Frjáls verslun - 01.04.2010, Qupperneq 92

92 F R J Á L S V E R S L U N • 4 . T B L . 2 0 1 0 F R J Á L S V E R S L U N • 3 . T B L . 2 0 1 0 77
• MYNDLIST
• SÆLKERINN
• HESTAMENNSKA
• KVIKMYNDIR
• BÍLAR
Lífsstíll
TÓNLISTIN VEITIR VISSA ÚTRÁS
HLJÓMSVEITIN
Bjarni Már Gylfason. „Við spilum fyrst og fremst lög sem okkur
sjálfum finnast skemmtileg og hægt er að dilla sér við.“
Bjarni Már Gylfason, hagfræðingur
Samtaka iðnaðarins, er í hljóm­
sveitinni Krummafæti ásamt
nokkr um vinum sínum. „Þetta
er hópur gamalla vina sem hefur
glamrað síðan við vorum unglingar.
Fyrir nokkrum árum vildum við
koma þessu glamri upp á örlítið
hærra stig og stofnuðum hljómsveit.
Við reynum að spila saman einu
sinni í viku en leikir með Liverpool
og stórleikir í Meistaradeildinni
trufla það stund um. Svo reynum
við að halda tónleika eða ball einu
sinni til tvisvar á ári til að skemmta
sjálfum okkur og vinum okkar.“
Bjarni spilar á bassa með hljóm­
sveitinni en hann spilar einnig á
gítar. Hann tekur fram að hann
sé að mestu laglaus en það séu
vinir hans sem séu fínir söngvarar.
„Mínum söngferli lauk 1987 þegar
ég lék skólastjórann í jólaleikriti
Laugarnesskóla og leikstjórinn
bað mig um að hreyfa bara var­
irnar á frumsýningunni. Svo er
það nú ekki beinlínis algengt að
bassaleikarar syngi en ég gaula
stundum fyrir börnin mín. Yngsta
dóttir mín kann að meta mig sem
söngvara.“
Bjarni segir að lagavalið hjá
Krummafæti sé fjölbreytt. „Við
spilum fyrst og fremst lög sem
okkur sjálfum finnast skemmtileg
og hægt er að dilla sér við. Það er
allur skrattinn á okkar prógrammi
en við höfum frekar sterka tilhneig­
ingu til að rokka svolítið. Einstaka
popplag og diskó ratar þó inn á
dagskrána en við eigum alveg eftir
að ná tökum á pönki.“
Bjarni segir að tónlistariðkunin
veiti sér vissa útrás. Þetta sé tæki­
færi til að tjá sig með vissum
hætti. „Ég er ekki að segja að ég
sé ógurlegur tónlistarmaður. Það
er gaman að vera með svolítinn
hávaða og fá hellu fyrir eyrun.
Þetta er fjarri því sem ég geri dags
daglega og hljómsveitaræfingar eru
kærkomin upplyfting. Svo getur verið
gaman að sýna öðrum hvað maður
getur og að baða sig í aðdáun
annarra þegar tækifæri gefst.“
„Mér var boðið að koma í gönguhóp
sumarið 2002 og hef farið reglulega í
göngu ferðir síðan,“ segir Páll Hilmars­
son, framkvæmdastjóri markaðssviðs
hjá Innnesi. Hann fer yfirleitt í 1–2
vikuferðir á sumrin – en undirbýr sig fyrir
þær ferðir með því að stunda líkamsrækt
– og svo er farið í styttri ferðir.
„Það getur allt gerst á fjöllum. Það á
ekki að taka tvísýnar áhættur og bera
skal virðingu fyrir náttúruöflunum.
Ég var ásamt fleirum í Jökulfjörðum í
fyrrasumar þegar skall á vetrarveður með
hávaðaroki og él. Þetta var sömu nótt
og kartöflugrösin féllu í Þykkvabænum
hér sunnanlands eða 23. júlí. Mikil þoka
og dimmviðri var á heiðunum þannig
að það hefði verið óráðlegt að halda
áfram enda var verið að safna saman öllu
göngufólki af Hornströndum á þessum
tíma og því óskuðum við eftir því að
vera sótt. Það er alltaf erfitt að taka
ákvörðun um að snúa við en við segjum
líka að það þarf meiri kjark til þess að
snúa við en að halda áfram. Kyrrðin
og friðurinn á fjöllum er gjörólík hinu
daglega amstri og þar bókstaflega gengur
maður inn í annan heim,“ segir Páll um
gönguferðirnar. „Það er allt annað að
ferðast gangandi um Ísland. Ég kynnist allt
öðrum hliðum á landinu sem ég sæi ekki
annars.“ Páll hefur líka farið í skipulagðar
gönguferðir til útlanda – til Slóveníu,
Króatíu, Spánar og Póllands.
GÖNGUFERÐIR
BERA VIRÐINGU FYRIR NÁTTÚRUÖFLUNUM
Páll Hilmarsson á Fimmvörðuhálsi.
76 F J L S V E S L • 3 . T L . 2 0 1 0
LI T
L I
T
I I
ÍL
UMSJÓN: SVAVA JÓNSDÓTTIR (MYNDLIST O.FL.) • HILMAR KARLSSON (KVIKMYNDIR) • PÁLL STEFÁNSSON (BÍLAR)
ÚR FRJÁLSRI VERSLUN FYRIR 35 ÁRUMFRÁ SAKLEYSINU YFIR Í HIÐ HNEYKSLANLEGA
Magdalena Margrét Kjartansdóttir. „Ég vil lesa úr þeim ævintýri og barnaskap. Þær eru oft barnalegar en
svo er eitthvað sem minnir á ellina þegar farið er að lesa úr þeim.“
Þegar Magdalena Margrét Kjartansdóttir
mynd listarmaður er spurð á hvað hún leggi
áherslu í myndlistinni segir hún: „Það er
bara manneskjan. Aðallega kvenverur –
konumyndir. Ég vil lesa úr þeim ævintýri og
barnaskap. Þær eru oft barnalegar en svo er
eitthvað sem minnir á ellina þegar farið er að
lesa úr þeim.“
Stundum er lögð áhersla á hvernig
kvenveran þroskast og breytist. Sakleysið
skín oft í gegn. „Samt er eitthvað sem getur
hneykslað.“ Hvers vegna að hneyksla? „Allt
hefur tvær hliðar. Það er mín reynsla af lífinu.“
En hvers vegna skyldi Magdalena Margrét
leggja áherslu á kvenverur? „Ég ólst upp hjá
einstakri móður,“ er svarið.
Myndirnar eru oft litaglaðar og segir lista­
konan að tilfinningar speglist í litunum.
Svarti liturinn réð þó ríkjum á tímabili. Sorg,
sem Magdalena Margrét upplifði, réð því.
Sakleysi. Hið hneykslanlega. Tilfinningar.
Hvað ætli heilli hana við myndlistina? „Þessi
aukaheimur sem maður getur horfið inn í.
Þetta er eitthvað andlegt; sumir fara í jóga.“
Hún fer ekki í jóga. Hún býr til listaverk.
Lífsstíll
MYNDLIST