Morgunblaðið - 23.10.2013, Blaðsíða 38

38 MENNING
MORGUNBLAÐIÐ MIÐVIKUDAGUR 23. OKTÓBER 2013
Helgi Snær Sigurðsson
helgisnaer@mbl.is
Reggíhljómsveitin Ojba Rasta sendi
í fyrra frá sér sína fyrstu breið-
skífu, samnefnda sveitinni, og nú er
önnur komin út sem ber titilinn
Friður. Eitt lag af plötunni hefur
notið mikilla vinsælda undanfarnar
vikur, „Einhvern veginn svona“,
prýðilegur reggí-smellur þar á ferð
en þó ekki lýsandi fyrir plötuna í
heild því á henni kennir ýmissa
grasa, allt frá geimskotnu döbbi yfir
í tyrkneska sýrutónlist, eins og því
er lýst í tilkynningu vegna útgáf-
unnar. Upptökum plötunnar stýrði
Gnúsi Yones og eru textar allir á ís-
lensku hjá hinni fjölmennu hljóm-
sveit sem telur níu tónlistarmenn
þegar mest er. Arnljótur Sigurðs-
son og Teitur Magnússon eru höf-
undar flestra laga og texta plöt-
unnar.
Geðhreinsun
Blaðamaður ræddi við Arnljót í
vikunni og spurði hann hvort frið-
arboðskapur væri áberandi í laga-
textum, í ljósi titils plötunnar.
„Það kemur nú friðarboðskapur
við sögu í nokkrum laganna og í
öðrum lögum er maður svolítið að
semja frið í huganum, e.k. geð-
hreinsun,“ segir Arnljótur. „Ég er
svolítill hippi í mér líka og friðar-
boðskapurinn passar vel við það.
Við vorum búnir að kasta fram ein-
hverjum hugmyndum að titli og
þegar þessi kom áttuðum við okkur
á því að enginn hafði gefið út plötu
með þessum titli áður á Íslandi. Sól-
dögg hafði gert lagið „Frið“, sællar
minningar,“ bætir Arnljótur við.
– Platan kemur manni á óvart
strax í fyrsta lagi, í því er allsráð-
andi sýrlensk partístemning í anda
Omars Souleyman …
„Það er undir áhrifum frá honum,
það er satt. Ég hef líka verið að
hlusta mikið á tyrkneskt hipparokk,
sýrurokkið þaðan, og það er mjög
uppátækjasamt, skemmtilegur
hljóðheimur í því. Ég hef spilað svo-
lítið af Balkan-músík og austurevr-
ópskri tónlist áður og það hefur
alltaf blundað í mér áhugi fyrir
ýmsum heimshornum. Reggí er
hægt að taka í allar áttir. Ég hef
t.d. miklar mætur á Jah Wobble,
fyrrverandi bassaleikara Public
Image Ltd, sem fór að gera heims-
tónlistarreggí. Hann á gott safn af
alls konar skrítinni tónlist, kín-
versku döbbi og japönsku. Reggíið
er mjög teygjanlegt form.“
Klais, kínverskar
flautur og gormar
„Það má segja að þetta sé reggí-
tónlist undir áhrifum frá því sem
maður heyrir og kemst ekki hjá því
að smitast af,“ segir Arnljótur til
skilgreiningar á tónlist Ojba Rasta.
– Það segir í tilkynningu vegna
útgáfunnar að nú sé hljóðheimur
ykkar fullkomnaður …
„Það voru ekki mín orð,“ segir
Arnljótur og hlær, segist ekki hafa
lesið tilkynninguna yfir. „Það hefði
verið svolítið gaman ef einhver
hefði haft orð á því, sagt það um
okkur en annars myndi ég ekki
segja það sjálfur. En jú, það er
miklu víðar farið á þessari plötu,
það eru fleiri hljóðfæri og hljóð-
heimurinn er alla vega orðinn
stærri. Klais-orgelið í Hallgríms-
kirkju kemur við sögu í tveimur
laganna og svo eru alls konar hljóð-
færi önnur, kínverskar flautur og
allt yfir í gorma.“
Airwaves í þriðja sinn
Ojba Rasta leikur á tónlistarhá-
tíðinni Iceland Airwaves sem hefst í
lok mánaðar og verður það í þriðja
sinn sem hún kemur fram á henni.
Spurður hvort hljómsveitinni hafi
verið gerð einhver tilboð, frá er-
lendum plötuútgefendum eða skipu-
leggjendum tónlistarhátíða, segir
Arnljótur ekkert fast í hendi enn
þótt áhugi hafi verið sýndur. „Núna
erum við komin með tvær plötur og
ég held að það sýni að við erum að
meina það sem við erum að gera.
Svo erum við bara orðin betri að
spila,“ segir Arnljótur að lokum.
„Reggíið er mjög teygjanlegt“
 Friður nefnist önnur breiðskífa hinnar fjölmennu reggíhljómsveitar Ojba
Rasta  Reggí undir ýmsum áhrifum, m.a. af tyrkneskri sýrutónlist
Morgunblaðið/Golli
Ojba Rasta Reggíhljómsveitin í Hljómskálanum í gær. Neðri röð frá vinstri: Gylfi, Unnur Malín, Hrafnkell Gauti,
Teitur, Árni og Daníel. Efri röð: Tumi, Arnljótur og Erling Bang.
Dulúð Ragnar Fjalar Lárusson sá
um hönnun umslags Friðar.
Bergljót Svanhildur Sveinsdóttir
hefur opnað sína tíundu einkasýn-
ingu í sal Íslenskrar grafíkur, hafn-
armegin í Hafnarhúsinu.
Myndirnar á sýningu Bergljótar
eru flestar málaðar á þessu ári og
hún segir þær ekki vera „af neinu
sérstöku“, heldur „algjörar skýja-
borgir, tilorðnar í hausnum á sjálfri
mér“. Áhrifavaldarnir séu himinn-
inn, hafið og svo náttúran vestur á
fjörðum, en þar dvelur listakonan á
sumrum.
„Ég er komin yfir sjötugt, er enn
að læra og verð vonandi alla mína
tíð við þá iðju. Aðferðina við að
mála með vatnslitum hef ég lært í
Myndlistarskóla Kópavogs, en þar
er ég búin að vera meira og minna
frá því árið 1995,“ segir hún.
Náttúrumyndir Bergljót Svanhildur
við eitt verka sinna á sýningunni.
Bergljót sýnir
í grafíksalnum
Nýtt lag hljóm-
sveitarinnar Of
Monsters and
Men, „Silhou-
ettes“, sem
hljóma mun í
annarri kvik-
mynd Hung-
urleikaþríleiks-
ins, er ekki
beinlínis byggt á
bókunum að sögn
Ragnars Þórhallssonar, söngvara
og gítarleikara. Viðtal við Ragnar
birtist á vefsíðu MTV-sjónvarps-
stöðvarinnar og segir hann þau
frekar hafa byggt á upplifun hljóm-
sveitarmeðlimanna af því að vera
fjarri fjölskyldu og vinum, á löngu
ferðalagi hljómsveitarinnar, þegar
þau sömdu lagið og textann.
Kvikmyndin verður frumsýnd 22.
nóvember en tónlistinni verður
dreift þremur dögum fyrr.
Hungurleikalag
byggt á reynslu
Hljómsveitin bak-
sviðs fyrir tónleika.
Guðrún Kristjánsdóttir myndlist-
arkona er gestur Hannesarholts á
Grundarstíg 10 í kvöld, mið-
vikudagskvöld, í „kvöldstund með
listamanni“ sem hefst kl. 20. Guð-
rún ræðir þá við Guðna Tómasson
listsagnfræðing um verk sín og
hugmyndirnar að baki þeim. Til að
mynda koma fjallshlíðar og vatn í
fjölbreytilegum myndum við sögu
og verður myndum af verkum
brugðið upp um leið og rætt er um
þau, hugmyndaheiminn og aðferðir
listakonunnar.
Guðrún hefur nú unnið að list
sinni í meira en þrjá áratugi og
haldið sýningar víða í Evrópu,
Bandaríkjunum og Asíu. Í verk-
unum hefur Guðrún náð að skapa
sérstaka sýn á náttúruna, sem hún
miðlar jöflum höndum í mál-
verkum, prent- og vídeóverkum,
auk stórra veggmynda og innsetn-
inga.
Samræður um list-
sköpun Guðrúnar
Morgunblaðið/Ómar
Fjallamyndir Guðrún Kristjánsdóttir setur upp verk á sýningu. Guðrún
ræðir um myndheiminn í kvöld við Guðna Tómasson listsagnfræðing.
 Kvöldstund í Hannesarholti