Frjáls verslun - 01.04.2005, Page 38

38 F R J Á L S V E R S L U N • 4 . T B L . 2 0 0 5
sorglegu mál persónugerð mjög sterklega
og tengd við mig. Sama gilti um fíkniefna-
málin, sem voru í kringum tíu. Þá stóð þriðji
aðili sem annaðist miðasölu ekki í skilum
með vörslufé fyrr en seint og um síðir þegar
fengum einhvern hluta aðgangs. Því eru
engar ýkjur að við höfum farið illa út úr Eld-
borg, sem ég ákvað að yrði eina útihátíðin
sem ég héldi, „ segir Einar.
Reynsluna segir hann þó hafa verið mikils
virði. „Þetta var mikill lærdómur og maður
hertist í eldi þessara verkefna. Ég, eins og
aðrir í rekstri, geri ennþá mistök, en þá
skiptir öllu að bera gæfu til að draga af þeim
réttan lærdóm. Ef maður hættir að gera mis-
tök þá er maður hættur að taka áhættur. Það
jafngildir því að maður sé ekki lengur fram-
sækinn og þá kemur ferskur keppinautur
fram á sjónarsviðið og rænir kúnnunum.“
Um svipað leyti og Einar stóð að Eldborg
kom hann að tveimur verkefnum sem tók-
ust vel, sýningunum „Strákarnir á Borginni“
með Helga Björnssyni og Bergþóri Pálssyni
og „Hætt-a-telja“, afmælissýningu Halla og
Ladda. Báðar gengu í mánuði og þúsundir
miða seldust.
Ögun, lögmál og verkferlar
Sem fyrr segir var Einar við háskólanám í
Bandaríkjunum, en þar vestra dvaldist hann
um þriggja ára skeið. „Það er sama hvaða
nám ég hefði lagt fyrir mig, ekki er víst að
neitt hefði gagnast sérstaklega í því sem ég
vinn við núna,“ segir Einar. „Auðvitað kemur
öll menntun til góða með einhverju móti, í
skóla lærir maður ákveðna ögun, lögmál og
verkferla. En þegar ég lít til baka og yfir tíma
minn í Ameríku þá lærði ég þó líklega mest
af því að sækja tugi tónleika og spá í hvernig
staðið var að framkvæmd þeirra. Það var
ómetanlegur skóli.“
Þunginn í starfsemi Concert eru tónleikar
með erlendum listamönnum sem koma
hingað til lands. Í fyrra komu hingað til lands-
ins þrír erlendir listamenn sem héldu ferna
tónleika - og er óhætt að fullyrða að þar hafi
Deep Purple í júní verið hápunkturinn. Á
haustdögum voru tónleikar með Van Morri-
son og Marianne Faithful. Í ár hefur verið
efnt til tónleika með stórtenórnum Jose Car-
reras og snemma í maí komu snillingarnir
í hinni fornfrægu bresku hljómsveit The
Shadows. Síðar á þessu ári eru á dagskrá
tónleikar með Joe Cocker, Sissel Kirkjebo,
Kiri Te Kanawa og Alice Cooper og er þá
sitthvað ónefnt.
Vandratað til vinsælda
Aðdragandi að tónleikum með erlendum lista-
mönnum er langur og undirbúningsferlið er
Í hópi ráðamanna.
Þorgerður Katrín
Gunnarsdóttir mennta-
málaráðherra og
Steingrímur Sigur-
geirsson, aðstoðar-
maður hennar, hvort
á sínum enda, Einar
Bárðarson og honum
á vinstri hönd stendur
Vilhjálmur Árnason frá
Útflutningsráði.
„Satt að segja ætlaði ég mér
aldrei að leggja skemmtana-
eða tónleikahald fyrir mig
sem atvinnu. Mér fannst alltaf
hallærislegt að vera kallaður
umboðsmaður.“
Meðal stórstirna.
Einar Bárðarson,
Elvis Costello,
Diana Krall og
lengst til hægri
er umboðsmaður
hennar.
Einar var gestadómari í Idol-keppninni.
„Söngflokkurinn Nylon var myndaður eftir að
nær þrjú hundruð stúlkur mættu í áheyrnar-
prufur, þar sem þessi mynd var tekin.“
T Ó N L E I K A H A L D