Morgunblaðið - 02.11.2013, Blaðsíða 46

Í Páfagarði
Ég fór ásamt Guðmundi Sv. Hermannssyni
blaðamanni í Páfagarð þegar Ólafur Ragnar
Grímsson forseti og Karl Sigurbjörnsson biskup
heimsóttu Jóhannes Pál II páfa 9. nóvember
1998. Það var ógleymanlegt að koma í Páfagarð
og sjá páfann, nokkuð sem maður á líklega ekki
eftir að gera aftur í lífinu. Forsetinn færði páf-
anum glervasa sem var settur á borð hjá ljós-
myndurunum. Minnstu munaði að önnur
myndavélin mín slægist í vasann og bryti hann.
Það hefði verið mjög neyðarlegt.
Emilía Björg Björnsdóttir
hóf störf á Morgunblaðinu
1974 í myrkraherbergi á
ljósmyndadeild. Að loknu
ljósmyndaranámi í Sven
Wingquist ljósmyndaskól-
anum í Gautaborg kom hún til starfa sem
ljósmyndari á Morgunblaðinu 1978.
Fyrstu árin vann Emilía sem almennur
frétta- og blaðaljósmyndari en varð síðan
verkstjóri á ljósmyndadeildinni.
Emilía B. Björnsdóttir
Leitin að
Greenpeace
Við Freysteinn Jó-
hannsson blaðamaður
fórum í lítilli flugvél 14.
júní 1979 að leita að
Greenpeace sem ætl-
aði að trufla hvalveiðar.
Við flugum fram og til
baka. Lágskýjað var og
við ætluðum aldrei að
finna hvalbátana og Ra-
inbow Warrior, skip
Greenpeace. Það var
bara hafið bláa hafið í
fjóra klukkutíma. Flug-
maðurinn hafði áhyggj-
ur af bensíninu og sagði
að við þyrftum að snúa
við áður en vélin yrði
bensínlaus. Ég var farin
að dotta aftur í flugvél-
inni en vaknaði við að
Freysteinn sagði:
„Þarna eru þeir!“ Þar
var þá Hvalur 8 með tvo
hvali á leið til Hval-
fjarðar og hraðbátur
Greenpeace að elta
hann. Þessar myndir
fóru víða.
Julie Christie
Kvikmyndaleikkonan Julie Christie
kom hingað sumarið 1981 til að
leika aðalhlutverkið í kvennakvik-
myndinni Gold Diggers. Kvikmynd-
in var tekin upp við Langjökul og
vakti það athygli að karlar komu
ekki að gerð myndarinnar. Sama
átti við um blaðamannafund sem
haldinn var í Stúdentakjallaranum.
Þangað mættu aðallega konur af
fjölmiðlunum.
46 LAUGARDAGUR 2. NÓVEMBER 2013