Morgunblaðið - 05.12.2013, Blaðsíða 12

12 FRÉTTIRInnlent
MORGUNBLAÐIÐ FIMMTUDAGUR 5. DESEMBER 2013
BAKSVIÐ
Ingveldur Geirsdóttir
ingveldur@mbl.is
Félag íslenskra bókaútgefenda send-
ir frá sér bóksölulistann – samantekt
yfir mest seldu bækurnar í hverri
viku nú fyrir jólin.
Aðeins sjö verslanir taka þátt í list-
anum og athygli vekur að engin af
stóru bókabúðunum er á honum, að-
allega matvöruverslanir eru með.
Þær verslanir sem taka þátt eru: A4
verslanir, Bónus, Bókabúð Forlags-
ins, Bóksala stúdenta, verslanir
Haga, verslanir Kaupáss og verslanir
Samkaupa. Sum fyrirtækjanna eru
aftur á móti með margar verslanir
um allt land.
Listinn var áður unninn hjá Rann-
sóknarsetri verslunarinnar á Bifröst
en færðist í sumar til Félags ís-
lenskra bókaútgefenda. Þá drógu
Mál og menning, Iða og Eymundsson
sig út úr honum. „Nú eru það hags-
munaaðilarnir, sjálfir útgefendurnir,
sem halda utan um tölurnar og við
vorum ekki tilbúnir að taka þátt í
því,“ segir Ingþór Ásgeirsson fram-
kvæmdastjóri verslunarsviðs Ey-
mundsson.
Eymundsson hefur sent frá sér
eigin bóksölulista síðan 1996 og nær
hann til átján verslana Eymundsson
víðsvegar um landið. „Við teljum það
eina raunsanna listann m.v. þá stöðu
sem er í dag. Ef skoðaðar eru sölutöl-
ur yfir sölu fyrir síðustu jól voru það
tæpir 8.000 titlar sem áttu aðgang að
listanum. Í síðustu viku seldust 2.500
titlar sem segir svolítið til um hvernig
raunverulegur bókamarkaður er. Á
lista Félags íslenskra bókaútgefenda
eru nánast bara matvöruverslanir og
þær veðja á örfáa tugi titla, örugga
titla í sölu, og það gefur takmarkaða
sýn á framboðið og sýnir einhæfan
bóksölulista.“
Sýnir bóksöluna best
Bryndís Loftsdóttir hjá Félagi ís-
lenskra bókaútgefenda segir að eng-
inn listi sýni bóksöluna betur en bók-
sölulisti félagsins. „Þetta er langt yfir
því að vera helmingur bóksölu í land-
inu. Það eru rosalega margar seldar
bækur á bak við efstu sætin,“ segir
Bryndís en getur ekki gefið neinar
sölutölur. „Með gerð Bóksölulistans
er reynt að sýna sem flesta titla og
mesta breidd. Listinn sýnir í hverri
viku 70 mismunandi titla í 7 flokkum
eða um 10% samanlagðra titla í Bóka-
tíðindum 2013. Matvörubúðirnar eru
komnar með breitt úrval bóka, Hag-
kaup eru t.d. með allt sem er í Bóka-
tíðindum,“ segir Bryndís. Vissulega
þyki henni leiðinlegt að hafa ekki
bókabúðirnar sem drógu sig út úr
listanum með. „Við viljum hafa þær
með og höfum margítrekað reynt að
fá þær að borðinu. Stefna okkar er að
fá alla að þessu, þátttaka er öllum
sem selja bækur frá helstu útgef-
endum opin, markmið listans er að
endurspegla bóksölu í landinu og það
tekst best ef sem flestir taka þátt.“
Óþægileg staða fyrir bóksala
Arndís Sigurgeirsdóttir, eigandi
Iðu í Lækjargötu og Máls og menn-
ingar á Laugavegi, segir að þau séu
bóksalar og eigi ekki heima í sama
hópi og matvöru- eða forlagsbúðir.
„Við erum alveg til í að vera með á
bóksölulista en það á þá að vera listi
bókaverslana. Þessi listi sýnir ekki
rétta mynd af neinu og það væri líka
áhugavert að sjá hvernig hann liti út
ef bækurnar væru á eðlilegu verði.
Við vildum ekki vera eina bókabúðin
með kjörbúðunum á listanum og
drógum okkur því út.“
Formaður Félags íslenskra bóka-
útgefenda er Egill Örn Jóhannsson
sem er jafnframt framkvæmdastjóri
Forlagsins sem er stærsta útgáfufyr-
irtækið á landinu. Ingþór segir það
varhugavert að stærsti útgefandi
landsins sé þar í forsvari og haldi ut-
an um sölutölur á markaðnum. Í
sama streng tekur Arndís, staðan sé
óþægileg fyrir bóksala.
Söluhæstu bækurnar núna
Samkvæmt bóksölulista Félags ís-
lenskra bókaútgefenda var Veislu-
réttir Hagkaupa eftir Friðriku Hjör-
dísi Geirsdóttur mest selda bókin í
síðustu viku, næst kom Skuggasund
eftir Arnald Indriðason. Hjá Ey-
mundsson er Lygi eftir Yrsu Sigurð-
ardóttur mest selda bókin og
Skuggasund kemur næst. Í
Iðu eru bækurnar Mána-
steinn eftir Sjón og Fisk-
arnir hafa enga fætur eftir
Jón Kalman söluhæstar og í
Máli og menningu er
Sjón líka efstur ásamt
ævisögu Ragnars Stef-
ánssonar jarðskjálfta-
fræðings, Það skelfur.
Umdeildur bóksölulisti útgefenda
 Stærstu bókabúðirnar vilja ekki vera með matvöruverslunum á bóksölulista Félags íslenskra
bókaútgefenda  Segja listann ekki sýna rétta mynd af sölunni  Stefnan er að fá alla að listanum
Morgunblaðið/Rósa Braga
Jólabækur Eigendur bókaverslana eru ósáttir við að bóksala þeirra sé borin saman við bóksölu hjá matvöruverslunum.
Verðlagseftirlit ASÍ gerði verð-
samanburð á jólabókum í gær-
morgun og birtist niðurstaða
þeirrar könnunar líklega næstu
daga. Í fyrra neituðu Eymunds-
son, Griffill Skeifunni og bóka-
búð Máls og menningar Lauga-
vegi að vera með í verðsaman-
burðinum, töldu það ekki þjóna
hagsmunum sínum. Sömu bóka-
búðir hafa aftur neitað að vera
með í ár, auk Iðu í Lækjargötu.
Kristján Freyr Halldórsson,
verslunarstjóri Máls og menn-
ingar, segir það gefa augaleið að
ósanngjarnt sé að stilla bóka-
búðunum upp þannig að þær séu
að okra þegar þær fái mögulega
verri kjör á bókunum en mat-
vöruverslanirnar. „Ég kaupi bók
inn á 3.900 kr., legg virð-
isaukaskatt á hana og sölulaun
en svo er hún kannski seld út á
3.500 kr. í Nettó. Matvöru-
verslanir geta lagt söluálag á
aðra vöru, sem er mun hærra
álag en á bókum, en bókin heldur
okkur gangandi og skiptir þær
engu máli,“ segir Kristján.
Í sama streng tekur Ingþór hjá
Eymundsson. „Matvöruverslanir
geta leyft sér á ákveðnum tíma
að taka inn vöruflokk sem þær
geta slegið sig til riddara með,
sagt að hér séu þær á besta
verði því bækur eru kassalaga
vara sem auðvelt er að bera
saman á milli verslana. Við vilj-
um sporna við því að
markaðurinn sé mat-
aður með einhæfum
upplýsingum,“ segir
Ingþór.
Neita þátt-
töku í könnun
VERÐLAGSEFTIRLITIÐ
Ingþór
Ásgeirsson
Ilmur af jólum
Jólasmákökurnar
færðu hjá Bakarameistaranum
Suðurver | Mjódd | Glæsibær | Húsgagnahöllin | Smáratorg | AusturverSuðurlandsbraut 20, 108 Reykjavík | Sími 588 0200 | www.eirvik.is
vi
lb
or
ga
@
ce
nt
ru
m
.is
ENAMICRO 9 ONE TOUCH
Líttu við hjá Eirvík og kynntu þér ENA 1 eða ENA 9 OneTouch
með Aroma+ og við bjóðum þér í kaffi.
Fékk hæstu einkun hjá þýsku neytendasamtökunum en 14 vélar
voru prófaðar. Hægt að velja um kaffi, espresso, latte macchiato,
cappuccino eða heitt vatn í te með því að þrýsta á einn hnapp.