Morgunblaðið - Sunnudagur - 14.07.2013, Page 23

14.7. 2013 MORGUNBLAÐIÐ SUNNUDAGUR 23
Svo framarlega sem þið eigið hjól er gaman að
skoða hverfið sitt á hjóli. Skoða hvar vinir
barnanna eiga heima, skoða garðana, kíkja á
það hvernig nágranninn smíðaði pallinn svona
ódýrt og annað. Forvitni og líkamsrækt er góð
og skemmtileg blanda.
Morgunblaðið/Styrmir Kári
Í kassa inni í geymslu er yfirleitt allt úti-
legudótið. Þar eru sippuböndin, krítarnar, fris-
bídiskarnir og annað skemmtilegt dót. Það má
alveg ná í það þegar sumarfríið er búið og sólar-
glæta kemur einn laugardag. Um að gera að
skella sér út og þykjast vera í fríi og leika aðeins
við börnin. Fátt betra.
Það er ókeypis að gefa blóð og getur
bjargað mannslífum. Þú færð að vita allt
um blóðið þitt þegar þú gefur blóð; kól-
esterólið, þrýstinginn og blóðflokkinn. Að
blóðgjöf lokinni færðu kaffi og kruðerí.
Ilmandi gott kaffi fyrir lífsbjörg. Það er
ekki margt sem toppar það að bjarga
mannslífi og drekka kaffi.
Morgunblaðið/Kristinn
Nú þegar sundmiðinn kostar nánast hálfan
handlegg er ekki úr vegi að skella sér í sjóinn og
ströndina. Reyna að finna útlenska stemningu,
dýfa tánum í sjóinn og sóla sig á ströndinni.
Á Borgarbókasafnið ertu alltaf velkominn. Þar
má sitja og lesa góða bók, börnin geta lesið eða
leikið sér til gagns og gamans og á meðan eru
vandræði umheimsins á bak og burt, þau falla í
gleymsku.
Morgunblaðið/Styrmir Kári
Það er gaman að
skoða vita. Þar er
enginn aðgangs-
eyrir og útsýnið er
frábært, það hefur
ekki enn verið tekin
ljót mynd af vita og
þá er saga í hverjum
vita. Þeir hafa staðið
af sér ófá illviðrin
og komið
ófáum sjó-
mönnum til
bjargar í gegn-
um tíðina. Að standa á bryggjunni með veiðistöng
með fjölskyldunni er yndisleg stund. Ekki
væri verra ef eitthvað gómsætt kæmi upp
úr hafinu sem hægt væri að skella á grillið
um kvöldið. Sjóbirtingur, lax og aðrir
sjávarfiskar gætu hlupið á snærið.
Morgunblaðið/Styrmir Kári
Ýmiskonar undur má finna í fjörunni.
Krakkar elska að ganga um strendur
landsins og anda að sér sjávarloftinu,
tína dót upp í fötu og skoða þegar heim
er komið.
Morgunblaðið/Benedikt Bóas
Hellisgerði í Hafnarfirði, Guðmundarlundur í Kópavogi, Grasagarðurinn í Laugardal, Elliðaárdalur
og auðvitað Heiðmörkin eru við borgarmörkin. Þar kostar ekkert inn, hægt að taka með sér nesti
og góða skapið og njóta þess að fara í feluleiki, búa til ævintýri og spila fótbolta. Leiktæki, bekkir,
útigrill. Tíminn stendur nánast í stað – í heilan dag.
Morgunblaðið/Ómar
AÐ BROSA MEÐ FJÖLSKYLDUNNI ÞARF EKKI AÐ KOSTA MIKIÐ
Ókeypis fjöl-
skylduskemmtun
TÍMINN ER DÝRMÆTUR OG HANN KEMUR ALDREI TIL BAKA. HVERS
VEGNA EKKI AÐ SLEPPA TAKINU Á INTERNETINU EÐA ÖÐRU TILGANGS-
LAUSU OG EYÐA SMÁTÍMA MEÐ FJÖLSKYLDUNNI EÐA VINUM. GERA
GÓÐVERK, FARA Í FELULEIK, VEIÐA Á GRILLIÐ EÐA LESA GÓÐA BÓK Á
BÓKASAFNI. FINNA BARNIÐ Í SJÁLFUM SÉR OG SLEPPA AF SÉR BEISLINU Á
HÖFUÐBORGARSVÆÐINU ÁN ÞESS AÐ BORGA KRÓNU FYRIR.
Benedikt Bóas benedikt@mbl.is
Það kostar ekkert að ganga á fjöll og það er fátt
yndislegra en að komast á toppinn – alveg sama
þótt það sé Úlfarsfell. Öllum er frjálst að ganga
á öll fjöll en það verður að virða náttúruna,
hana má ekki skemma.
Morgunblaðið/Júlíus