Morgunblaðið - 29.05.2014, Side 26

 Stærðfræði er líka skemmtileg heitir
þróunarverkefni sem unnið er eftir í
leikskólanum Heiðarseli í Reykjanesbæ
BAKSVIÐ
Svanhildur Eiríksdóttir
Reykjanesbæ
Sif Stefánsdóttir leikskólakennari í
Heiðarseli er að ljúka meist-
aranámi í stjórnunarfræðum frá
Háskóla Íslands. Eitt af námskeið-
unum sem hún sat var „Þróun-
arstarf í menntastofnunum“ og
sagðist Sif hafa viðrað það við sína
stjórnendur í leikskólanum hvort
það væri eitthvað sem þær gætu
séð fyrir sér að hún ynni fyrir skól-
ann og nýtti það um leið í náminu.
„Hugmyndin að þessu verkefni
kom af tvennum ástæðum. Í fyrsta
lagi hafði ný framtíðarsýn fyrir
leik- og grunnskólana á Suð-
urnesjum nýlega komið fram, þar
sem lögð er áhersla á læsi og
stærðfræði í öllu skólastarfi, og í
öðru lagi kom til áhugi minn á
stærðfræðiverkefninu Numicon,
sem hafði vaxið eftir að ég fór á
fyrsta námskeiðið um efniviðinn og
kynntist möguleikum þess að
kenna ungum börnum stærðfræði,“
sagði Sif. Ólöf Kristín Guðmunds-
dóttir sérkennari skólans og að-
stoðarleikskólastjóri bætti við að
lengi hafi mikil áhersla verið lögð á
læsi í skólanum og að verið væri að
vinna með stærðfræði, en að
starfsfólk hafi ekki verið svo með-
vitað um það. „Okkur vantaði því
að gera stærðfræðina sýnilegri í
öllu starfi og þess vegna fannst
okkur tilvalið að hún legðist í þessa
vinnu,“ sagði Ólöf. Stofnað var
teymi með fulltrúum allra deilda
leikskólans svo verkefnið næði til
alls starfsfólks. Auk Sifjar skipa
Svava Ósk Stefánsdóttir, Elísabet
Hall Sölvadóttir og Kolbrún Sig-
urðardóttir leikskólastjóri teymið.
Eitt helsta markmið þróunar-
verkefnisins er að sögn Sifjar að
gera stærðfræðina sýnilega á öllum
þremur deildum skólans, með tilliti
til aldurs og þroska hvers og eins.
„Við vildum koma stærðfræðinni
inn í allt daglegt starf skólans og
nýta umhverfi skólans í tengslum
við stærðfræði. Elstu nemendurnir
fá kennslu í sérstökum stærð-
fræðitímum en við leggjum samt
mestu áhersluna á að þetta lærist í
gegnum leik og að það sé skemmti-
legt að læra stærðfræði.“
Þegar gengið er um skólann má
á sjá hvernig stærðfræðin er allt
um lykjandi í skólastarfinu. Yngstu
börnin hafa Numicon-formin fyrir
augunum bæði í vali og frjálsum
leik, eldri börnin læra að vinna
með tölur og súlurit bæði í gegnum
dagatal og skoðanakönnun, öll hólf
og box nemenda eru merkt með
tölustöfum og í hverjum mánuði er
tala mánaðarins skoðuð og tengd
við hluti og fyrirbæri í umhverfinu.
„Það er margt skemmtilegt sem
kemur upp í umræðum um tölur,
allt frá númeri íþróttamanns til
fótafjölda skordýra,“ sagði Sif sem
er sérstaklega ánægð með hvernig
hægt hefur verið að taka verkefnið
inn í allt starfið og hversu börnin
eru áhugasöm og dugleg. Þau sjái
jafnvel um að reka á eftir starfs-
fólki sé tala mánaðarins ekki komin
upp og nýr mánuður hafinn.
„Íþróttakennarinn er með form og
tölur inni í íþróttasalnum, matráð-
urinn hefur mótað brauðbollur eftir
stærðfræðiformum og tónlistar-
kennarinn hefur verið að bæta
stærðfræðinni inn í tónlistartím-
ana. Og af því að stærðfræðin er
allsstaðar hafa börnin lært hugtök
eins og á morgun, eftir tvo daga, í
næstu viku, fyrst, næst, síðast,
elstur, yngstur og svo framvegis.
Þau elstu þekkja meira að segja
oddatölur og sléttar tölur. For-
eldrar barnanna hafa veitt því eft-
irtekt að börnin eru meðvitaðri um
tölur og stærðfræðihugtök,“ sagði
Sif að lokum um árangur verkefn-
isins.
Stærðfræði
umlykur allt
skólastarf
Morgunblaðið/Svanhildur Eiríksd.
Námsefni verður til Bryndís Theódóra Harðardóttir og Elísa Gunnlaugsdóttir með námsgögn sem búin voru til í
leikskólanum. Með þeim eru Sif Stefánsdóttir, Ingibjörg Bryndís Hilmarsdóttir og Svava Ósk Stefánsdóttir.
Morgunblaðið/Svanhildur Eiríksdóttir
Leikur að tölum Stærðfræði umlykur allt skólastarfið. Börnin læra að þekkja tölurnar og ein stúlkan var fljót að sjá að núllið væri eins og augu í laginu.
Stærðfræðin leikur
» Leikskólinn Heiðarsel var
fyrstur til að hefja stærð-
fræðikennslu með Numicom-
kennsluefninu en efnið er nú
til í öllum leikskólum Reykja-
nesbæjar.
» Bæði starfsfólk og for-
eldrar hafa tekið eftir aukinni
þekkingu barnanna á Heið-
arseli á stærfræðihugtökum
og formum. Á þeim tveimur
vetrum sem þróunarverkefnið
„Stærðfræði er líka skemmti-
leg“ hefur verið notað í skól-
anum hefur þetta m.a. komið
fram:
» -Börnin tala mikið um
stærðfræði.
-Þau vilja læra tölur og telja.
-Börnin sýna meiri áhuga á
flestum hlutum, t.d. klukkunni
og talnarunum.
-Þau tengja tölur við daglegt
líf. Dæmi: hólfið hans er sama
númer og húsið mitt.
26 FRÉTTIRInnlent
MORGUNBLAÐIÐ FIMMTUDAGUR 29. MAÍ 2014
Frískandi húðvörur úr
suðrænum sítrusávöxtum
Vertu vinur okkar á facebook
www.facebook.com/weledaíslandÚtsölustaðir Weleda eru apótek og heilsuverslanir
Hin dásamlega sítruslína frá Weleda inniheldur afurðir úr lífrænt ræktuðum sítrónum frá Salamita
Cooperative á Sikiley. Hún dekrar við og frískar húðina - í samhljómi við mann og náttúru. www.weleda.is