Morgunblaðið - Sunnudagur - 11.08.2013, Blaðsíða 42

*Fjármál heimilannaValgerður þarf að eiga til chili, hvítlauk, engifer og smjör og þá má alltaf elda góðan mat
Valgerður Guðjónsdóttir er ekki
þekkt fyrir að sitja með hendur í
skauti. Þessi fyrrverandi fram-
haldsskólakennari vinnur nú að
mastersritgerð númer tvö, sýnir
ferðamönnum landið, sest stund-
um í bílstjórasætið í strætó og fer
fyrir fríðum flokki lesbía á mót-
orhjólum á Gay Pride göngu helg-
arinnar.
Hvað eruð
þið mörg í heimili?
Við erum tvær frekar hagsýnar
húsmæður, ég og konan mín,
Kristín Sævarsdóttir.
Hvað áttu alltaf
til í eldhúsinu?
Chili, hvítlauk, engifer og smjör. Ef
það er til er alltaf hægt að búa til
góðan mat. Ekki má gleyma hafra-
grautnum sem er borðaður mjög
oft á morgnana.
Hvar kaupirðu helst inn?
Bónus, Krónunni og Nettó.
Hvað freistar helst í mat-
vörubúðinni?
Lakkrísinn er nú alltaf hættulega
freistandi.
Hvernig sparar
þú í heimilishaldinu?
Tek oftast með mér nesti í vinn-
una sem er yfirleitt afgangur af
matnum frá kvöldinu áður. Einnig
tek ég stundum strætó.
Hvað vantar
helst á heimilið?
Safapressu til að búa til grænan
engiferdrykk sem við drekkum
daglega. Svo er heimilistölvan orð-
inn óttalegur skrjóður en við ýt-
um henni í gang.
Eyðir þú í sparnað?
Geri það og er minn eigin þjón-
ustufulltrúi. Þannig eigum við alltaf
fyrir óvæntum útgjöldum.
Skothelt sparnaðarráð?
Ekki kaupa hluti fyrr en til er fyrir
þeim. Einnig er hægt að búa til
veislumat úr flestum afgöngum og
þarf aldrei að henda mat! Muna:
Chili, engifer og hvítlaukur og
málið er leyst.
VALGERÐUR Þ. E. GUÐJÓNSDÓTTIR KENNARI
Er sinn eigin þjónustufulltrúi
Valgerður stendur þessa dagana vaktina í kaupfélagi Reykjavík Pride í Iðu-
húsinu. Hún kemst upp með margt með chili, engifer og hvítlauk við höndina.
Aurapúkinn lærði af lestri Andrés-
blaða að lesa smáa letrið í samn-
ingum. Enda var Drési reglulega
að lenda í alls kyns basli eftir að
hafa í fljótfærni samþykkt alls kyns
skilmála og kvaðir skrifaðar með
örsmáu letri neðanmáls.
Að lesa smáa letrið er góður
ávani, kallar ekki á mikla fyrirhöfn
en getur sparað stórar fjárhæðir
og mikið umstang.
Púkanum er t.d. minnisstætt
þegar hann leigði bíl í Flórída í
tvær vikur.
Bílaleigan
gerði mikið úr
„kostaboði“
þar sem leigj-
endur gátu
einfaldlega ek-
ið í gegnum
tollhliðin á
„express“
hraðbrautunum og vegagjaldið
bættist þá sjálfkrafa við leigureikn-
inginn. Átti þetta að vera hægð-
arauki enda þurfa almennir öku-
menn að panta sérstaka passa og
setja í framrúðuna ef nota á lúx-
us-akbrautirnar.
En í smáa letrinu stóð að ef að-
eins einu sinni er ekið í gegnum
svona tollhlið, þá verður rukkað
fyrir dagpassa hvern einasta leigu-
dag eftir það, alveg óháð notkun.
Aðeins ein ferð um lúxus-
akreinina hefði því getað kostað
stóra summu.
púkinn
Aura-
Lestu alltaf
smáa letriðÞ
egar illa árar er oft ekki
auðvelt að velja hvar skera
skal niður. Við blasir að
sleppa má t.d. áskrift að
íþróttastöð eða fækka rauðvíns-
flöskunum en öðrum útgjaldaliðum
er freistandi en um leið hættulegt
að sleppa. Hættan er þá að eyririnn
sé sparaður en krónunni kastað.
Í grein sem birtist á fjármálavef
Yahoo! á dögunum var tekið saman
gagnlegt yfirlit yfir útgjöldin sem
ekki má spara.
Framtíðin lögð að veði
Fyrst ber að nefna tryggingar. Það
er svo auðvelt að halda að það megi
sleppa tryggingunum, sérstaklega
ef stórar fjárhæðir hafa runnið til
tryggingafélagsins síðustu ár en
engin óhöpp komið upp og engar
bætur verið greiddar. Er það ekki
tapað fé?
En að segja upp tryggingum er
samt mikil áhætta, enda eru ið-
gjöldin yfirleitt ekki há miðað við
þær bætur sem eru í spilinu.
Sjálfsagt er að fara vandlega yfir
tryggingarnar, leita tilboða og sjá
hvort kannski er verið að tryggja of
mikið, eða hvort aðstæður hafi
breyst svo mjög að ekki sé lengur
þörf á víðtækum tryggingum. Hvað
segja skilmálarnir? Eru trygging-
arnar að bæta það sem máli skipt-
ir?
Kannski eru sjúkdóma- og ör-
orkutryggingarnar mikilvægastar af
öllu. Fá áföll eru stærri en þegar
heilsan gefur sig og iðulega kemur
það fólki óþægilega á óvart hversu
litlar bætur eru í boði hjá TR eða
stéttarfélögum. Talandi um sjúk-
dóma, þá ætti ekki að slá heimsókn-
um til læknisins á frest. Blaðamað-
ur Yahoo! bendir réttilega á að
þegar heilsan er vanrækt er lífið
lagt að veði. Að bíða með lyfjakaup,
breyta lyfjakúrum til að spara, eða
ætla að reyna að ganga af sér veik-
indi og verki getur hæglega endað
með ósköpum. Útkoman getur orðið
mun alvarlegri veikindi, örorka,
stórlega skert lífsgæði og jafnvel
ferðalag yfir móðuna miklu.
Hættulegu skuldirnar
Kreditkortaskuldir ættu heldur
ekki að bíða. Íslensk kortafyrirtæki
bjóða upp á alls kyns afborg-
unarmöguleika sem freista en eru
oft ofboðslega dýrir. Ef það er
hægt þá ætti alltaf að reyna að
greiða reikninginn upp að fullu
hver mánaðamót. Ef hluti af reikn-
ingnum fær að velta yfir á næsta
mánuð er boltinn fljótur að vaxa og
verða að illviðráðanlegum hnullungi
sem hleður vöxtum og gjöldum ut-
an á sig.
Sparnaðinn má heldur ekki van-
rækja. Skoðaðu hvaða sparnaðar-
leiðir standa til boða, athugaðu
vandlega áhættu, mótframlög og
vaxtaspár, og reiknað út hvers má
vænta og hver peningaþörfin verð-
ur við ævilok. Ekki gleyma að taka
með í reikninginn að sparnaðurinn
getur t.d. tekið á sig þá mynd að
greiða hraðar af fasteignalánum og
geyma þannig sparnaðinn í stein-
steypu, eða kannski kaupa falleg
listaverk og njóta sparnaðarins uppi
á vegg þar til gott sölutækifæri
býðst.
Loks leggur Yahoo! til að spara
ekki við dýnukaupin. Góður svefn
er undirstaða vellíðunar, orku og
afkasta. Ódýr en léleg dýna getur
orsakað verki um allan kroppinn og
truflað svefninn svo að þreyta og
syfja plagar daginn út og inn. Lúx-
usdýna er ekki bara munaður held-
ur fjárfesting sem borgar sig.
VANDA ÞARF VALIÐ ÞEGAR ÁKVEÐIÐ ER HVAR SKERA SKAL NIÐUR
Útgjaldaliðir sem má ekki sleppa
ÞAÐ GETUR VERIÐ FREISTANDI AÐ SLEPPA ÞVÍ AÐ GREIÐA AF TRYGGINGUNUM, REYNA AÐ DRÝGJA LYF
EÐA SLÁ HEIMSÓKN TIL LÆKNISINS Á FREST EN ÞAÐ ER EKKI SKYNSAMLEG LEIÐ TIL AÐ SPARA
Ásgeir Ingvarsson ai@mbl.is
Útgjöld sem snúa að öryggi og heilsu ættu aldrei að mæta afgangi, þó það
geti verið freistandi. Mynd úr safni af heilsugæslu á höfuðborgarsvæðinu.