Frjáls verslun - 01.05.2012, Side 134

134 FRJÁLS VERSLUN 5. TBL. 2012
Að sögn Helgu Harðardóttur, sem er einn af eigendum KPMG og yfirmaður innri endurskoðunar, hefur umhverfisvitund meðal almennings og fyrirtækja aukist
verulega. „Samfélagsleg ábyrgð fyrirtækja
hefur þróast frá því að veita styrki til ýmiss
konar góðgerðarmála yfir í að snerta flesta
þætti starfseminnar.
Úttektir á stjórnarháttum fyrirtækja
Stjórnendur fyrirtækja hafa sýnt úttekt
KPMG á stjórnarháttum mikinn áhuga. Við
mun um áfram vinna að úttektum en þær
henta bæði þeim félögum sem vilja bæta
stjórnarhætti sína og þeim sem telja sig
fylgja góðum stjórnarháttum. Í framhaldi af
út tektinni geta fyrirtæki lagt niðurstöðurnar
fyrir Rannsóknarmiðstöð í stjórnarháttum
við Háskóla Íslands og óskað eftir mati á
starfsháttum stjórnar með það að markmiði
að fá viðurkenninguna „Fyrirmyndarfyrirtæki
í stjórnarháttum“. Nú þegar hafa tvö fyrirtæki
fengið slíka viðurkenningu.
KPMG og félagsvísindasvið Háskóla Íslands
munu í sumar standa saman að könnun
meðal stjórnarmanna í íslenskum fyrirtækjum.
Markmið samstarfsins er að afla upplýsinga
um íslenska stjórnarmenn og störf þeirra.“
hvatinn er að auka fjölbreytileika
Hvað finnst þér um lögin sem taka gildi 1.
september 2013 og kveða á um að hlutfall
hvors kyns verði aldrei lægra en 40% í stjórn­
um stærri fyrirtækja?
„Ég tel hvatann að löggjöfinni hafa verið
að auka fjölbreytileika í stjórnum íslenskra
fyrirtækja. Ljóst er að konur eru í minnihluta í
stjórnum hér á landi. Með löggjöfinni er því í
reynd verið að „hraðspóla“ þróun sem ann­
ars hefði jafnvel tekið tugi ára.
Í könnun KPMG meðal íslenskra stjórnar­
manna sem framkvæmd var í fyrra eru sterkar
vísbendingar um að félög séu farin að huga
að þessu kynjahlutfalli jafnvel þótt lögin taki
ekki gildi fyrr en á næsta ári.“
Hvernig snerta þessi lög þitt fyrirtæki? Hversu
margar konur eru í stjórn fyrirtækisins?
„KPMG fellur undir löggjöfina þar sem starfs­
menn eru rúmlega 230. Í stjórn KPMG eru
þrír karlar og tvær konur og hefur hlutfallið
verið þannig nánast óslitið síðan í lok ársins
2008. KPMG leggur ríka áherslu á jafnrétti
og vert er að benda á að hlutfall kvenna í
eigendahópi KPMG er 30%, samanborið
við 15­18% hjá hinum stóru endurskoðunar­
skrifstofunum. Einnig er gaman að segja frá
því að hlutfall kvenna og karla hjá KPMG
hefur verið nánast jafnt síðasta áratuginn og
margar konur hafa í gegnum starfsþróun og
aukna menntun tekið að sér stjórnunarhlut­
verk hjá félaginu.“
Löggjöfin mun
hraða þróuninni
KPMG hefur á síðustu mánuðum m.a. lagt áherslu á umhverfismál, samfélagslega
ábyrgð og aðstoðað fyrirtæki við að bæta stjórnarhætti.
„KPMG og félagsvísindasvið Háskóla Íslands
munu í sumar standa saman að könnun meðal
stjórnarmanna í íslenskum fyrirtækjum.“
K P M G
Helga Harðardóttir, einn af eigendum og yfirmaður innri endurskoðunar hjá KPMG.
Aldur: 52 ára.
Menntun: Endurskoðandi.
Hjúskaparstaða: Gift og á þrjú börn.
Áhugamál: Golf.
Sumarfríið 2012: Ætla að eyða sumarfríinu
innanlands með fjöl-
skyldunni.
Texti: Hrund Hauksdóttir / Mynd: Geir Ólafsson