Fréttablaðið - 14.12.2013, Qupperneq 46

14. desember 2013 LAUGARDAGUR| HELGIN | 46
Auðvitað sameinuðust mjög voldug hagsmunaöfl í landinu gegn fyrri ríkisstjórn. Þetta var fyrsta hreina [vinstri] stjórn sögunnar. Það stóð aldrei til að hún fengi að sitja út kjörtímabilið. Það átti að knésetja
okkur og það fór óendanlega í taugarnar á
þeim þegar það tókst ekki. Við sýndum að
vinstrimenn geta ekki bara unnið saman held-
ur unnið þrekvirki við að koma landinu aftur
á kjöl og klára heilt kjörtímabil við erfiðustu
aðstæður í lýðveldissögunni og geri aðrir
betur,“ segir Steingrímur.
Ekki skynsamlegt að slíta
stjórnarsamstarfinu
Össur Skarphéðinsson, fyrrverandi utanríkis-
ráðherra, segir í bók sinni Ár drekans að Sam-
fylkingin hefði átt að slíta stjórnarsamstarfinu
við Vinstri græna árið 2012 út af ESB-málinu.
Það hefði þjónað hagsmunum Samfylkingar-
innar best. „Ég veit ekki hvað hefði verið best
fyrir Samfylkinguna en ég held að það hefði
ekki verið gott fyrir Ísland og ég var ekki með-
mæltur því. Við náðum þrátt fyrir allt að klára
mörg og mikilvæg verkefni þó að ýmislegt
yrði undan að láta í lokin. Enda var okkur nú
ekki beinlínis gert auðvelt fyrir. Muna menn
hvernig stjórnarandstaðan var á síðasta kjör-
tímabili? Það var ekki stjórnarandstaða. Það
var mesta niðurrifs- og eyðileggingarstarf-
semi sem ég hef nokkurn tímann orðið vitni að
í pólitík og man ég þó stjórnarandstöðu Sjálf-
stæðisflokksins gegn ríkisstjórn Gunnars
Thoroddsen sem var auðvitað heiftúðug,“ segir
Steingrímur.
Skuldaaðgerðir gagnast fáum
Steingrímur setur ýmsa fyrirvara við skulda-
aðgerðir ríkisstjórnarinnar sem kynntar voru
í lok síðasta mánaðar. Hann fagnar því að til-
lögurnar séu komnar fram en telur að mörgum
spurningum sé enn ósvarað, t.d. hvað varðar
fjármögnun. Þá segir hann að aðgerðin muni
fyrst og fremst gagnast tekjuhærri hópum
og það sé miður. „Veikleiki [þessara tillagna]
er hinn félagslegi þáttur. Þetta mun fyrst og
fremst gagnast tekjuhærri hópunum. Svo er
það eins og hver annar brandari að tala um að
leigjendum geti staðið til boða að leggja ein-
hvern húsnæðissparnað inn skattfrjálst með
þessum hætti. Ætli það verði nú margir sem
búa í félagslegu leiguhúsnæði sem geta tekið
4% af launum sínum til hliðar í einhvern svona
húsnæðissparnað? Þetta er bara gert til að
blása aðgerðina upp og telja okkur trú um að
þetta nái til 80% heimila í landinu. Að sjálf-
sögðu verður það ekki þannig. Þetta er miklu
þrengri hópur sem fær þarna úrlausn.“
Verðbólga gæti étið upp
allan ávinning
Seðlabankinn telur mögulegt að sérfræði-
hópur ríkisstjórnarinnar hafi vanmetið áhrif
skuldaaðgerðanna á verðlagsþróun. Stein-
grímur tekur undir þær áhyggjur og óttast
að verðbólgan muni éta upp allan ávinning
heimila. „Við gætum fengið býsna harkalegan
bakreikning í hausinn. Ekki bara verðbólg-
una sem slíka. Ef hún færi aðeins upp um eitt
til tvö prósent þá bítur það í á hverju ári. Ef
Seðlabankinn teldi sig knúinn í framhaldinu til
þess að hækka vexti þá er það mjög neikvætt
fyrir atvinnulífið og alla skuldahliðina í hag-
kerfinu,“ segir Steingrímur og telur nauðsyn-
legt að meta nákvæmlega áhrif aðgerðanna. Þá
segir Steingrímur að fjármögnunin, þ.e. það
sem snertir skattaafslátt í tengslum við sér-
eignarsparnað sé einnig eitthvað sem verði
að skoða. Í raun séu stjórnvöld að ýta vandan-
um inn í framtíðina. „Við erum að ýta þessum
hluta vandans, þessum hluta byrðanna yfir á
skattgreiðendur framtíðarinnar, þó nokkuð
inn í framtíðina. Þetta gætu orðið um 40 millj-
arðar króna. Sveitarfélögin eiga sérstaklega
mikið undir þarna vegna þess að kerfið okkar
er þannig að ríkið tryggir sveitarfélögum fullt
útsvar og bætir það sem upp á vantar.“
Niðurlægjandi
málflutningur
Steingrímur gagnrýnir ríkisstjórn-
ina fyrir að draga úr framlögum
til þróunaraðstoðar. Forystumenn
ríkisstjórnarinnar hafa sagt að
það sé nauðsynlegt að lækka
þróunarstyrki til að efla heil-
brigðisþjónustuna. „Er það sam-
boðið íslensku þjóðinni? Vill hún
að þessu sé stillt upp þannig af
nauðhyggjustjórnmálamönn-
um að við verðum að velja á
milli þess að reyna að sýna lit
í því að þoka okkar þróun-
araðstoð upp á við eða reka
Landspítalann? Við erum
ekki svo fátækir, Íslending-
ar,“ segir Steingrímur og
gagnrýnir að þetta sé sett
fram með þessum hætti.
„Mér finnst þetta óboðleg
tenging. Hún er niður-
lægjandi fyrir þjóðina og
það sjá það allir að þetta
er ekki svona,“ segir
Steingrímur.
Það átti að knésetja okkur
Steingrímur J. Sigfússon, fyrrverandi formaður Vinstri grænna, segir að voldug hagsmunaöfl á Íslandi hafi reynt allt til
að knésetja síðustu ríkisstjórn. Stjórnarandstaða núverandi stjórnarflokka hafi tekið út yfir allan þjófabálk og verið mesta
niðurrifs- og eyðileggingarstarfsemi sem hann hefur orðið vitni að í pólitík.
Viðtalið við Steingrím er
hægt að sjá í þættinum
Pólitíkin á www.visir.is.
visir.is
Höskuldur
Kári Schram
hks@frettabladid.is
STJÓRNMÁLAÞÁTTTAKA
1980 1985 1990 1995 2000 2005 20101976 1978 19811982 1983 1987 1988 1999 2009 2011 2012
MENNTUN OG HELSTU STÖRF
1976 Stúdents-
próf MA.
1981 B.Sc.-próf í jarðfræði HÍ.
1982 Próf í uppeldis- og kennslufræði HÍ.
1978-1982
Vörubif-
reiðarstjóri
á sumrum.
1982-1983 Við jarðfræðistörf og jafnframt
íþróttafréttamaður hjá sjónvarpi.
1978-1980
Í Stúdentaráði.
1983-
Alþingis-
maður.
1987-1988 Formaður þing-
flokks Alþýðubandalagsins.
1988-1991 Landbúnaðar-
og samgönguráðherra.
1999-2013 Formaður
Vinstri hreyfingarinnar
– græns framboðs frá
stofnun flokksins.
2009-2011
Fjármálaráðherra.
2011-2012 Efnahags- og
viðskiptaráðherra og sjávarút-
vegs- og landbúnaðarráðherra.
2012-2013
Atvinnu-
vega- og
nýsköpun-
arráðherra.
VIÐ GÆTUM FENGIÐ BÝSNA HARKALEGAN
BAKREIKNING Í HAUSINN. EKKI BARA
VERÐBÓLGUNA SEM SLÍKA. EF HÚN FÆRI
AÐEINS UPP UM EITT TIL TVÖ PRÓSENT ÞÁ
BÍTUR ÞAÐ Í Á HVERJU ÁRI
Um núverandi
ríkisstjórn
Þeir voru dálítið kálfslegir í vor
þegar þeir töluðu um að allur
vandi Íslands væri bara þessari
ónýtu ríkisstjórn að kenna. Þeir
kæmu með sína snilld, smelltu
fingrum og þá átti allt að
vera komið hérna á fulla ferð.
Kraftaverkin hafa hins vegar
látið á sér standa.
Skuldatillögur
Mér var létt þegar ég
sá að umfang þeirra var
svona miklu miklu minna en
Framsóknarflokkurinn hafði
lofað fyrir kosningar þar af
leiðandi er þetta efnahagslega
ekki eins hættulegt eins
og það hefði getað
orðið.
Lífið eftir
ríkisstjórn
Ég hef bara unað lífinu
mjög vel núna í vor, sumar og
haust. Það hefur verið kærkomið
að mörgu leyti að geta aðeins um
frjálst höfuð strokið og
ráða mínum tíma
aðeins sjálfur.