Frjáls verslun - 01.11.2009, Page 89
um áramótHvað segja þau ?
F R J Á L S V E R S L U N • 1 1 . T B L . 2 0 0 9 89
Hvað stóð upp úr hjá þínu
fyrirtæki á árinu þrátt fyrir
kreppuna?
Baráttuandi og stemning meðal
starfsmanna sem hafa skilað
frábæru starfi þrátt fyrir hörku-
samkeppni og erfitt árferði.
Tekjur Vodafone hafa ekki
lækkað milli ára og það er mikill
sigur því við höfum lagt áherslu
á að hjálpa viðskiptavinum að
lækka símkostnað sinn með því
að bjóða hagkvæmar þjónustu-
leiðir. Á móti höfum við fjölgað
viðskiptavinum og nýjar þjón-
ustuleiðir hafa verið vinsælar.
Í hvaða úrbótum er fyrirtæki
þitt nú að vinna?
Við höfum verið að hagræða til
að mæta erfiðum aðstæðum,
en á sama tíma reynum við að
gera enn betur í þjónustunni
við viðskiptavini. Við erum að
gera ýmislegt sem auka mun
ánægju þeirra og við ætlum að
eiga ánægðustu viðskiptavini
á Íslandi. Það verður klárlega
okkar sterkasta vopn í harðri
baráttu á markaðnum næstu ár.
Hvernig metur þú stöðuna á
næsta ári?
Nýlegar fréttir um hugsanlegan
hagvöxt á næsta ári eru mikið
fagnaðarefni. Við tökum þeim
samt með fyrirvara og búum
okkur undir að fyrirtæki og ein-
staklingar hafi minna milli hand-
anna en áður. Vonandi verður
það ekki þannig, en rekstrar-
áætlanir Vodafone miða við að
árið verði erfitt.
Hvaða lærdóm getum við
dregið af núverandi krísu?
Að reglan sem maður lærði sem
barn, að líta til beggja hliða áður
en maður gengur yfir götu, er
enn í góðu gildi. Margir gleymdu
því og lásu umhverfið ekki
rétt og þess vegna urðum við
fyrir bíl. Ég vona að framvegis
verðum við gagnrýnni á umhverfi
okkar og tökum meira mark á
viðvörunarorðum, jafnvel þótt
þau kunni að vera úr takti við
almenningsálitið.
Er krónan búin að vera sem
gjaldmiðill? Ef svo er; hve
langt er í evruna?
Hvort sem krónan verður okkar
framtíðargjaldmiðill eða ekki,
þá er ljóst að Íslendingar munu
þurfa að nota hana einhvern
tíma í viðbót. Stjórnendur fyrir-
tækja geta ekki leyft sér að bíða
eftir því að krónunni verði skipt
út fyrir annan gjaldmiðil. Þeirra
hlutverk er að reka sín
fyrirtæki vel, sýna aðhald í
rekstrinum og gera kröfur á
sjálfa sig og sitt fólk, óháð gjald-
miðlinum sem er í notkun hverju
sinni.
Ef þú ættir að gefa for-
sætisráðherra gott ráð,
hvert yrði það?
Hið opinbera getur árlega
sparað hundruð milljóna króna
með því að bjóða út fjar-
skiptaþjónustu við allar stofn-
anir ríkisins og ráðuneyti. Slíkt
hefur ekki tíðkast, en nú er lag
í ljósi þess mikla niðurskurðar
og aðhalds sem blasir við á
flestum sviðum. Einnig myndi
ég hvetja til þess að farið verði
varlega í að íþyngja fyrirtækjum
í landinu enn frekar. Svo mætti
forsætisráðherra gjarnan verða
sterkari kyndilberi jákvæðni og
bjartsýni fyrir hönd okkar allra –
ekki veitir af.
Hvað var minnisstæðast hjá
sjálfum þér á árinu?
Árið var mjög eftirminnilegt fyrir
mig og nokkuð margt sem
stendur upp úr. Ég varð fertugur
og ákvað því að koma mér í
betra líkamlegt form en ég hef
líklega nokkurn tíma áður verið
í. Ég hef æft mjög stíft í World
Class og fengið ómetanlegan
stuðning frá Gillz sjálfum. Svo
varð ég nýlega forstjóri Vodafone
sem mig grunar að verði bæði
skemmtilegur og eftirminnilegur
tími.
Ómar Svavarsson, forstjóri Vodafone
Hvet til þess að farið verði
varlega í að íþyngja fyrirtækjum
í landinu enn frekar
Ómar Svavarsson, forstjóri Vodafone.
Gunnar Guðjónsson, forstjóri Opinna kerfa.