Frjáls verslun - 01.04.2010, Qupperneq 75

F R J Á L S V E R S L U N • 4 . T B L . 2 0 1 0 75
FYRIRTÆKIN
Fyrirtækin sem mynda Samtök fyrirtækja
í grænni tækni, Clean Tech Iceland, eru
mörg og mislangt komin í þróun vöru sinnar.
Meðal fyrirtækjanna eru:
Carbon Recycling International hefur
þróað ferli og tækni til að vinna metanól úr
útblæstri jarðvarmavirkjana og vetni með
rafgreiningu. Framtíðarsýn fyrirtækisins er
að framleiða eldsneyti á vistvænan hátt
sem dregur jafnframt úr koltvísýringslosun
og bindur um leið brenni steinsmengun.
www.carponrecycl ing.com
Fjölblendir sérhæfir sig í þróun á eldsneyt-
iskerfum byggðum á TCT-tækninni; Total
Combustion Technology eða albrunatækni.
TCT-kerfið er uppfinning Kristjáns B.
Ómarssonar en hann er aðalhönnuður
fyrirtækisins. Markmið fyrirtækisins er að
hanna kerfi sem eru ódýr í framleiðslu og
leiða til minni útblástursmeng unar en þekk-
ist með núverandi kerfum.
www.tct. is
Marorka þróar kerfi fyrir skip með það að
markmiði að draga úr olíunotkun skipa og
þar með eldsneytiskostnaði og mengun.
Fyrirtækið er sprottið af vinnu dr. Jóns
Ágústar Þorsteinssonar, stofnanda og
forstjóra fyrirtækisins. Marorka vinnur
m.a. að ráðgjafarvinnu við nýsmíði skipa,
greiningu á rekstrarstikum skipa og þróun
orkustjórnunarhugbúnaðarins Maren.
www.marorka.com
Prokatín er líftæknifyrirtæki með
orkulíftækni sem sérsvið. Fyrirtækið hefur
stundað rannsóknir og þróun með það
markmið að nýta örverur í iðnaðarskyni og
notar orkulíftækni til að framleiða prótein-
mjöl í fóður. Fyrirtækið hefur meðal annars
í nokkur ár stundað rannsóknir á að rækta
örverur á jarðhita gasi í sérbúinni tilrauna-
aðstöðu í Orkuverinu á Nesjavöllum.
www.prokatin. is
Remake electric framleiðir nýja kynslóð
rafmagnsöryggja sem nefnist rafskynjari og
hefur rauntímavísun í stöðu rafmagnsálags
ásamt hljóð viðvör un vegna yfirálags. Þessar
upplýsingar gera notendum kleift að bæta
framleiðni rafmagns og skapa sparnað með í
rafmagns notkun.
www.remake.is
Vistvæn orka er hátæknisprotafyrirtæki
með áherslu á þróun og markaðssetningu
á orkusparandi LED-ljósdíóðulömpum og
-straumstýringum (Light Emitting Diode)
fyrir eftirfarandi þrjú megin svið; ylrækt
(garðyrkjubændur sem hafa blóma- og
matjurta rækt að atvinnu), orku líftækni og
líftækni.
www.vo.is
GRÆN TÆKNI
á þessu sviði og spurt þau hvort þau hafi
áhuga á að vinna í hópi sem þessum.“
Umhverfisvæn tækni sem atvinnugrein
Bryndís segir umgengni við umhverfið
og samspil við samfélagið vera einn af
þáttunum í rekstri góðra fyrirtækja en
góð umgengni á lóð og stuðningur við
félagsstarf segi ekki alla söguna. „Virk
umhverfisstjórnun í fyrirtækjum krefst þess
að skoðað sé á heild rænan hátt allt ferli vöru
og þjónustu. Starf semin öll er skoðuð og
farið er ofan í saumana á rekstrinum og horft
til þess að spara hráefni, minnka úrgang og
almennt gera betur það sem gert er.
Svo eru önnur fyrirtæki sem ganga enn
lengra og hugsa upp á nýtt. Í stað þess að
bæta þá ferla sem nú eru notaðir er hugsað
fyrir nýrri leið til að leysa hlutina. Nú er
farið að fjalla um fyrirtæki sem vinna að
því að þróa umhverfisvænni tækni sem
atvinnugrein út af fyrir sig. Þetta er við
fyrstu sýn sundurleitur hópur en það sem
fyrirtækin eiga sameiginlegt er að þau
vinna að tækni sem er umhverfisvænni
en hefðbundnar lausnir. Orkumál eru
fyrirferðarmikil í þessum geira, enda stendur
orkunotkun á bak við stóran hluta þeirra
gróðurhúsalofttegunda sem losna vegna
mannlegra athafna. Önnur fyrirtæki huga
að úrgangsmálum eða bættri hráefnanotkun.
Meðal þess sem þessi nýju samtök munu
vinna að er að styrkja netverk fyrirtækjanna,
auka samstarf og deila þekkingu og reynslu.
Áherslurnar liggja á mörgum sviðum,
einkum í markaðsmálum, menntamálum,
varðandi fjár mögnun, þátttöku í norrænu
starfi og vera stjórnvöldum til stuðnings við
stefnu mótun.“
Samtök fyrirtækja í grænni tækni, Clean Tech Iceland,
munu m.a. vinna að því að styrkja netverk fyrirtækjanna,
auka samstarf og deila þekkingu og reynslu. Áherslurnar
liggja á mörgum sviðum, einkum í markaðsmálum, mennta -
málum, varðandi fjármögnun, þátttöku í nor rænu starfi og að
vera stjórnvöldum til stuðnings við stefnu mótun.
ReMake Electric hlaut Gulleggið 2010 fyrir
Rafskynjara. Á myndinni eru fulltrúar fyrir tæki-
sins sem tóku á móti verðlaununum. Talið frá
vinstri: Freyr Hólm Ketilsson, Svanhildur Björk
Hermannsdóttir, Hilmir Ingi Jónsson og Snorri
Hreggviðsson.
Bryndís Skúladóttir er forstöðumaður um hverfis-
mála hjá Samtökum iðnaðarins.