Fréttablaðið - 14.12.2013, Page 130

14. desember 2013 LAUGARDAGUR| MENNING | 102
Karlakórinn Bartónar og Kvenna-
kórinn Katla efna til uppákomu í
Gamla bíói á þriðjudaginn sem kall-
ast Jólastórtónleikar. Karlakórinn
Bartónar er fjögurra ára gamall
karlakór sem var stofnaður af fasta-
gestum Kaffibarsins.
„Upphaflega var hugmyndin að
æfa eitt skemmtiatriði til að troða
upp eitt kvöld, en þetta endaði sem
þrjátíu manna karlakór sem hefur
starfað óslitið síðan,“ segir Jón
Svavar Jósefsson, kórstjóri Bartóna.
„Við fórum í samstarf við
Kvennakórinn Kötlu í fyrra. Kór-
stýrurnar eru þær Hildigunnur
Sverrisdóttir og Lilja Dögg Gunn-
arsdóttir. Ástæðan fyrir því að
við fórum í þetta samstarf var að
strákarnir voru almennt mikið í
makaleit, sem var kannski fyrir-
séð, enda allir fastagestir á bar.
Þeir voru búnir að missa alla von
um að finna ástina á barnum og
vildu leita að henni eftir öðrum
leiðum. Þess vegna fundum við upp
á þessu. Við héldum jólatónleika
með Kvennakórnum Kötlu í fyrra
til styrktar Barnaspítala Hrings-
ins og það má segja að við höfum
fengið það sem við vorum að leita
eftir út úr þessu samstarfi. Þess
vegna ákváðum við að endurtaka
leikinn með enn stærri tónleikum
fyrir þessi jól. Við færðum okkur
úr Tjarnarbíói yfir í Gamla bíó þar
sem er töluvert stærri salur.“
Ágóðinn af tónleikunum rennur
til Krafts, sem er stuðningsfélag
fyrir ungt fólk sem hefur greinst
með krabbamein. Jón Svavar segir
vera ástæðu til að hvetja fólk sem
er bugað af svartsýni og neikvæðni
til að mæta.
„Við erum bjartsýnisfólk. Yfir-
bragð þessara kóra er svo létt. Tón-
leikunum má líkja við eins konar
andlegt hopp. Við fáum áheyrendur
til að hoppa með okkur. Markmið-
ið er að bæta andlega heilsu áheyr-
enda. Ekki veitir af. Mér finnst
fólk ansi neikvætt oft og ekki nógu
djarft. Það heldur sig til baka með
óöryggi. Við bjóðum fólki upp á
andlega megrun á neikvæðni og
svartsýni. Það má segja að tónleik-
arnir okkar séu sjálfshjálparbók
í tónleikaformi. Samkvæmt jóla-
gjafaspesíalistum er jólagjöfin í ár
sjálfshjálparbók. Hugmyndalausum
foreldrum sem eiga ólæsa unglinga
má benda á að það má gefa miða á
tónleikana í snemmbúna jólagjöf.“
Jólastórtónleikarnir fara fram í
Gamla bíói þriðjudaginn 17. desem-
ber klukkan 20.
ugla@frettabladid.is
Misstu alla von um
að fi nna ástina á bar
Jólastórtónleikar með Kvennakórnum Kötlu og Karlakórnum Bartónum verða
í Gamla bíói á þriðjudag. Karlakórinn var stofnaður af fastagestum Kaffi barsins.
GÓÐ SÖFNUN 101 þúsund krónur söfnuðust til styrktar Barnaspítala Hringsins á
jólatónleikunum í fyrra.
Tískuspekúlanti
Íslands fagnað
Dömudeild JÖR var opnuð á Laugavegi 89 á fi mmtudagskvöldið. Maðurinn á bak
við JÖR er fatahönnuðurinn Guðmundur Jörundsson sem hefur verið gríðarlega
vinsæll í íslenskum tískubransa síðustu misseri. Á næsta ári fer hann meðal
annars á tískusýninguna Copenhagen Fashion Summit með sköpunarverk sín og
því ekki að undra að margir góðir gestir hafi mætt í opnunarpartíið á fi mmtu-
dagskvöld til að samgleðjast einum fremsta tískuspekúlant Íslands.
HÆFILEIKARÍKIR BRÆÐUR Tónlistarmaðurinn Þórður Jörunds-
son og fatahönnuðurinn Guðmundur Jörundsson. FRÉTTABLAÐIÐ/DANÍEL
MEÐ PUTTANN Á TÍSKUPÚLSINUM Arnar Gauti og
Þórunn Högna, annálað smekkfólk.
SMEKKLEGAR Bergrún Helgadóttir, verslunarstjóri hjá JÖR, og
Birta Ísólfsdóttir, sigurvegari Hannað fyrir Ísland.
TÍSKUTRÍÓ Nökkvi Nils, Elsa Ýr og Þorvaldur Hrafn.
Ástæðan fyrir því að
við fórum í þetta samstarf
var að strákarnir voru
almennt mikið í makaleit,
sem var kannski fyrirséð,
enda allir fastagestir á bar.
Jón Svavar Jósefsson