Læknablaðið - 01.03.2014, Page 43
LÆKNAblaðið 2014/100 171
V I Ð T A L
stæður einstaklingsins sem þær eiga við.
Þær eru í þessum skilningi „lausar undan
persónulegum aðstæðum“ og þess vegna
hættulegar. Þessi tegund alræðis læknis-
fræði sem meðhöndlar alla einstaklinga á
sama hátt, getur auðveldlega rýrt stöðu og
sjálfstæði sjúklinga. Okkar menning við-
urkennir sjálfræði og val einstaklingsins
eingöngu að því marki að hann velji þann
kost sem ríkið hefur samþykkt. Gengið
er útfrá því að allir muni velja hinn „heil-
brigða kost“ þegar á hann hefur verið bent
og ekkert tillit er tekið til ólíkra aðstæðna
fólks eða væntinga sem það kann að hafa
um líf sitt.“
„Danski heimspekingurinn Søren Kier-
kegaard sagði að við yrðum að skilja lífið
afturábak. En samt má ekki gleyma því
að við lifum lífinu framávið. Við þurfum
því að framkvæma hlutina áður en við
skiljum þá til fullnustu. Okkur væri því
hollt að hafa í huga orð skáldsins Amitav
Ghosh er sagði: „Læknisfræðin er stór
kirkjugarður hugmynda sem hefur verið
hafnað.“ Það er svo miklu auðveldara að
sjá mistök fyrri kynslóða heldur en eigin
mistök.
Við meðhöndlum áhættuþætti í dag
sem sjúkdóma í sjálfu sér og við verðum
að læra að standa á móti tilhneigingu til
ofgreiningar. Svo virðist sem endalaust
megi græða fé á sölu lyfjafræðilegra
lausna gegn sjúkdómum og jafnvel enn
meira megi græða á lausnum er draga
eiga úr áhættuþáttum sjúkdóma. Áhersla
á meðhöndlun sjúkdóma dregur úr póli-
tískri ábyrgð á samfélagslegum orsökum
þeirra,” segir Iona Heath sem þrátt fyrir
mikinn alvöruþunga í málflutningi sín-
um, kinkaði kolli brosandi við slagveðurs-
rigningunni er barði utan alla glugga
Hörpunnar á lokadegi Læknadaga. Hún
kvaðst hlakka til að eiga tvo frídaga fram-
undan á Íslandi.
Heimildir
Heath I. Overdiagnosis; when good intentions meet vested
interest. BMJ 2013; 347: f6361.
Heath I. Preventing overdiagnosis: Winding back the harms
of too much medicine. Dartmouth College. youtube.com/
watch?v=oFh1kJ7GCGQ
Heath I. Combating disease mongering: daunting but
nonetheless essential. 2006. DOI: 10.1371/journal.
pmed.0030146
Starfield B, Leiyu S, Grover A, Macinko J. The Effects Of
Specialist Supply On Populations’ Health: Assessing The
Evidence. Health A f fa i r s ~ We b Ex c l u s i v e W 5 - 9 7.
DOI 10.1377/hlthaff.W5.97
Watts G. Barbara Starfield. Lancet 2011; 378: 564. doi:10.1016/
S0140-6736(11)61281-6
Heimilislæknir
Heilsugæslan í Salahverfi auglýsir eftir lækni með sérfræðimenntun í heimilislækningum.
Æskilegt er að viðkomandi geti verið í fullu starfi, en hlutastarf kemur einnig til greina. Staðan
er laus frá 1. ágúst n.k. eða síðar eftir samkomulagi.
Einnig kemur til greina að ráða lækni án sérfræðimenntunar í afleysingar til skemmri tíma.
Heilsugæslustöðin er rekin af Salus ehf. samkvæmt samningi við velferðarráðuneytið.
Stöðin þjónar fyrst og fremst íbúum austustu hverfa Kópavogs, Linda-, Sala-, Kóra-, og
Vatnsendahverfum. Átta heimilislæknar starfa á stöðinni og sinna hefðbundnum heimilislækn-
ingum, mæðra- og ungbarnavernd, en einnig skólaheilsugæslu. Læknar stöðvarinnar geta
starfað á Læknavaktinni utan dagvinnutíma.
Umsóknarfrestur til 24. mars n.k.
Upplýsingar um starfið veita læknarnir Böðvar örn Sigurjónsson og Haukur Valdimarsson í
síma 590-3900 eða á netfangið salus@salus.is
Umsóknir sendist Böðvari Erni Sigurjónssyni, yfirlækni
Heilsugæslunni Salahverfi,
Salavegi 2,
201 Kópavogi
Samninganefnd Læknafélags Íslands
fundar stíft þessa dagana og rekur smiðs-
höggið á kröfugerð til að leggja fram við
samninganefnd ríkisins. Sigurveig Péturs-
dóttir formaður samninganefndar LÍ
segir að óskað hafi verið eftir fundi með
samninganefnd ríkisins en ekki hafi enn
verið brugðist við því.
„Við vorum boðuð á fund nefndarinnar
og gert tilboð um hækkun uppá 2,8% sem
við höfum þegar hafnað. Við vitum að það
er tilgangslaust að leggja slíkt tilboð fyrir
félagsmenn okkar. Þetta var fjölmennur
fundur þar sem við vorum boðuð ásamt
fulltrúum ýmissa annarra stéttarfélaga.
Ekki var boðið upp á umræður í kjölfarið
heldur var þetta eins og að hlýða á messu.
Boltinn er nú í höndum samninganefndar
ríkisins að svara ósk okkar um fund þar
sem við getum lagt fram og kynnt okkar
kröfugerð. Framhaldið ræðst síðan í kjöl-
farið,“ segir Sigurveig Pétursdóttir.
Engin viðbrögð
samninganefndar ríkisins
Samninganefndin á fundi í húsakynnum læknafélagsins í Hlíðasmára. Frá vinstri: Björn Gunnarsson, Oddur
Ingimarsson, Ólöf Birna Margrétardóttir, María Gunnbjörnsdóttir, Sigurveig Pétursdóttir, Björn Gunnlaugsson og
Eyjólfur Þorkelsson. Í nefndinni sitja einnig Bryndís Sigurðardóttir, Dóra Lúðvíksdóttir og Sigurjón Vilbergsson.