Frjáls verslun - 01.04.2005, Page 40

40 F R J Á L S V E R S L U N • 4 . T B L . 2 0 0 5
Idol og Nylon
Jafnhliða tónleikahaldi ýmiss konar hefur
Einar Bárðarson einnig með höndum
umboðsmennsku fyrir stöku íslenska lista-
menn. Löngu áður en úrslitin í Idol-keppn-
inni voru kunn leitaði Stöð 2 til hans um að
taka sigurvegarann í fóstur og koma á fram-
færi. „Þetta gekk eftir og samstarfið við Hildi
Völu, nú söngkonu í Stuðmönnum, hefur
verið frábært. Hún veit nákvæmlega hvað
hún vill sjálf og er mikil fagmaður, sem gerir
samstarfið miklu auðveldara en ella væri,“
segir Einar.
Stærsta verkefni hans á þessu sviði er
þó tvímælalaust Nylon-flokkurinn, sem á
síðasta ári hefur notið mikilla vinsælda hér
heima. Landvinningar í Bretlandi eru í bígerð
og meðal annars hefur hljómplöturisinn
Virgin sýnt Nylon áhuga.
„Tíminn verður að leiða í ljós hvort að við
náum árangri í Bretlandi. Ég hef þó alltaf haft
tröllatrú á stelpunum, þær eru stútfullar af
hæfileikum. Að komast inn á markaðinn ytra
er vissulega bæði tímafrekt og rosalega dýrt,
en ég finn hins vegar að menn ytra þekkja
orðið talsvert til íslenskrar tónlistar og þess
sem héðan kemur. Útrás íslenskra verslunar-
og fjármálafyrirtækja inn á Bretlandsmarkað
hefur sömuleiðis hjálpar okkur. Ísland er
komið á kortið.“
Ætlar sér 25% markaðshlutdeild
Áætla má að tónleikahald líkt því sem
Concert stendur að sé útvegur sem veltir
um 500 til 700 milljónum króna á ári. „Sam-
kvæmt þessum veltutölum er ég líklega
með um tuttugu prósent af þessum mark-
aði og ætla mér að ná 25% stöðu á þessu
og næsta ári, þótt stærðin sé ekki endilega
kappsmál. Að gera hlutina vel og halda
sjó er það sem mér finnst mest um vert.
Vissulega hefur verið gullgrafarablær yfir
þessum atvinnuvegi, en ég vara við slíkum
hugsunarhætti. Menn verða að taka þetta
af fullri alvöru, því ekkert má út af bregða. Í
þessum rekstri er ef til vill mesti sigurinn sá
að hafa tekist að halda sjó og verið í sókn.
Fyrir svo utan að hlakka ævinlega að fara í
vinnuna á morgnana og fyrir slíkt er talsvert
gefandi.“
„Tíminn verður að leiða í ljós
hvort við náum árangri í
Bretlandi. Ég hef þó alltaf haft
tröllatrú á stelpunum, þær
eru stútfullar af hæfileikum.“ Alice Cooper.
Norræn samvinna. Norska
söngkonan Sissel Kirkjebo
gerði góða lukku þegar hún
hélt tónleika hér á landi.
Hér sést hún með Einari og
Guðmundi Gíslasyni, umboðs-
manni sínum, sem búsettur er
í Noregi.
The Shadows.
T Ó N L E I K A H A L D