Fréttablaðið - 14.12.2013, Side 60

KYNNING − AUGLÝSINGSpjaldtölvur LAUGARDAGUR 14. DESEMBER 20132
Útgefandi: 365 miðlar ehf., Skaftahlíð 24, s. 512 5000
Umsjónarmenn auglýsinga: Ívar Örn Hansen, s. 512 5429, ivarorn@365.is
Ábyrgðarmaður: Jón Laufdal.
Hanna Rún Eiríksdóttir, kennari í öðrum
bekk í Klettaskóla, er mjög áhugasöm
um notkun spjaldtölva við kennslu. „Þær
gagnast öllum okkar nemendum mjög vel.
Getumunur á milli þeirra er ansi mik-
ill en úrval gagnlegra smáforrita er ríku-
legt og því auðvelt að aðlaga efni að hverj-
um nemanda fyrir sig.“ Hjá sumum eru
spjaldtölvur nauðsynlegt tjáskiptatæki
en Hanna Rún notar þær mest til að þjálfa
fínhreyfingar, rökhugsun, sköpun, ritun,
mál og læsi.
Í Klettaskóla, sem er fyrir börn með
sérþarfir, eru 109 nemendur en aðeins
tíu virkar spjaldtölvur sem f lestar eru
gjafir frá góðgerðafélögum. Hanna Rún
er með níu nemendur í bekk. Hún hefur
einn iPad til umráða í kennslustofunni og
notar hann aðallega til að leggja inn efni
og kenna. Hann gengur svo á milli nem-
enda. Nokkrir nemendur eiga eigin spjald-
tölvur og sumir koma með þær í skólann.
Þá notar Hanna Rún tækifærið og bendir
þeim og foreldrum á gagnleg smáforrit til
að nota heima.
Í bekknum eru einstaklingar með mis-
munandi getu. „Sum eru með hreyfihöml-
un og nota ekki endilega fingurna til að
snerta skjáinn heldur lófann eða hand-
arbakið. Þau geta búið til sögur í „Puppet
Pals“ eða skoðað margmiðlunarsögur
eða léttlestrarbækur sem eru settar inn
í sögugerðarforrit. Spjaldtölvurnar auka
því kennslu- og námsmöguleikana svo um
munar og eru að mínu mati frábær við-
bót í kennslu barna með sérþarfir,“ segir
Hanna Rún. „Hins vegar þarf að aðlaga
kennsluna að getu hvers og eins og því
væri ákjósanlegt að hvert barn hefði eigið
tæki. Eins og staðan er núna er í raun bara
eitt tæki á árgang. Það þarf því að skrá
sig á tækin og skipta á milli en það fyrir-
komulag getur verið ansi þungt í vöfum.
Þá vantar skólann þráðlaust net sem setur
okkur skorður varðandi uppfærslur og að-
gengi að smáforritum.“
Nýlega bárust fréttir af því að spjald-
tölvunotkun í skólum væri ekki að skila
þeim árangri sem vonast var eftir. Hanna
Rún segir enn þá ekki nægilega reynslu
komna á notkun spjaldtölva í Klettaskóla
þar sem hún er ekki orðin almenn meðal
nemenda. „Við erum þó að upplifa það
mjög sterkt að börnin eru að auka tján-
ingu sína og hin ýmsu smáforrit hvetja
þau virkilega til þess. Mér finnst þau líka
vera að átta sig á hlutum sem þau myndu
ekki endilega gera með blaði og blýanti. Í
mínum huga snýst þetta líka um kennslu-
aðferðir og hvernig tækin eru notuð.“
Hanna Rún segir mikilvægt að kynna
möguleikana fyrir fólki og kenna því
á tækin. „Hægt er að sækja námskeið
hjá TMF tölvumiðstöð og Skema en auk
þess gegna samfélagsmiðlarnir mikil-
vægu upplýsingahlutverki.“ Hanna Rún
og bendir áhugasömum á tvo gagnlega
hópa á Facebook. Annars vegar Spjald-
tölvur í námi og kennslu og Smáforrit í
sérkennslu.
Ýta undir tjáningu barna með sérþarfir
Hanna Rún Eiríksdóttir, kennari í Klettaskóla, segir spjaldtölvur góða viðbót í námi barna með sérþarfir. Úrval smáforrita er ríkulegt og því
auðvelt að finna forrit við hæfi þrátt fyrir mikinn getumun á milli nemenda. Í Klettaskóla eru 109 börn en aðeins tíu virkar spjaldtölvur.
Hanna Rún hefur eina spjaldtölvu til umráða í bekknum. Sumir nemendur eiga hins vegar eigin tölvur og koma
með þær í skólann. MYND/GVA
Hanna Rún Eiríksdóttir, kennari í Klettaskóla,
nefnir smáforrit sem hafa reynst henni vel í
kennslu. Hún notar iPad og miðast forritin við það.
Bitsboard er mjög gagnlegt og fjölbreytt smá-
forrit með mikla aðlögunarmöguleika þar sem
hægt er að deila borðum. Í „catalog“ er orðið „ís-
lenska“ notað en þá birtast þau borð sem notend-
ur hafa íslenskað og deilt með sér. Hvert borð er
hægt að vinna á tólf mismunandi vegu og í „pro“
útgáfu smáforritsins er hægt að útbúa nemenda-
möppur og fylgjast með árangri.
Book Creator er smáforrit til sögugerðar. Hægt
er að nota myndir, myndbönd og hljóðupptök-
ur og vista sögu í ibooks eða Dropboxi. Hanna
Rún notar Book Creator sem rafræna námsmöppu
og safnar gögnum sem nemendur eru að vinna í
spjaldtölvunni sem svo er hægt að vista í ibooks
síðar.
Doceri er hægt að nota á fjölbreyttan hátt.
Þar er unnið á teikni- eða vinnuborði en þang-
að er hægt að flytja inn myndir, teikna myndir,
skrifa texta, vinna stærðfræði og taka upp um leið.
Myndbönd sem búin eru til í Doceri er svo hægt
að færa í Book Creator og safna þannig efni frá
nemendum.
Puppet Pals er gagnlegt smáforrit í málörvun.
Börnin búa til sínar eigin sögur með því að velja
persónur og nota til þess eigin myndir og jafnvel
myndir sem þau teikna sjálf í teikniforriti spjald-
tölvunnar og vista sem myndir. Sagan er tekin upp
og hægt er hægt að vista hana sem myndband.
Þaðan er svo hægt að hlaða henni inn á til dæmis
YouTube.
Story Creator er smáforrit til sögugerðar.
Einnig er hægt að nota það til að gera félagshæfni-
sögur. Smáforritið hentar mjög vel til að setja inn
myndir, myndbönd og hljóð svo að nemendur
geti endurupplifað atburði. Hægt er að nota Story
Creator að einhverju leyti sem samskiptabók með
myndum og myndböndum. Hægt er að senda
sögur í tölvupósti svo að þeir nemendur sem eiga
spjaldtölvur heima geti opnað sögurnar þar.
Dexteria og Dexteria Junior eru góð smáfor-
rit til að þjálfa fínhreyfingar og sporun. Forritin
þjálfa meðal annars samhæfingu vísifingurs og
þumals.
Hanna Rún fagnar auk þess útgáfu íslenskra
smáforrita sem hún notar markvisst. Í Lærum og
leikum með hljóðin er unnið með íslensku mál-
hljóðin. Þá er margmiðlunarsagan Mjási nýkomin
út en þar leysa nemendur þrautir um leið og sagan
er lesin.
Hanna Rún nefnir einnig nokkra erlenda fram-
leiðendur sem gefa út gagnleg smáforrit sem
henta í kennslu nemenda með sérþarfir. Það eru
til dæmis Grasshoppers og Alligator Apps, sem
framleiða smáforrit til kennslu og kosta þau oftast
lítið eða ekkert. Þá framleiðir Sago mini einföld en
litrík og skemmtileg smáforrit þar sem unnið er
með orsök og afleiðingu. Einungis þarf að snerta
skjáinn svo að eitthvað skemmtilegt gerist.
Gagnleg smáforrit
30.000
fréttaþyrstir
notendur
Smelltu þér á Fréttablaðsappið og lestu
blaðið hvar sem er og hvenær sem er
Fáðu Fréttablaðið ókeypis í spjaldtölvuna og snjallsímann
með Fréttablaðsappinu. Sláðu inn Fréttablaðið á Google
Play, Windows store eða í App store og náðu í appið.