi sé
margfalt dýrari en hjúkrunarrými
og þar að auki sé þetta því ekki
skynsamleg nýting á fjármunum.
Aðspurð hvort hún teldi það
hagkvæmara úrræði að reisa enn
fleiri hjúkrunarheimili en stendur
nú þegar til svarar hún því ját-
andi. „Já, það er mun betri nýting
á fjármunum ef þetta yrði gert og
það veitir að auki mun betri og
viðeigandi þjónustu fyrir aldraða,
sem gerir okkur einnig kleift að
sinna öllum okkar sjúklingum bet-
ur.“
Anna ekki eftirspurn
Fækkun hefur orðið á lausum
rýmum á hjúkrunarheimilum og er
það fyrst og fremst vegna þess að
verið er að breyta fjölbýlum í ein-
býli til að skapa betri aðstöðu fyr-
ir aldraða en einnig er það vegna
þess að öldruðum fer fjölgandi.
„Ef við skoðum tölur frá Hagstofu
er hægt að sjá að það á eftir að
fjölga í þessum hópi á næstu ár-
um. Það stendur til að reisa fleiri
hjúkrunarheimili á næstu árum en
þau koma ekki til með að anna
eftirspurn ef horft er til spár um
fjölgun aldraðra.“
Í ár eru þó fleiri rúm en í fyrra,
segir Sigríður Gunnarsdóttir,
framkvæmdastjóri hjúkrunarsviðs
á Landspítalanum.
„Sumarstarfsemin er með hefð-
bundnu sniði og við reynum að
manna spítalann eins vel og unnt
er yfir sumartímann svo að hægt
sé að tryggja öryggi sjúklinga,“
segir Sigríður. Sjúklingar séu yf-
irleitt jákvæðir gagnvart spít-
alanum þrátt fyrir lokanir.
Það er aldrei dauður tími á Landspítalanum og enn meira álag fylgir sumartímanum þar sem fyrst og fremst er lögð áhersla á bráðaþjónustu.
Morgunblaðið/Árni Sæberg
MIKIL MANNEKLA
Ólafur Þór
Jóhannesson
Viðvarandi vandi sumarlokunar
á Landspítalanum
YFIR SUMARTÍMANN VERÐA MIKLAR SKIPULAGSBREYTINGAR Á LANDSPÍTALANUM ÞEGAR STARFSFÓLK SPÍTALANS HELDUR Í SUMARLEYFI. Í ÁR ER
FÆRRI DEILDUM LOKAÐ EN Í FYRRA EN ÞRÁTT FYRIR ÞAÐ ÞRENGIR AÐ STARFSEMINNI. FÆRRI LAUS HJÚKRUNARRÝMI BITNA Á STARFSEMI
SPÍTALANS EN NÚ BÍÐUR 51 EINSTAKLINGUR Á SPÍTALANUM EFTIR INNGÖNGU Á HJÚKRUNARHEIMILI ÞRÁTT FYRIR AÐ HAFA LOKIÐ MEÐFERÐ.
Lokuð rúm á landspítalanum 2012 og 2013
140
120
100
80
60
40
20
0
22 23 24 25 26 27 28 29 30 31 32 33 34 35Vika:
2012 2013
4 4
0 0
38
28
76
102 10299
110110
136 136 136 136
121
129 129 129
84
76
129
110
48
4
79
17
* „Það stendur til að reisa fleiri hjúkrunarheimili á næstuárum en þau koma ekki til með að anna eftirspurn ef horft er til spár um fjölgun aldraðra“
Sigríður Gunnarsdóttir
Þjóðmál
GUNNÞÓRUNN JÓNSDÓTTIR
gunnthorunn@mbl.is