Læknablaðið - 15.06.2004, Blaðsíða 5

LISTAMAÐUR
MÁNAÐARINS
II M R Æ fl A 0 G F R É T T I R
496 Af sjónarhóli stjórnar: Af faglegum málefnum lækna
Ófeigur T. Þorgeirsson
497 Fara laeknar í víking til Englands?
Þröstur Haraldsson
498 Heilbrigðisráðstefna með trúarívafí
Ólafur Ólafsson
499 Nýjar reglur um klínískar lyfjarannsóknir
Rætt við Pétur S. Gunnarsson og Magnús Jóhannsson hjá Lyfjastofnun
Þröstur Haraldsson
501 Krabbameinsskráin fímmtug
Rætt við Jón Gunnlaug Jónasson og Laufeyju Tryggvadóttur
Þröstur Haraldsson
503 Umsögn um bók. Medicinsk Kompendium, 16. útgáfa
Páll Ásmundsson
506 Á að sameina lífeyrissjóðina?
Rætt við Þorkel Bjarnason stjórnarformann Lífeyrissjóðs lækna
Þröstur Haraldsson
509 íðorðasafn lækna 167. Heilsuvísir
Jóhann Heiðar Jóhannsson
511 Faraldsfræði 38. Ferilrannsóknir III
María Heimisdóttir
513 Broshorn 49. Reykingar og augnskoðun
Bjarni Jónasson
516 Lyfjamál 126. Lækkun lyfjakostnaðar á faglegum forsendum
Frá heilbrigðis- og tryggingamálaráðuneytinu
517 Norrænt þing um hagnýtan lækningahúmor
518 Lausarstöður
519 Orlof
520 Þing/Okkar á milli
522 Sérlyfjatextar með auglýsingum
527 Minnisblaðið
Gabríela Friðriksdóttir
Stundum er erfitt að gera sér grein
fyrir því hvert listamenn eru að fara
með verkum sínum - ekki síst ef þau
eru án titils. Sjaldnast eru þeir þó
viljandi að gera okkur áhorfendum
erfitt fyrir, þvert á móti bjóða þeir
af örlæti upp á að allir geti lagt
sinn skilning í verkin út frá eigin
forsendum. Sumir kjósa þó að gefa
manni lykla í veganesti.
Gabríela Friðriksdóttir (1971)
hefur komið víða við á stuttum
ferli, vinnur í ýmsa miðla, skúlptúr,
teikningu, myndband, Ijósmyndun,
tónlist og málverk. Hún fer ekki
leynt með hugmyndafræði sína og
I viðtölum má sjá að hún leitast við
að endurmeta kerfi eða gildi eins
og hamingju, fegurð og gleði. (
sýningum, verkum og titlum þeirra
vísar hún markvisst í mannkynssögu,
goðafræði og bókmenntir. Það er þó
ekki endilega til að auðveida manni
skilning (enda varla hægt að tala
um að maður skilji list) heldur opnar
leið til að upplifa verkin og þar með
eitthvað innra með manni sjálfum.
I málverkinu Hamartia (2004)
þekur svartur litur mestan hluta
yfirborðsins en af upphleyptum
flötum má sjá að hann hylur ýmis
form. í glefsu fyrir miðri mynd skín
svo litur og teikning í gegn sem
gefur manni kost á að ímynda sér
það sem liggur undir. Þar mótar
fyrir brotnum beinum og loðinni
lífveru. Titillinn vísar í griska harmleiki
og karaktereinkenni sem verður
aðalsöguhetju þeirra oft að falli,
t.d. dramb. Verkið var á sýningunni
Kaþarsis þar sem svart lakk lék stórt
hlutverk og huldi stundum heilu
verkin. Gabríela skírskotar þannig
í hina læknisfræðilegu goðsögu
um svartagallið sem líkaminn
framleiðir og orsakar melankólíu
eða þunglyndi. Líkt og um mörg
verk hennar ber máiverkið keim
af hugmyndum liðins tíma en
framsetningarmátinn er mjög ferskur.
Gabriela leggur hugleiðingar
sínar fyrir áhorfendur í margræðum
verkum án þess að þröngva þeim
upp á þá sem óskeikulli lífsspeki.
Þótt undirtónninn sé alvarlegur er
ekki um eintómt svartagallsraus að
ræða, verkin eru oft ákaflega lifandi,
fyndin og meir að segja litrík. Hún
leiðir mann inn á ákveðnar brautir
með sterku myndmáli og titlum en
það er á engan hátt takmarkandi
því áhorfandanum opnast heillandi
heimur mannlegrar tilvistar og
tilfinninga.
Markús Þór Andrésson
Læknablaðið 2004/90 461