Frjáls verslun - 01.04.2005, Qupperneq 39

F R J Á L S V E R S L U N • 4 . T B L . 2 0 0 5 39
Tónleikahaldarinn og tenórinn. Einar og Jose Carreras, sem hélt tónleika
hér á landi nú á vormánuðum.
flókið púsluspil. Fyrstu bollaleggingar vegna
tónleika Shadows hófust ári áður en þeir
voru haldnir og þau plön sem Einar er nú að
leggja lúta að viðburðum árið 2007. Hann er í
samstarfi við erlendar umboðsskrifstofur tón-
listarmanna, einkum í Kaupmannahöfn, sem
hann segir hafa opnað ýmsa möguleika.
„Það er hægara sagt en gert að fá heims-
þekkta erlenda listamenn hingað til lands til
tónleikahalds, þó betur gangi í dag en áður.
Listamenn eru opnari fyrir því nú en áður
að bæta Íslandi við í Evróputúr, í stað þess
að lengja ferðina til dæmis með tónleikaferð
austur til Asíu. Ég hef þá reglu að halda ekki
tónleika nema viðkomandi listamaður eða
hljómsveit nái til aldurshóps, sem spannar
yfir fimmtán ára aldursbil. Þannig er áhætt-
unni haldið í lágmarki. Það má ekki heldur
hlaupa eftir tíðarandanum eins og hann birt-
ist nákvæmlega í augnablikinu. Vinsældir
eru svipular. Sjálfur legg ég áherslu á að
vera með listamenn í sígildu poppi, rokki og
síðan klassík; það er tónlist sem höfðar til
fólks sem er 25 ára og eldri. Alls eru um tíu
þúsund manns á póstlista hjá okkur og mér
finnst það ágætur vitnisburður um að fólk
hefur áhuga á því sem Concert er að gera,“
segir Einar.
Samstarf sé beggja hagur
Fastir starfsmenn Concert eru í dag fjórir
talsins, en fjöldi undirverktaka leggur hönd á
plóg þegar að tónleikahaldi kemur. „Ég legg
áherslu á skýra verkaskiptingu. Sjálfur hef
ég samningagerð með höndum, markaðs- og
kynningarmál og allt er lýtur að öryggis-
málum,“ segir Einar. „Daglegur rekstur er
að miklu leyti í höndum Helgu Lilju Gunnars-
dóttir viðskiptafræðings sem hóf störf hjá
mér á sl. ári og hefur reynst mér mjög vel.
Það er ekki hægt að vera góður í öllu, heldur
þarf að velja með sér gott samstarfsfólk og
treysta því fyrir hlutunum.“
Einar segir ánægjulegt að stjórnendur
æ fleiri markaðsdrifinna fyrirtækja geri sér
í seinni tíð grein fyrir þeim möguleikum
sem felist í samstarfi við tónleikahaldara og
tengi þannig saman menningu og viðskipti.
Til dæmis með því að kaupa ákveðinn
fjölda miða á tónleika og bjóða viðskipta-
vinum eða starfsfólki. Markaðsdeild Íslands-
banka og Concert hafa átt samstarf um
allmörg svona verkefni og nú síðast Síminn
í tengslum við tónleika Jose Carreras á
útmánuðum.
„Ég hef ekkert gaman af því að leita til
fyrirtækja á þeim forsendum að þau styrki
og fái merkið sitt á veggspjöld í staðinn.
Báðir aðilar þurfa að hafa beina hagsmuni af
samstarfi. Þarna nefni ég til dæmis samning
Concert og Master Card á Íslandi: þeir leggja
okkur til stuðning gegn því að korthafar fái
20% afslátt á viðburði á okkar vegum. Slíku
samstarfi hafa báðir aðilar hag af. Það er
byggt á gagnkvæmu trausti og virðingu. Við
hófum það fyrir tæpum tveimur árum og um
það er ekki skriflegur samningur heldur tók-
ust menn bara í hendur og vinna saman af
heilindum. Slíkt er ómetanlegt.“
„Listamenn eru opnari
fyrir því nú en áður að
bæta Íslandi við í Evrópu-
túr, í stað þess að lengja
ferðina til dæmis með tón-
leikaferð austur til Asíu.“
Kiri Te Kanawa. Sissel Kirkjebo.
HELSTU TÓNLEIKAR
CONCERT 2005
5. mars
Jose Carreras
5. maí
Shadows
13. ágúst
Alice Cooper
1. september
Joe Cocker
30. september og
tvennir tónleikar
1. október
Sissel Kirkjebo
5. október
Kiri Te Kanawa
T Ó N L E I K A H A L D