Frjáls verslun - 01.04.2005, Side 29

F R J Á L S V E R S L U N • 4 . T B L . 2 0 0 5 29
D A G B Ó K I N
ráðningu Margrétar hefur Árni
Þór Árnason látið af störfum
sem forstjóri Austurbakka.
Margrét hefur sl. áratug verið
framkvæmdastjóri neytendasviðs
Skeljungs. Þar áður starfaði
hún í 9 ár sem framkvæmda-
stjóri hjá olíufélaginu Q8 í
Kaupmannahöfn.
4. maí
Almar Örn
forstjóri Sterling
Pálmi Haraldsson, annar eigenda
flugfélagsins Sterling, hafði
sagt í fjölmiðlum að nýr forstjóri
Sterling yrði frá Norðurlöndunum.
Það tók hins vegar ekki langan
tíma að finna nýjan forstjóra,
Almar Örn Hilmarsson, fram-
kvæmdastjóri Iceland Express,
varð fyrir valinu. Bæði félögin
eru í eigu þeirra Pálma og
Jóhannesar Kristjánssonar í
Lúxemborg.
Birgir Jónsson, sölu-og
markaðsstjóri Iceland Express,
tók við af Almari sem forstjóri
Iceland Express. Birgir er 31
árs og rekstarhagfræðingur að
mennt, giftur og tveggja barna
faðir.
Þess má geta að Sterling
flýgur til tæplega þrjátíu
áfangastaða í Evrópu, frá
Kaupmannahöfn, Osló og
Stokkhólmi, en flestir áfangast-
aðir Sterling eru í Suður-Evrópu,
Bretlandi og Írlandi.
Almars bíður erfitt starf. Tap
upp á 460 milljónir króna varð á
rekstri Sterling á fyrsta fjórðungi
þessa árs.
4. maí
Átök um yfirráð
ljóður á viðskiptalífinu
Halldór Ásgrímsson forsætis-
ráðherra ávarpaði aðalfund
Samtaka atvinnulífsins og sagði
að átök um yfirráð væru ljóður á
viðskiptalífinu. „Bankarnir blanda
sér of mikið í þessi átök með því
að kaupa yfirráð og selja,“ sagði
Halldór á fundinum.
„Í stað þess að aðaláherslan
sé lögð á að bæta fyrirtækin,
auka arðsemi þeirra og markaðs-
virði berast ítrekað fréttir af
átökum um yfirráð. Í hvers
þágu eru þessi átök? Eru þau
í þágu almennra hagsmuna
starfsmanna, eigenda og þjóðfé-
lagsins? Svo má vera stundum.
Ef kyrrstaða er, forystuleysi og
annað sem réttlætir breytingar
kallar það oft á átök. Sú skýring
er þó ekki nægileg.“
5. maí
Hugvit frá Calidris
slær í gegn
Sagt var frá því þennan dag
að lausn frá hugbúnaðarhúsinu
Calidris í Reykjavík hefði bætti
afkomu Emirates flugfélagsins í
Sameinuðu arabísku furstadæm-
unum um hundruð milljóna króna
á síðasta ári. Emirates skilaði
mesta hagnaði í sögu sinni á
síðasta ári og telja forráðamenn
félagsins að Calidris verkefnið
sé mikilvægasta verkefni sinnar
tegundar sem unnið er að innan
samsteypunnar. Í dag nota fimm
flugfélög lausnir Calidris, en þau
eru, auk Emirates og Icelandair,
Finnair í Finnlandi, Royal
Jordanian Airlines í Jórdaníu, og
Aegean Airlines í Grikklandi.
6. maí
Ár og dagur
með Blaðið
Það verður fróðlegt
að sjá hvernig hinu
nýja dagblaði,
Blaðinu, reiðir af í
samkeppninni við
Morgunblaðið,
Fréttablaðið og DV.
En hinn 6. maí kom Blaðið út í
fyrsta skipti. Það er prentað í 80
þúsund eintökum. Prentsmiðja
Morgunblaðsins prentar blaðið.
Almar Örn Hilmarsson,
forstjóri Sterling.
Harkan sex. Fjarhitunarhúsið rifið í tætlur.
10. maí
„Rifrildi“ við Borgartún
Það hefur vakið athygli allra vegfarenda um
Borgartún hvernig kröftugar vinnuvélar hafa
rifið niður gamla Fjarhitunarhúsið við Borgartún
17. Kaupþing banki átti húsið og víkur það fyrir
stækkun á glæsilegum höfuðstöðvum bankans
við Borgartún 19. Nýja byggingin verður 4.400
fermetrar að stærð og tengist höfuðstöðvum
bankans sem þar eru fyrir. Núverandi höfuð-
stöðvar eru 4.000 fermetrar þannig að þarna
verður um 8.400 fermetra bankabygging –
sem verður skráð í bækur sem Borgartún 19.
Birgir Jónsson, forstjóri Iceland
Express.