Frjáls verslun - 01.05.2012, Qupperneq 63

FRJÁLS VERSLUN 5. TBL. 2012 63
Björk Þórarinsdóttir, frkvstj. fyrirtækja sviðs Arion banka.
Sitt besta ráð í stjórnun segir Björk vera að hafa á að skipa hæfu starfsfólki sem kemur með tillögur að lausn mála í stað
vandamála og virkja kraft þess og þekkingu
til árangurs.
„Það er brýnt að búa til raunhæfa áætlun
um afnám gjaldeyrishafta og endurvekja
traust á fjármálamarkaðnum hér á landi en
íslenskir bankar og atvinnulíf starfa í skjóli
gjaldeyrishafta. Það þarf líka að tryggja
atvinnulífinu umgjörð og skattaumhverfi sem
styður við nýfjárfestingar sem myndi leiða til
stöðugri hagvaxtar en sem byggist eingöngu
á einkaneyslu og draga úr atvinnuleysi. Síðast
en ekki síst þarf að ná sátt um stjórn fiskveiða
– bæði hvað varðar fiskveiðistjórnunarkerfið
sjálft og svo skattlagningu á auðlindinni.“
Björk segist vera hæfilega bjartsýn. „Það
sem er jákvætt er að fyrirtæki eru komin með
traustari efnahagsreikning og skuldastöðu
sem þau ættu að geta ráðið við; framtíðin
ræðst svolítið af því hvort okkur tekst að
auka fjárfestingar í atvinnulífinu á ný. Við
höfum náð ákveðnum árangri með ríkis­
fjármálin, atvinnuleysi er enn sögulega mikið
og verðbólguspár eru of háar eða 5­6%.
Við höfum alla burði til þess að halda vel á
spöðunum en til þess þarf styrka og faglega
efnahagsstjórn.“
Björk er stjórnarformaður Valitor.
Björk Þórarinsdóttir, framkvæmdastjóri fyrirtækjasviðs arion banka:
Björk Þórarinsdóttir segir það standa upp úr hjá Arion banka að kaflaskil hafi
orðið á fjármálamarkaði þar sem úrlausn skuldavanda fyrirtækja og einstakl­
inga sé að mestu lokið. Fjármálaþjónusta banka sé óðum að taka á sig eðli­
lega mynd á nýjan leik. Hún segir að bankinn sé orðinn fjárhagslega sterkur
og uppfylli hæglega skilmála fjármálaeftirlitsins.
rakel Óttarsdóttir,
frkvstj. þróunar- og markaðssviðs Arion banka.
kaflaskil á fjármálamarkaði