Morgunblaðið - 23.10.2013, Blaðsíða 2

2 FRÉTTIRInnlent
MORGUNBLAÐIÐ MIÐVIKUDAGUR 23. OKTÓBER 2013
Suðurlandsbraut 20, Reykjavík | Sími 588 0200 |www.eirvik.is
Miele þvottavélar og þurrkarar
Morgunblaðið Hádegismóum 2, 110 Reykjavík. Sími 5691100 Fréttir Guðmundur Sv. Hermannsson, Sigtryggur Sigtryggsson, ritstjorn@mbl.is Viðskipti Agnes Bragadóttir, vidskipti@mbl.is Menning Einar Falur Ingólfsson menning@mbl.is Íþróttir
Víðir Sigurðsson sport@mbl.is mbl.is Guðrún Hálfdánardóttir, Sunna Ósk Logadóttir netfrett@mbl.is, Smartland Marta María Jónasdóttir, smartland@mbl.is Umræðan | Minningar | Bréf til blaðsins mbl.is/sendagrein Prentun Landsprent ehf.
Hver góðviðrisdagur er nýttur árið um kring til að laga það sem laga verð-
ur. Þessir dugnaðarforkar voru við vinnu í Austurstræti í Reykjavík í gær.
Þeirra hlutverk var að skipta um götusteina. Það er líka vissara að hafa
götusteinana í lagi svo enginn hrasi á ferð sinni um miðbæinn.
Unnið hörðum höndum í miðbænum
Morgunblaðið/Ómar
Hallur Már Hallsson
hallurmar@mbl.is
Ævintýrakonan Vilborg Arna Giss-
urardóttir ætlar sér að ganga á
norðurpólinn þegar hún hefur lokið
við að klífa hæstu fjöll allra heimsálf-
anna sjö. Takist henni að ná þessu
markmiði – hún gekk á suðurpólinn á
þessu ári – verður hún önnur konan
til að afreka þetta en einungis 11
manneskjur hafa lokið öllum þessum
áföngum og þar á meðal er Haraldur
Örn Ólafsson. Ef allt gengur upp
ætti Vilborg Arna að vera á toppi
Everest-fjalls í vor sem er síðasta
fjallið sem hún mun klífa í SJÖ tinda-
verkefninu en hún hefur nú þegar
lokið við að klífa Denali í Alaska og
Elbrus í Rússlandi.
Vilborg situr ekki auðum höndum
og fyrir jól kemur út bók um förina á
suðurpólinn en þar segir hún einnig
frá unglingsárum sínum og hvernig
þá hafi gengið á ýmsu, t.d. var henni
vísað úr þremur framhaldsskólum.
Í kvöld verður Vilborg Arna ásamt
Leifi Erni Svavarssyni Everest-fara
með fyrirlestur og myndasýningu í
Háskólabíói milli kl. 20-22. Aðgang-
ur er ókeypis. Leifur segir frá ferð
sinni á norðurhlið Everest og Vil-
borg ræðir um SJÖ tinda-verkefnið.
Vilborg Arna ætlar líka
að ganga á norðurpólinn
Morgunblaðið/Árni Sæberg
Pólfari Vilborg Arna segir frá ferð
sinni á fyrirlestri í kvöld.
 Göngugarpur
hyggst brjóta blað
Fylgi Samfylkingarinnar eykst held-
ur, samkvæmt nýrri skoðanakönnun
MMR sem var birt í gær. Fylgi
flokksins er 17,3%, borið saman við
14,6% í síðustu mælingu.
Fylgi Sjálfstæðisflokksins mæld-
ist nú 26,5% og er hann sem fyrr
stærsti stjórnmálaflokkurinn.
Framsóknarflokkurinn mældist með
15,4% fylgi. Vinstri græn mældust
nú með 12,6% fylgi og Björt framtíð
með 12,2%. Pírataflokkurinn mæld-
ist með 7,7% fylgi en aðrir flokkar
minna. Dögun mældist stærst
minnstu flokkanna með 2,4% fylgi.
Minni stuðningur er við ríkis-
stjórnina en í síðustu könnun, þá var
hún með 47,4% fylgi en mældist nú
með 44% fylgi.
Könnunin var gerð á tímabilinu
10. til 15. október og svarfjöldi var
937 einstaklingar, 18 ára og eldri.
Samfylk-
ingin eyk-
ur fylgi sitt
 Ríkisstjórnin
með 44% fylgi
Guðni Einarsson
gudni@mbl.is
Sérfræðingar hjá verkfræðistofunni
Verkís hf. lýstu áhuga á að kanna
hvort mögulega mætti setja upp
„sýndar-síldargirðingu“ framan við
brúna yfir Kolgrafafjörð. Verkís
sótti m.a. um rannsóknarstyrk frá
Vegagerðinni en því var hafnað. Yf-
ir 50 þúsund tonn af síld drápust
innan við brúna í firðinum í fyrra-
vetur vegna súrefnisskorts.
Með „sýndar-síldargirðingu“ er
ekki átt við efnislega girðingu úr
t.d. vírneti, rimlum eða öðru efni.
Það myndi draga úr eðlilegum
vatnsskiptum og göngum annarra
sjávardýra. Sérfræðingar Verkís
vildu hins vegar kanna möguleikana
á að hindra síldargöngur undir
brúna t.d. með rafstraumi, ljós-
geislum, loftbólum eða hljóð-
bylgjum af tiltekinni tíðni. Hug-
myndin var sú að þessum búnaði
yrði fjarstýrt og hægt að kveikja á
honum handvirkt eða sjálfvirkt. Hjá
Verkís starfa meira en 300 sérfræð-
ingar, þar á meðal sérfræðingar á
sviði verkfræði, dýravistfræði, fiski-
fræði, ljóstækni og hljóðfræði.
Hnúfubakasöngur og loft
Fram kom í Morgunblaðinu 8.
júlí sl. að rætt hefði verið um að
nota ljós, hljóð og loftbólur til að
koma í veg fyrir að síld gengi inn í
fjörðinn. Slíkar aðferðir hefðu verið
notaðar á takmörkuðum svæðum en
hvergi sannað gildi sitt þar sem
girða þurfti af jafn stór svæði og í
Kolgrafafirði.
„Ég legg til að það verði settir
hátalarar á tveim til þremur stöðum
á hafsbotninn framan við brúna og
spilaður úr þeim söngur hnúfubaka.
Á milli verði búnaður sem myndar
loftbóluvegg því þannig veiða
hnúfubakar. Þetta skynjar síldin,“
sagði Árni B. Stefánsson, augn-
læknir og kajakræðari. Hann hefur
róið víða ásamt eiginkonu sinni
Gunnhildi Stefánsdóttur. Þau hafa
fylgst vel með atferli hvala á ferðum
sínum.
Girðing úr loftbólum og hljóðum
Morgunblaðið/RAX
Kolgrafafjörður Margir vilja koma í veg fyrir frekari síldardauða.
 Ýmsar hugmyndir hafa komið upp um hvernig bægja megi síld frá lóninu innan brúar í Kolgrafa-
firði  „Sýndar-síldargirðing“ úr ljósi, loftbólum eða hljóði  Söngur hnúfubaka virkar sem fæla
Skannaðu kóðann
til að sjá viðtal við
Vilborgu Örnu.
Farið var yfir möguleika til fyr-
irbyggjandi aðgerða til að koma í
veg fyrir síldardauða í Kolgrafa-
firði í vetur á samráðsfundi
tveggja ráðuneyta, stofnana og
heimamanna í gær.
Háhyrningar hafa sést innan
við brúna á Kolgrafafirði. Það
bendir til þess að síld sé byrjuð
að ganga þangað inn. Róbert A.
Stefánsson, líffræðingur hjá
Náttúrustofu Vesturlands, segir
þó að aðaltorfurnar virðist vera
inni á Hofsstaðavogi og víðar, en
ekki við brúna á Kolgrafafirði.
Ýmsar hugmyndir voru ræddar
á samráðsfundinum sem haldinn
var í Grundarfirði, svo sem um
lokun fjarðarins, frekari opnun
hans og fælingaraðgerðir af
ýmsum toga, að því er fram
kemur á vef
umhverf-
isráðuneyt-
isins. „Er
ljóst að verk-
efnið er
óvenju
vandasamt
og margir
óvissuþættir
um árangur.
Engar
ákvarðanir
voru teknar á fundinum en
stofnanir munu halda áfram
vinnu við rannsóknir og mat á
einstökum kostum.“
Fulltrúi Umhverfisstofnunar
kynnti drög að viðbragðsáætlun
vegna hugsanlegs síldardauða í
framtíðinni.
Síldin byrjuð að ganga inn
ÓVENJU VANDASAMT VERK
Kirkjufell í
Grundarfirði.