Læknablaðið - 15.02.2003, Page 71

FRÁ HEILBRIGÐIS- OG TRYGGINGAMÁLARÁÐUNEYTI OG LANDLÆKNI
Lyfjamál 112
Sparnaðarmöguleikar í flokki blóðþrýstingslyfja
NÝlega voru birtar niðurstöður úr stærstu rann-
sókn á blóðþrýstingslyfjum sem gerð hefur verið; svo-
kölluð ALLHAT-rannsókn í Ameríku (JAMA 2002;
288). Þátttakendur voru rúmlega 33.000. Aðal niður-
staða rannsóknarinnar er að ódýr þvagræsilyf eru
fyllilega sambærileg að virkni til blóðþrýstingslækk-
unar og hin nýrri lyf í flokkum kalsíumgangaloka
(C08) og ACE-hemla (C09). Ljóst er að menn hafa
yfirleitt verið í góðri trú um að nýju lyfin væru eitt-
hvað verulega betri og skýrir það væntanlega hina
miklu og vaxandi notkun þeirra. í ljósi niðurstöðu
þessarar rannsóknar verður okkur hugsað til þess að
ef hægar hefði verið farið í sakirnar með nýja með-
ferð hefði sparast umtalsvert fé sem nota hefði mátt
til þarfari hluta.
Samanlagt söluverðmæti kalsíumgangaloka og
ACE-hemla frá 1983 er tæplega 6 milljarðar króna,
reiknað á verðlagi hvers árs. Ef við hefðum nú algjör-
lega sleppt því að nota þá og haldið okkur við þvag-
ræsilyf í staðinn hefði mátt spara um það bil fimm
milljarða króna. Pá er miðað við að dagskammta-
fjöldi, sem í raun hefur verið notaður á þessu tímabili,
væri reiknaður á meðalverði dagskammts þvagræsi-
lyfjanna eins og það hefur verið á hverjum tíma. Jafn-
vel þó að gert sé ráð fyrir að ekki væri raunhæft að
notast alfarið við þvagræsilyf er ljóst að hér eru miklir
sparnaðarmöguleikar og mikið fé hefur farið fyrir
lítið. Institut for Rationel Farmakoterapi (IRF) í
Danmörku kallar þetta „Sparnaðarmöguleika með
góðri samvisku“.
Eggert Sigfússon
Höfundur er deildarstjóri
í Heilbrigðis- og
tryggingamálaráðuneyti.
Læknablaðið 2003/89 163