Frjáls verslun - 01.05.2012, Side 9

FRJÁLS VERSLUN 5. TBL. 2012 9
Ragnar Árnason, prófessor í hagfræði við Háskóla Íslands:
EFNAHAGSMÁL
Þau leiðu mistök urðu í síðasta tölublaði Frjálsrar verslunar að það gleymdist að setja inn nýjan pistil
eftir Ragnar Árnason, prófessor
í hagfræði, og birtist pistill hans
frá blaðinu áður því aftur. Ragnar
og lesendur Frjálsrar verslunar
eru beðnir velvirðingar á þessum
mistökum. Hér kemur pistillinn
sem átti að birtast í síðasta blaði.
„Ragnar Árnason segir um fjár­
festingaráætlun ríkisstjórnarinn­
ar fyrir árin 2012­2015 að með
þessari áætlun sé í rauninni verið
að lofa upp í ermina á næstu
ríkis stjórn. Hann bendir á að
kjör tímabil núverandi ríkisstjórn­
ar renni út í maí 2013, aðeins
fimm mánuðum eftir að þessi 36
mánaða áætlun eigi að hefjast,
og því sé erfitt að skoða hana
sem annað en ódýrt kosninga­
loforð.
„Sé áætlunin engu að síður
tekin alvarlega er margt við
hana að athuga. Eitt er að hún
felur í sér tiltölulega óverulegar
fjárfestingar á þjóðhagslegan
mælikvarða. Sá hluti þess­
ara fjárfestingaráforma sem
fjármagna á með veiðigjaldi og
bankasölu, þ.e. 39 milljarða kr. á
þremur árum, er einungis um 1%
af vergri landsframleiðslu á ári.
Heildaráformin upp á 88 millj arða króna, sem ekki
er út skýrt að öðru leyti hvernig
eigi að fjármagna, nema um
2% af vergri landsframleiðslu á
ári. Þessar tölur eru óverulegar
mið að við minnkun fjárfestinga
hér á landi frá upphafi kreppun­
nar sem nemur um 10% af vergri
lands framleiðslu árlega.
Við þetta bætist að ósennilegt
er, svo ekki sé meira sagt, að
þessi fjárfestingaráform feli í sér
nokkra aukningu á heildarfjár­
festingu í landinu. Sá hluti þeirra
sem fjármagna á með veiðigjaldi
minnkar auðvitað fjárfestingar
sjávarútvegsfyrirtækjanna að
sama skapi.
Svipuðu máli gegnir um þann
hluta fjárfestinganna sem fjár­
magna á með sölu banka. Sé sal­
an til innlendra aðila þá minnka
kaupendurnir auðvitað aðrar
fjárfestingar sínar að sama skapi.
Sé sala bankanna hins veg ­
ar til erlendra aðila, sem er
raunar afar ólíklegt við ríkjandi
og fyrir sjáanlegar aðstæður á
næstu árum í hinum alþjóðlega
banka heimi, getur verið um
við bótarfjárfestingu að ræða. Sú
við bót er hins vegar af þeim toga
sem kallaður hefur verið erlend
fjár festing og núverandi ríkis­
stjórn hefur í reynd til þessa sett
sig eindregið gegn.“
Fjárfestingaráætlun
ríkisstjórnarinnar
LíFEYRISSJÓÐIR RíKIS OG SVEITARFéLAGA:
Í stuttu máli
Tímaritið Vísbending fjallar um ný ­útkomna skýrslu Fjármála eftir lits ­ins um stöðu lífeyris sjóðanna. Þar
kemur fram að tryggingafræðileg áfallin
staða sjóðanna er neikvæð um 550 milljarða
króna í árslok 2011. Fyrir árið 2008 áttu
flestir almennir lífeyrissjóðir fyrir sínum
skuldbindingum, en hrunið breytti því.
Á þeim liðlega þremur árum sem liðu frá
október 2008 til desember 2011 unnu sjóð ­
félagar sér inn réttindi sem í raun var ekki
innistæða fyrir. Enda hafa margir sjóðir
brugðist við með því að skerða réttindi, þó
að enn hafi ekki náðst jafnvægi.
Hjá sjóðum starfsmanna ríkis og sveitar­
félaga vantar yfir 400 milljarða króna upp á
að endar nái saman. Þessi skuldbinding er
eins og hver önnur skuld sem ríki, sveit ar­
félög og ýmis opinber fyrirtæki og stofn anir
verða að greiða á næstu áratugum. Verði
ekkert að gert þarf ríkið að borga auka ­
lega milli 15 og 20 milljarða króna á ári
eftir rúman áratug þegar núverandi sjóð ir
tæmast. Því er brýnt að bregðast fljótt við.
Oddný Harðardóttir fjármálaráðherra þarf að bregðast fljótt við.
Vantar 400 milljarða upp
á að endar nái saman