Læknablaðið - 15.06.2003, Page 51

UMRÆÐA & FRÉTTIR /
HEILBRIGÐISMAL
Uppbygging Landspítala
í Læknablaðinu í maí 2003 er úttekt Þrastar Har-
aldssonar á stöðu heilbrigðismála fyrir kosningar.
Þröstur furðar sig á lítilli umræðu um þennan fjár-
freka málaflokk. Hann skoðar stefnuyfirlýsingar
stjórnmálaflokka og greinir frá ummælum þeirra
frambjóðenda sem tóku þátt í umræðum á fundi
læknaráðs Landspítala. Ennfremur vitnar hann í við-
töl við fjóra lækna sem birst hafa í blaðinu. Eitt sem
rætt hefur verið af þessum aðilum er framtíðar upp-
bygging Landspítala við Hringbraut. Undirritaður
telur sig þekkja töluvert til aðdraganda þeirra mála
frá starfi í þróunarnefnd spítalans. Nú er er ráðherra-
skipuð nefnd að vinna að því máli og semja við
Reykjavíkurborg um skipulag og færslu Hringbraut-
ar til undirbúnings framkvæmda þar.
Þær hugmyndir sem nú eru á borðinu munu kosta
gríðarlegt fjármagn. Lauslega áætlað er sennilega
verið að tala um 50-60 milljarða króna. í raun er ver-
ið að byggja nýjan spítala frá grunni. Benda má á
reynslu Norðmanna í þessu efni. Akvörðun var tekin
þar um að byggja nýjan spítala í Osló frá grunni.
Reiknað var með byggingum að flatarmáli 120-130
þúsund fermetra. Kostnaður áætlaður 27 milljarðar
íslenskra króna. Byggingamar hafa stækkað og kostn-
aður hefur meira en tvöfaldast. Ekki var hægt að taka
neitt af húsunum í notkun fyrr en allt var tilbúið.
Fjármagn tafði ekki en tíminn sem þetta tók var 12 ár.
I þróunarnefnd spítalans kom fram önnur hug-
mynd frá danska ráðgjafafyrirtækinu Ementor.
Grundvöllur þeirrar hugmyndar var að nýta eins
mikið af núverandi byggingum spítalans og mögulegt
er. Til þess að ná fram hagræðingu í rekstri töldu ráð-
gjafarnir nauðsynlegt að sameina líkamlega bráða-
þjónustu á einum stað. Að vel athuguðu máli var
talið að húsið í Fossvogi væri mun hentugra til að
byggja við. Líta ætti á lóðir við Hringbraut og í Foss-
vogi sem eina lóð og geðdeild yrði áfram við Hring-
braut ásamt endurhæfingu, langlegudeildum og ým-
issi rannsóknastarfsemi. Byggingamagn í Fossvogi
þyrfti yrði mun minna og kostnaður því aðeins brot
af því sem núverandi hugmyndir munu kosta. Við-
byggingar í Fossvogi myndu ekki trufla starfsemina
þar nema óverulega á meðan á framkvæmdum stæði
og taka mætti þær í notkun eftir því sem þær kláruð-
ust. Auk þess væri staðsetning lóðar í Fossvogi mun
betri með tilliti íbúa höfuðborgarsvæðisins. Þessi til-
laga hefur aldrei verið skoðuð nánar!
Þegar menn velta fyrir sér framtíð spítalans verða
þeir að sjálfsögðu að taka tillit til þess sem er að ger-
ast í þjóðfélaginu. Miðað við þær framkvæmdir sem
nú hafa verið ákveðnar er ljóst að stórframkvæmd á
við 100 þúsund fermetra byggingar við Hringbraut
getur ekki orðið á dagskrá næsta áratuginn.
Undirritaður hefur áður látið þá skoðun í ljósi að
færsla Hringbrautar sé sóun á fjármunum. Ákvörðun
um byggingu barnadeildar við Hringbraut var líka
röng.
Þar er því eindregið hvatt til að tillaga Ementor
verði tekin til skoðunar að nýju svo að menn geti
áttað sig á þeim möguleikum sem í henni felast.
Ólafur Örn
Arnarson
Höfundur er læknir á
eftirlaunum.
Læknablaðið 2003/89 523