Morgunblaðið - 02.11.2013, Page 40

40 LAUGARDAGUR 2. NÓVEMBER 2013
Kristinn Ingvarsson hóf störf sem
ljósmyndari á Morgunblaðinu árið
1992. Kristinn lauk BA-prófi í ljós-
myndun frá Harrow College of Hig-
her Education í London 1989. Loka-
verkefni Kristins var röð portrett-
mynda af breskum lávörðum og eru þrjár þeirra í
eigu National Portrait Gallery í London.
Hjartaskipti
Í lok ágúst 2010 fór ég með
hjónunum Kjartani Birgissyni og
Halldóru Ingólfsdóttir til Gauta-
borgar, þar sem Kjartan gekkst
undir hjartaskiptaaðgerð. Ég
þekkti Kjartan og Halldóru ekk-
ert áður en haldið var af stað.
Við náðum strax vel saman og
höfum við haldið sambandi síð-
an. Starfsfólk sjúkrahússins tók
vel á móti mér og gerði mér
kleift að mynda aðgerðina í ná-
vígi. Það var ógleymanleg lífs-
reynsla að vera viðstaddur
svona stóra og mikla aðgerð.
Guð blessi Ísland
Ég tók þessa mynd af Geir H. Haarde forsætisráðherra rétt áður en hann
ávarpaði þjóðina í beinni útsendingu hinn 6. október 2008. Það voru
óvissutímar og andrúmsloftið spennuþrungið.
Kristinn Ingvarsson
Thor Vilhjálmsson
Það var alltaf gaman að mynda
Thor Vilhjálmsson rithöfund. Hann
var skemmtilegur og tók alltaf hlý-
lega á móti manni og mér þykir
mjög vænt um þessa mynd. Mynd-
in er á sýningunni „Sögueyjan Ís-
land – Portrett af íslenskum sam-
tímahöfundum“ sem við Pétur
Blöndal gerðum fyrir bókamess-
una í Frankfurt 2011. Sýningin var
tileinkuð Thor og hefur hún síðan
farið víða um heim.