Læknablaðið - 15.12.2010, Page 48

Hópurinn á toppi Herðubreiöar í nokkurra stiga frosti og kvöldsðl. Aftari röðfrá vinstri: Engilbert Sigurðsson, IngaLára Ingvarsdóttir, Tónias Guðbjartsson,
Ólafur Már Björnsson, Birgir Már Arnórsson, Martin Johannsson, Jón Trausti Sigurðsson. Fremri röðfrá vinstri: Örlygur Steinn Sigurjónsson, Þóra
Þórisdóttir, Sólveig Helgadóttir, Sigrún Halldórsdóttir, Anna Björk Magnúsdóttir. Á myndina vantar Dagnýju Heiðdal. Myndir Ólafur Már Björnsson
Haustferð FÍFL á Herðubreið
Á leiðinni niður varfarið
að rökkva en allir komust
klakklaust niður snæviþakta
hlíðina.
Helgina 17.-19. september stóð Félags íslenskra
fjallalækna (FÍFL) fyrir árlegri haustferð. Að
þessu sinni var boðið upp á krefjandi jeppaferð
um hálendið, auk þess sem leggja átti að velli
sjálfa Drottningu Fjallanna, Herðubreið (1682 m).
Alls tóku 13 FÍFL þátt í ferðinni og var haldið
síðdegis á föstudegi á þremur jeppum norður
Sprengisandsleið. Fyrsta kvöldið var gist í Nýjadal
og þar haldin vegleg grillveisla. Næsta dag var
ekið inn á Gæsavatnaleið á vit ævintýranna.
Tóku þar við torfærur hinar mestu og snjóskaflar
sem ekki voru auðveldir yfirferðar. Ekin var
Dyngjufallaleið yfir Ódáðahraun rétt sunnan
Dyngjufjalla og komið í Drekagil rétt eftir hádegi.
Braust þá sólin fram og Herðubreið blasti við í
öllu sínu veldi, þakin snjó eins og flórsykurskreytt
kaka. Var því áætlun breytt skyndilega og
ákveðið að ganga samdægurs á fjallið. Utsýni af
toppnum var ólýsanlegt, enda frábært skyggni í
nokkurra stiga frosti og kvöldsól. Ekki skemmdi
sólarlagið fyrir á niðurleiðinni, sem sveipaði fjallið
ævintýraljóma en allir náðu niður heilu og höldnu
fyrir myrkur eftir tæplega fimm klukkustunda
göngu.
Gist var í Drekagili og daginn eftir ekið í
gegnum Herðubreiðarlindir til Mývatns. Þar voru
Jarðböðin heimsótt og þaðan haldið áfram til
Reykjavíkur.
Þegar er farið að leggja drög að vorferðum FÍFL
og verða þær auglýstar betur síðar. Reynt verður
að bjóða upp á bæði léttari og meira krefjandi
ferðir. Einnig er áhugi fyrir gönguskíðaferð um
hálendið. í tengslum við Læknadaga verður FÍFL,
eins og svo oft áður, með fyrirlestur tengdan
fjallgöngum og hefur heimsfrægum fyrirlesara
verið boðið til landsins. Ennfremur er stefnt að því
að skrá meðlimi félagsins og útbúa skírteini sem
veita félagsmönnum afslátt hjá fyrirtækjum sem
selja útivistarfatnað og gönguferðir. Nýlega tókst
að endurheimta lénið www.fifl.is og stendur yfir
vinna við gerð nýrrar heimasíðu félagsins. Afram
verður þó hægt að nálgast fréttir af félaginu og
sjá myndir úr ferðum á opinni síðu FIFL á www.
facebook.com
784 LÆKNAblaðið 2010/96
Ólafur Már Björnsson
Tómas Guðbjartsson