Læknablaðið - 15.09.2011, Page 3

Efnahagshrun, náttúruhamfarir
og hryðjuverk
Norrænir landlæknar og embættismenn þeirra héldu sinn árlega fund dagana 10.-12. ágúst síðastliðinn
hér á landi og að sögn Geirs Gunnlaugssonar landlæknis var þema fundarins af hálfu embættisins
umræða um heilsu Islendinga á tímum kreppu og náttúruhamfara og viðbrögð heilbrigðisyfirvalda.
„Vegna hryðjuverkanna í Noregi í júlí fengum við á fundinum upplýsingar frá fyrstu hendi um
reynslu þeirra af þeim hörmungum, en norski landlæknirinn átti þó ekki heimangengt að þessu
sinni af skiljanlegum orsökum," sagði Geir Gunnlaugsson í samtali við Læknablaðið. Á myndinni eru
norrænu landlæknarnir ásamt Guðbjarti Hannessyni velferðarráðherra.
LISTAMAÐUR MÁNAÐARINS
(samtímalist hefur undanfarna áratugi ríkt sterk hefð
sem byggist á hugmyndafræðilegum grunni. Tengsl
heimspeki og listar hafa til dæmis verið
frjór jarðvegur og voru þau meðal annars
kynnt í sumar á mjög áhugaverðri sýningu
í Listasafni Reykjavíkur undir heitinu
Sjónarmið. Undir lok sumars opnaði
hins vegar lítil gallerísýning sem minnir á
önnur tengsl sem minna hefur farið fyrir í
umræðu um list undanfarið en það er sú
myndlist sem tengist hinu tilfinningalega,
tjáningu og innlifun. Hulda Vilhjálmsdóttir
(f. 1971) hefur aðallega fengist við
málverk en einnig prófað sig áfram í
þrívidd, til dæmis leirmótun. Verk hennar
sækja greinilega í náttúru og mannlíf,
þótt ekki séu þau alltaf fígúratíf. Á sýningunni Myndin
afhenni í Gallerí Ágúst, sem stendur til loka september,
eru nær eingöngu málverk og teikningar af konum, ýmist
þekktum einstaklingum, fjölskyldu, vinum eða ónefndu
fólki. Verkið Kona igrænum kraga var málað á árunum
2008-2011 með olíu og akríl á striga og er um 80 cm á
kant. Það sýnir vel tækni og stíl Huldu sem er á mörkum
hins frjálslega og agaða. Teikningin og málunin eru unnin
af léttleika og leikgleði, myndbyggingin hins vegar nánast
samhverf og gerir sú staðfesta verkið áleitið. í málverkinu
má greina andstæður jarðtengingar og
hins andlega, ef við litum á formið á bak
við konuna sem fjall eða massift grjót og
baugana í kring um hana sem einhvers
konar útgeislun eða áru. í öðrum verkum
á sýningunni er að finna síendurteknar
tengingar af þessu tagi á milli konunnar
og hins efnislega annars vegar og
hins andlega hins vegar. Verkin miðla
umfram allt tilfinningu og hlýju gagnvart
viðfangsefninu sem ekki liggur beint við
hvernig færa má i orð. Þar liggur ef til vill
munurinn á umræðu um hugmyndalist
og þeirri list sem verk Huldu falla undir,
að tungumálið og rökhyggjan falla betur að þvi fyrrnefnda.
Það er þó einföldun að gera svo skýran greinarmun á því
hvort hægra eða vinstra heilahvel ræður för í sköpun og
túlkun, iðulega blandast þetta á einhvern hátt. Sá sem
upplifir verk Huldu fær í öllu falli töluvert fyrir sinn snúð.
Markús Þór Andrésson
Læknablaðið
THE ICELANDIC MEDICAL IOURNAL
www. laeknabladid. is
Hlíðasmára 8,
201 Kópavogi
564 4104-564 4106
Útgefandi
Læknafélag íslands
Læknafélag Reykjavíkur
Ritstjórn
Engilbert Sigurðsson,
ritstjóri og ábyrgðarmaður
Anna Gunnarsdóttir
Gunnar Guðmundsson
Gylfi Óskarsson
Hannes Hrafnkelsson
Inga S. Þráinsdóttir
Tómas Guðbjartsson
Þórdís Jóna Hrafnkelsdóttir
Tölfræðilegur ráðgjafi
Thor Aspelund
Ritstjórnarfulltrúi
Védís Skarphéðinsdóttir
vedis@lis.is
Blaðamaður og Ijósmyndari
Hávar Sigurjónsson
havar@lis.is
Auglýsingastjóri og ritari
Dögg Árnadóttir
dogg@lis.is
Umbrot
Sævar Guðbjörnsson
saevar@lis.is
Upplag
1700
Áskrift
10.500,- m. vsk.
Lausasala
1050,- m. vsk.
Prentun, bókband
og pökkun
Oddi,
umhverfisvottuð
prentsmiðja
Höfðabakka 3-7
110 Reykjavík
© Læknablaðið
Læknablaðið áskilur sér rétt til að birta
og geyma efni blaðsins á rafrænu formi,
svo sem á netinu.
Blað þetta má eigi afrita með neinum
hætti, hvorki að hluta né í heild án leyfis.
Fræðigreinar Læknablaðsins eru
skráðar (höfundar, greinarheiti og
útdrættir) í eftirtalda gagnagrunna:
Medline (National Library of Medicine),
Science Citation Index (SciSearch),
Journal Citation Reports/Science
Edition og Scopus.
The scientific contents of the lcelandic
Medical Journal are indexed and
abstracted in Medline (National Library
of Medicine), Science Citation Index
(SciSearch), Journal Citation Reports/
Science Edition and Scopus.
ISSN: 0023-7213
LÆKNAblaðið 2011/97 455