Frjáls verslun - 01.11.2009, Síða 23
F R J Á L S V E R S L U N • 1 1 . T B L . 2 0 0 9 23
hann hafði misst ár úr skóla voru þau í sama árgangi. Þetta var árið
1950. Þau stigu dansinn saman í tæp 60 ár, allt þar til Ingibjörg lést
nú í desember. Andlát hennar var Sigurbergi, fjölskyldu, vinum og
samstarfsfólki mikið áfall enda var Ingibjörg við góða heilsu, stund-
aði útivist, golf og leikfimi, starfaði í versluninni og hélt utan um alla
fjölskylduþræði af miklum kærleika og umhyggju allt fram til hinstu
stundar.
Eftir landspróf í Flensborg fór Sigurbergur
í Menntaskólann í Reykjavík. Þetta var árið
1952. Og þá var Ingibjörg ófrísk að fyrsta
barni þeirra hjóna, aðeins sautján ára að aldri.
Hann hélt áfram í MR og lauk þaðan stúd-
entsprófi 1955. Allan tímann bjuggu þau
hvort í sínu lagi hjá foreldrum sínum en hún
með frumburðinn, Hjördísi, hjá sér. Eftir að
Sigurbergur lauk stúdentsprófinu giftu þau sig og stofnuðu heimili í
lítilli kjallaraíbúð við Hverfisgötu í Hafnarfirði.
„Um þetta leyti gerðist ég slökkviliðsmaður suður á Keflavíkur-
flugvelli gegnum kunningsskap við Svein Eiríksson, slökkviliðs-
stjóra, sem var kallaður Patton,“ segir Sigurbergur. „Ég stundaði
nám í viðskiptafræði með slökkviliðsstarfinu, lauk því kringum
1962. Í slökkviliðinu hætti ég 1968, þá orðinn aðstoðarslökkvil-
iðsstjóri.“
Raunar kom það ekki til af góðu að Sigurbergur sagði skilið við
slökkviliðið. Hann hafði þá tekið að sér margvísleg verkefni í bókhaldi
og skattframtalagerð samhliða starfinu sem aðstoðarslökkviliðsstjóri.
Álagið var mikið og gat varla endað nema á
einn veg. „Örlögin kipptu þar í taum. Ég fékk
stresskast af of miklu álagi, sem varð í raun
minn bjargvættur, var fluttur með sjúkrabíl á
spítala og var talsvert lengi að jafna mig. Það
fór ekki saman að vera í stressvinnu suður frá
og stressvinnu hér í Hafnarfirði þannig að ég
ákvað að hætta í slökkviliðinu og fara alfarið í
bókhaldið. Og þá hitti ég Bjarna.“
Hér er nefndur Bjarni Blomsterberg sem m.a. hafði rekið Hóls-
búð við Hringbraut í Hafnarfirði. Sigurbergur hafði þá unnið við
bókhaldið fyrir Bjarna þar til hann hætti með búðina. Bjarni kom
sem sagt að máli við Sigurberg árið 1973 og spurði: „Eigum við ekki
bara að stofna lágvöruverðsverslun?“ Þar átti hann við verslun með
Bjarni sagði: „Eigum
við ekki bara að stofna
lágvöruverðsverslun?“
Sigurbergur Sveinsson, eigandi Fjarðarkaupa.
Nafn: sigurbergur sveinsson
Fæddur: 15. apríl 1933
Börn: Hjördís sigurbergsdóttir
ljósmóðir, fædd 1952, rósa
sigurbergsdóttir kennari, fædd
1957. sveinn sigurbergsson
verslunarmaður, fæddur 1960
og Gísli sigurbergsson versl-
unarmaður, fæddur 1965.
Starf: Verslunarmaður í
Fjarðarkaupum.