Frjáls verslun - 01.05.2012, Side 133

FRJÁLS VERSLUN 5. TBL. 2012 133
Í sumar hvetjum við hjá Cintamani fólk til þess að fara út að leika. Við erum að gefa út bók með íslenskum útileikjum sem mun fylgja öllum barnaflíkum og verður það okkar þema út árið.
Hönnun sumarlínunnar 2013 er þegar lokið
og um þessar mundir erum við að hanna
vetrarlínuna 2013/14. Að þessu sinni er lista­
maður gestahönnuður. Línan verður sterkari
með hverju „season“. Stefna okkar er skýr:
Lífsgleði, gæði og hugrekki.
Viðskiptahópurinn vex sífellt þar sem
Íslend ingar eru farnir að vilja klæðast litum,
bæði á fjöllum og hversdags.“
ákveðnar efasemdir um lagasetninguna

Hvað finnst þér um lögin sem taka gildi 1.
september 2013 og kveða á um að hlutfall
hvors kyns verði aldrei lægra en 40% í stjórn­
um stærri fyrirtækja?
„Ég held að flestir séu sammála um að
stuðla beri að jafnrétti á sem flestum sviðum
þjóðfélagsins. Ég verð samt að viðurkenna
að ég hef ákveðnar efasemdir um að þvinga
eigendur einkafyrirtækja til að velja tiltekna
hópa í stjórn. Það hlýtur að vera réttur hvers
fjárfestis að ráðstafa eignum sínum á þann
veg sem hann kýs. Ég hitti fyrirtækjaeiganda
um daginn sem á fyrirtæki í félagi við þrjá
karlmenn. Hann sagði að nú væri það stefna
þeirra að vaxa ekki upp fyrir 50 starfsmenn
vegna þess að þeir vildu áfram vera fjórir í
stjórninni. Ég held að við verðum að fara varlega
í þessum efnum og varast að skerða eignar­
réttinn. Við eigum að hvetja konur til þátttöku í
at vinnulífinu og gera þær eftir sóknarverðar.“
Hvernig snerta þessi lög þitt fyrirtæki? Hversu
margar konur eru í stjórn fyrirtækisins?
„Það vill svo til að hjá Cintamani erum við
þrjár konur sem stýrum fyrirtækinu. Ég er
framkvæmdastjóri, Ásta Björk fjármálastjóri
og Sigrún Guðný vörumerkja­ og útflutnings­
stjóri. Eigendur fyrirtækisins eru í stjórn; einn
karlmaður og ein kona.“
Lífsgleði, gæði
og hugrekki
Aldur: 38 ára.
Hjúskaparstaða: Gift Jóni Jósafat Björns-
syni og við eigum tvær
dætur.
Áhugamál: Líkamsrækt, útivist og golf.
Sumarfríið 2012: Ég var að koma úr sólar-
landaferð með eiginmanni
og dætrum. Við stefnum á
margar útilegur hér á
þessu fallega landi.
Sumarið er tíminn hjá Cintamani. Mikill fjöldi ferðamanna kemur
til landsins og Íslendingar flykkjast á fjöll. Það hefur ekki farið
framhjá neinum að áhuginn á útivist fer ört vaxandi.
„Ég held að flestir séu sammála um að stuðla
beri að jafnrétti á sem flestum sviðum þjóðfé­
lagsins.“
C i n t a m a n i
Dagný Guðmundsdóttir er framkvæmdastjóri Cintamani.
Texti: Hrund Hauksdóttir / Mynd: Geir Ólafsson