Morgunblaðið - 05.12.2013, Blaðsíða 23

FRÉTTIR 23Erlent
MORGUNBLAÐIÐ FIMMTUDAGUR 5. DESEMBER 2013
Kjartan Kjartansson
kjartan@mbl.is
Ísraelar hafa neitað því að standa á
bak við morðið á Hassan Hawlo al-
Lakiss, einum æðsta yfirmanni
skæruliðasveita Hezbollah í gær.
Þess í stað berast
böndin að átökum
á milli sjíta og
súnníta og stuðn-
ingi hvors hópsins
um sig við stríð-
andi fylkingar í
Sýrlandi.
Lakiss var
myrtur utan við
heimili sitt í suð-
urhluta höfuð-
borgarinnar Bei-
rút aðfaranótt miðvikudags. Hann er
sagður hafa verið skotinn í höfuðið
með byssu með hljóðdeyfi þar sem
hann sat í bíl sínum. Telja líbanskar
öryggissveitir að fagmenn hafi verið
að verki.
Spenna á milli trúarhópa
Hezbollah eru herskáar sveitir
sjítamúslíma og sendu samtökin frá
sér yfirlýsingu í gær þar sem þau
skelltu skuldinni á Ísraelsmenn. Þau
lýsa Lakiss sem einum af leiðtogum
íslamskrar andspyrnu gegn Ísrael og
segja að hann hafi ítrekað verið skot-
spónn árása Ísraelsmanna. Hótuðu
þau því að Ísraelsmenn kæmu til
með að „bera fulla ábyrgð og allar af-
leiðingar“ af morðinu.
„Þetta eru enn ein skilyrtu við-
brögðin frá Hezbollah sem setur
fram sjálkrafa ásakanir án þess að
gæta að því hvað gerðist í raun,“
sagði Yigal Palmor, utanríkisráð-
herra Ísraels, í gær.
Áður óþekktur herskár hópur,
Ahrar al-Sunna, lýsti ábyrgð á morð-
inu á hendur sér á samskiptasíðunni
Twitter í gær en nafn samtakanna
gefur í skyn að þau tengist súnnítum
í Líbanon að því er kemur fram í frétt
Reuters-fréttastofunnar af málinu.
Sádar bendlaðir við árás
Hezbollah hefur sent vígamenn til
nágrannaríkisins Sýrlands til þess að
styðja Bashar al-Assad, forseta,
gegn uppreisnarmönnum sem eru
aðallega úr röðum þarlendra
súnníta. Líbanskir súnnítar hafa
einnig flykkst til Sýrlands til að berj-
ast gegn Assad. Þetta hefur kynt
undir spennu á milli trúarhópa í Líb-
anon. Lakiss hafði tekið þátt í átök-
unum í Sýrlandi að sögn heimildar-
manns Reuters innan Hezbollah.
Tugir manna féllu fyrir bílsprengj-
um sem sprungu í Beirút í ágúst og
tuttugu og fimm manns fórust í
tveimur sjálfsvígsárásum á sendiráð
Írans í höfuðborginni í liðnum mán-
uði.
Íranir, sem áttu meðal annars þátt
í að koma Hezbollah-hreyfingunni á
laggirnar á 9. áratug síðustu aldar til
að berjast gegn Ísraelum, kenndu
Ísrael um tilræðið. Að lokum lýstu
hins vegar líbönsk samtök tengd al-
Qaeda ábyrgð á því.
Leiðtogi Hezbollah, Sayyed Hass-
an Nasrallah, hefur sagt að hann telji
að Sádi-Arabía hafi stutt þau sam-
tök. Sádar hafa stutt uppreisnar-
mennina í Sýrlandi, meðal annars
með því að vopna þá, en írönsk
stjórnvöld hafa stutt við bakið á As-
sad forseta.
Átökin í Sýrlandi teygja sig víðar
 Einn af æðstu leiðtogum líbönsku skæruliðasveitanna Hezbollah myrtur  Hópur sem virðist tengj-
ast súnnítum í Líbanon lýsir ábyrgð á tilræðinu  Hezbollah styður Assad forseta í átökunum í Sýrlandi
AFP
Líkfylgd Syrgjendur bera líkkistu Lakiss um götur borgarinnar Baalbek í austurhluta Líbanons þar sem útför hans
var gerð í gær. Lakiss var skotinn til bana við heimili sitt í Hadath-hverfi í austurhluta höfuðborgarinnar Beirút.
Ráðnir af dögum
» Lakiss er hæstsetti leiðtogi
Hezbollah sem hefur verið ráð-
inn af dögum frá því að Imad
Mughniyeh var drepinn í
sprengjuárás í Damaskus árið
2008.
» Hezbollah kenndi einnig Ísr-
aelum um morðið á Mghniyeh.
» Þeir segja ísraelska „óvin-
inn“ margoft hafa reynt að
drepa Lakiss en ekki tekist fyrr
en nú.
Hassan Hawlo
al-Lakkis
LÚXUSFRÍ FYRIR ALLA!
Allt þetta kostar 0 kr
Hjá Nazar er enginn dulinn kostnaður
TYRKLAND SUMARIÐ 2014: BEINT FLUG FRÁ KEFLAVÍK
 Ráðgjöf íslenskra sérfræðinga
 Bókun í síma
 Matur í flugi
 Íslensk fararstjórn allt
ferðatímabilið
 Akstur til og frá hóteli
 Frítt fyrir ungbörn (og engin
verðhækkun á foreldrana)
 Íslenskir barnaklúbbar
á Nazar Collection
ÍSLENSKIR BARNAKLÚBBAR
Sjóræningja-
klúbbur
Íslenskur
barnaklúbbur
með sjóræningja-
skemmtun
Swim
a’hoy!
Hér lærir
barnið að
synda í
sumarfríinu
Chillout
Klúbbur
Griðarstaður
unglinganna
með allskonar
afþreyingu
Dance
Stars
Núna geta bæði
þú og börnin
lært að dansa
í fríinu!
nazar.is · 519 2777
20.000kr.
afsláttur á mann,
ef þú bókar fyrir
30 nóv. 2013
10 des. 2013*
* Afslátturinn gildir ekki á ódýru barnaverðin okkar