Morgunblaðið - 05.12.2013, Blaðsíða 14

  
Formaður bæjarráðs er ánægð-
ur með að fulltrúar allra stjórn-
málaafla í bæjarstjórn komu að
vinnu að nýju skipulagi, málið sé því
í raun ekki „pólitískt“ og enginn vilji
í raun gera það að deilumáli í kosn-
ingunum næsta vor.
  
„Við viljum blanda saman íbúa-
byggð, þjónustu og búðum. Okkur
langar til gera þannig miðbæ að fólk
vilji vera í honum. Mikil áhersla er
lögð á hlýlegt viðmót og að við nýt-
um okkur þau gæði sem við höfum;
sólina, höfnina. Allir vilja að hönnun
húsa taki mið af því að þau henti
fólki vel til búsetu.“
  
„Þess vegna leggjum við áherslu
á að á efri hæðum húsa séu góðar
íbúðir. Bílastæðin verða yfirbyggð
og ofan á þeim komi í raun garður,
eða lóð íbúðanna. Hann verður alveg
prívat, þó svo að sé í miðjum mið-
bænum. Garðurinn verður öruggt
svæði, sérstaklega fyrir börn að leik,
sem verða þar í alveg vernduðu um-
hverfi. Ég þekki það af eigin raun,
því dóttir mín bjó í svona húsi, þegar
hún var að læra í Kaupmannahöfn,“
segir Oddur.
  
„Við skynjum að fólk vill hlýleg-
an bæ og við erum svo heppin að
hafa náð að vinna þetta saman frá
upphafi, minni- og meirihluti í bæj-
arstjórn. Í verkefnisliði fyrir skipu-
lagið eru allir 11 bæjarfulltrúar og
öll skipulagsnefnd, þannig að allir
flokkar hafa góða aðkomu að
vinnunni. Þetta er ekki pólitískt mál,
heldur spurning hvernig við viljum
hafa miðbæinn okkar, sem við eigum
og notum öll. Samvinnan hefur verið
góð og allar skoðanir hafa átt rétt á
sér. Vinnan hefur verið skemmtileg
því öll erum við jú að stefna að sama
marki. Auðvitað eru skiptar skoð-
anir, en það hefur ekki farið eftir
flokkslínum og útkoman er sú að
langflestir eru ánægðir og sáttir
með heildina.“
  
Jólalegt verður í menningarhús-
inu Hofi á aðventunni en þá koma
fram tæplega tvö hundruð listamenn
á fjölmörgum viðburðum. Nefna má
útgáfutónleika, uppistand, kórsöng,
kveðskap og upplestur.
  
Á laugardaginn mun hönn-
unarverslunin Kista halda jóla- og
gjafavörumarkað sem og jólaplöt-
umarkað og 1862 Nordic Bistro mun
bjóða upp á heitt súkkulaði, smákök-
ur og jólaplatta með allskyns góð-
gæti. Eins mun gróðrarstöðin Sól-
skógar verða með jólatrés- og
greinasölu í útiporti við Hof milli 13
og 16. Stúlknakór Akureyrarkirkju
flytur jólalög og gert er ráð fyrir því
að Grýla komi í heimsókn til að
hrella börnin …
  
Sigurður Ingólfsson ljóðskáld
les í dag kl. 15 úr bók sinni Ég
þakka, í Flóru við Hafnarstræti.
Bókin kom út fyrr á árinu og inni-
heldur 52 þakkarbænir og er sjö-
unda ljóðabók Sigurðar.
  
Árlegur markaður Grasrótar
verður á laugardag og sunnudag á
Hjalteyrargötu 20, þar sem verða
opnar vinnustofur og félagar í Gras-
rót kynna mjög fjölbreytta starfsemi
sína og selja vörur. Markaðurinn
verður aðeins þessa einu helgi.
  
Leiðakerfi Strætisvagna Ak-
ureyrar er nú allt komið í hið svo-
kallaða Strætó-app. Með notkun
appsins er hægt að sjá hvar vagnar
eru staddir, finna næstu biðstöð,
réttu leiðina á áfangastað og fylgjast
með vögnunum á rauntímakorti.
  
Mikið er um útgáfutónleika um
þessar mundir og eru þrennir slíkir
á Græna hattinum um helgina. Ey-
þór Ingi Gunnlaugsson ríður á vaðið
í kvöld þegar hann fagnar nýrri
plötu ásamt hljómsveitinni At-
ómskáldunum. Sveitina skipa, auk
hans, Baldur Hjörleifsson, Helgi
Reynir Jónsson, Baldurr Krist-
jánsson og Gunnar Leó Pálsson.
  
Ojba Rasta, sem í haust gaf út
plötuna Friður, leikur á Græna hatt-
inum annað kvöld og á laugardags-
kvöldið Mammút, sem fagnar út-
komu plötunnar Komdu til mín
svarta systir.
  
Sýningin Hér á ég heima verður
opnuð annað kvöld kl. 20 í Kaffi
Laufási, gamla prestshúsinu á
staðnum. Þetta er hluti af afmæl-
issýningaröð Minjasafnsins á Ak-
ureyri sem varð 50 ára á síðasta ári.
Hún samanstendur af myndum og
munum frá Grýtubakkahreppi. Á
opnuninni mun sagna- og kvæðafólk
úr héraði leika á als oddi og hand-
verksfólk verður með jólamarkað.
  
Aðventudagur verður svo í
Gamla bænum í Laufási á sunnudag-
inn, kl. 13.30 til 16. Þá gefst gestum
tækifæri til að fylgjast með und-
irbúningi jólanna eins og hann var í
gamla sveitasamfélaginu.
Kollgáta/Landslag
Tenging við hafið Séð yfir menningarhúsið Hof og austasta hluta miðbæjarins samkvæmt hinum nýju drögum.
Akureyringar
vilja hlýlegan og
vinalegan miðbæ
ÚR BÆJARLÍFINU
Skapti Hallgrímsson
Akureyri
Miðbærinn á Akureyri hefur að
sögn skipt Akureyringa miklu máli í
gegnum tíðina, en aftur á móti ekki
verið nógu fallegur hin síðari ár að
margra mati. Í vikunni voru kynnt
drög að nýju miðbæjarskipulagi.
  
Fyrir nokkrum árum voru lagðar
fram hugmyndir að miðbæj-
arskipulagi eftir skoska arkitektinn
Graeme Massie, sem sigraði í al-
þjóðlegri samkeppni. Í framhaldinu
var samþykkt í bæjarstjórn nýtt
deiliskipulag fyrir austurhluta mið-
bæjarins, að vísu með breytingum
frá tillögum Massies, en í nýju drög-
unum er að nokkru leyti byggt á
hugmyndum Skotans.
  
Hönnuðir skipulagsins nýja eru
Logi Már Einarsson, arkitekt hjá
Kollgátu (og bæjarfulltrúi Samfylk-
ingarinnar), og Ómar Ívarsson,
skipulagsfræðingur hjá Landslagi.
  
„Það er greinileg krafa fólks að
gera miðbæinn sem hlýlegastan,
með vinalegum húsum, ekki of
stórum og að reynt sé að takmarka
þessi hörðu köldu efni, sem svo oft
einkenna nýjar byggingar; stein,
stál og gler,“ segir Oddur Helgi
Halldórsson, formaður bæjarráðs
Akureyrar, við Morgunblaðið.
  
Oddur Helgi segir greinilegan
vilja íbúa, og miðar við það sem fram
kom í kosningabaráttunni 2010, að
ekki verði byggt of mikið og ekki of
hátt, að áhersla verði lögð á skjól
fyrir norðanátt og að byggt verði á
þann veg að sólin nái sem mest inn á
svæðið. Að auki sé tenging við sjóinn
og menningarhúsið Hof fólki of-
arlega í huga.
Kollgáta/Landslag
Sól og skjól Áhersla er á austur-vestur skipulag; hér sér niður að Hofi.
14 FRÉTTIRInnlent
MORGUNBLAÐIÐ FIMMTUDAGUR 5. DESEMBER 2013
Öðruvísi flísar
Bæjarlind 4, Kópavogur S: 554 6800
Njarðarnesi 9, Akureyri S: 466 3600 www.vidd.is
Álfheimum 74, 104 Rvk, sími 568 5170
20% afsláttur af
öllum snyrtivörum og
ilmum í desember
Velúrgallar, peysur, bolir og toppar